§25ἐπειδὴ δὲ ἐκάλει ὁ ἄρχων εἰς τὸ δικαστήριον ἅπαντας τοὺς ἀμφισβητοῦντας κατὰ τὸν νόμον, ὑπωμοσάμεθα ἡμεῖς τουτονὶ Ὀλυμπιόδωρον δημοσίᾳ ἀπεῖναι στρατευόμενον.
그리고 아르콘이 법에 따라 모든 청구인을 법정으로 소환했을 때, 우리는 여기 있는 올림피오도루스가 공적인 군 복무로 부재중이라는 연기 신청 선서를 했습니다.
ὑπομοθέντος δὲ τούτου ἀνθυπωμόσαντο οἱ ἀντίδικοι, καὶ διαβάλλοντες Ὀλυμπιόδωρον τουτονί, ὕστεροι ἡμῶν λέγοντες, ἔπεισαν τοὺς δικαστὰς ψηφίσασθαι τῆς δίκης ἕνεκα ἀπεῖναι τουτονὶ καὶ οὐ δημοσίᾳ.
이 선서가 행해지자, 상대방들은 맞선서를 하고 여기 있는 올림피오도루스를 비방하면서, 우리보다 나중에 발언하여, 여기 있는 이 사람이 공무 때문이 아니라 재판 때문에 부재중이라고 의결하도록 배심원들을 설득했습니다.
§26ψηφισαμένων δὲ ταῦτα τῶν δικαστῶν διέγραψεν ὁ ἄρχων Πυθόδοτος κατὰ τὸν νόμον τὴν τουτουὶ Ὀλυμπιοδώρου ἀμφισβήτησιν.
배심원들이 이와 같이 의결하자, 아르콘 피토도토스는 법에 따라 여기 있는 올림피오도루스의 청구를 기각했습니다.
διαγραφείσης δὲ ταύτης, ἐξ ἀνάγκης καὶ ἐμοὶ ἦν ἐκλιπεῖν τὴν τοῦ ἡμικληρίου ἀμφισβήτησιν.
이것이 기각되자, 저 역시 유산의 절반에 대한 청구를 포기할 수밖에 없었습니다.
γενομένων δὲ τούτων ἐπεδίκασεν ὁ ἄρχων τοῖς ἀντιδίκοις τοῖς ἡμετέροις τὸν κλῆρον τὸν Κόμωνος·
이러한 일이 일어난 후, 아르콘은 코몬의 유산을 우리의 상대방들에게 판결해 주었습니다.
ταῦτα γὰρ οἱ νόμοι αὐτὸν ἠνάγκαζον ποιεῖν.
법이 그에게 그렇게 하도록 강제했기 때문입니다.
§27ἐπειδὴ δὲ ἐπεδικάσαντο, εὐθὺς εἰς Πειραιᾶ ἐλθόντες παρελάμβανον πάντα ὅσα ἡμῶν εἶχεν ἑκάτερος νειμάμενος ἐν τῇ μερίδι.
그리고 그들이 판결을 받자마자, 즉시 페이라이에우스로 가서 우리가 각자의 몫으로 나누어 가졌던 모든 것을 회수했습니다.
κἀγὼ μὲν ἐπιδημῶν αὐτὸς παρέδωκα (ἀνάγκη γὰρ ἦν πείθεσθαι τοῖς νόμοις), τὰ δὲ Ὀλυμπιοδώρου, ἀποδημοῦντος τούτου, ἅπαντα ᾤχοντο λαβόντες, πλὴν τοῦ ἀργυρίου οὗ εἶχεν αὐτὸς παρὰ τοῦ ἀνθρώπου τοῦ οἰκέτου, ὃν ἐβασάνισεν·
저는 마침 국내에 있었기에 스스로 인도했습니다(법에 따를 수밖에 없었기 때문입니다). 그러나 올림피오도루스의 물건들은 그가 해외에 있었기에 그들이 전부 가져가 버렸습니다. 다만 그가 직접 고문한 하인에게서 받아 보관하고 있던 그 은전만은 예외였습니다.
οὐ γὰρ εἶχον ὅπου ἐπιλάβοιντο τοῦ ἀργυρίου.
그들은 그 은전을 어디서 압수해야 할지 알지 못했기 때문입니다.
§28καὶ τὰ μὲν πραχθέντα ταῦτʼ ἦν ἐν τῇ ἀποδημίᾳ τῇ Ὀλυμπιοδώρου, καὶ τῆς κοινωνίας τῆς πρὸς τοῦτον ταῦτα ἐγὼ ἀπέλαυσα.
그리고 올림피오도루스가 해외에 있는 동안 일어난 일들은 이러했으며, 저는 그와의 공동 관계로부터 이러한 결과를 얻었습니다.
ἐπειδὴ δὲ ἐπεδήμησεν οὗτος καὶ οἱ ἄλλοι στρατιῶται, ἠγανάκτει Ὀλυμπιόδωρος οὑτοσί, ὦ ἄνδρες δικασταί, ἐπὶ τοῖς συμβεβηκόσι, καὶ ἡγεῖτο δεινὰ πεπονθέναι.
그러나 그와 다른 군인들이 귀국하자, 배심원 여러분, 여기 있는 올림피오도루스는 일어난 일에 분개하며 자신이 끔찍한 처우를 받았다고 생각했습니다.
ἐπειδὴ δὲ μεστὸς ἐγένετο ἀγανακτῶν, ἐσκοποῦμεν πάλιν καὶ ἐβουλευόμεθα κοινῇ ἐγὼ καὶ Ὀλυμπιόδωρος οὑτοσί, ὅντινα τρόπον τούτων τι πάλιν κομιούμεθα.
그가 분노로 가득 찬 후, 저와 여기 있는 올림피오도루스는 어떻게 이 재산 중 일부를 다시 되찾아올 수 있을지 다시금 공동으로 검토하고 의논했습니다.
§29καὶ ἐδόκει ἡμῖν βουλευομένοις προσκαλεῖσθαι τοὺς ἐπιδεδικασμένους κατὰ τὸν νόμον, καὶ ἐκ τῶν ὑπαρχόντων ἀσφαλέστατον εἶναι μὴ ἐν τῷ αὐτῷ ἡμᾶς ἀμφοτέρους τὸν κίνδυνον ποιεῖσθαι πρὸς τοὺς ἀμφισβητοῦντας, ἀλλὰ χωρὶς ἑκάτερον, καὶ τουτονὶ μὲν Ὀλυμπιόδωρον ὅλου τοῦ κλήρου λαχεῖν, ὥσπερ τὸ πρότερον, καὶ ἀγωνίζεσθαι καθʼ αὑτόν, ἐμὲ δὲ τοῦ ἡμικληρίου, ἐπειδὴ καὶ Κάλλιππος ὁ ἀδελφὸς ὁ ἐμὸς τοῦ ἡμικληρίου μόνον ἠμφεσβήτει,
그리고 의논하는 과정에서, 우리는 법에 따라 유산 상속 판결을 받은 자들을 소환하기로 했고, 현재 상황에서 우리 둘이 동일한 소송에서 청구인들을 상대로 함께 위험을 부담하기보다는 각자 따로 소송을 제기하는 것이 가장 안전하다고 판단했습니다. 즉, 여기 있는 올림피오도루스는 이전처럼 유산 전체에 대해 소송을 제기하여 단독으로 다투고, 저는 유산의 절반에 대해 소송을 제기하기로 한 것입니다. 제 형제 칼리포스 역시 유산의 절반만을 청구하고 있었기 때문입니다.
§30ὅπως, ἐὰν μὲν Ὀλυμπιόδωρος οὑτοσὶ ἐπιτύχῃ τοῦ ἀγῶνος, ἐγὼ κατὰ τὰς συνθήκας καὶ τοὺς ὅρκους πάλιν τὸ μέρος λάβοιμι παρὰ τούτου, ἐὰν δʼ ἄρα ἀποτύχῃ καὶ τὰ ἕτερα ψηφίσωνται οἱ δικασταί, οὗτος παρʼ ἐμοῦ καλῶς καὶ δικαίως ἀπολαμβάνοι, ὥσπερ ὠμόσαμεν ἀλλήλοις καὶ συνεθέμεθα.
이는 만약 여기 있는 올림피오도루스가 소송에서 승리할 경우, 제가 계약과 서약에 따라 그에게서 제 몫을 다시 돌려받기 위함이었고, 만약 그가 실패하여 배심원들이 다른 판결을 내릴 경우에는 우리가 서로 맹세하고 합의한 대로 그가 저에게서 올바르고 공정하게 자신의 몫을 돌려받기 위함이었습니다.
ἐπειδὴ δὲ ταῦτʼ ἐβουλευσάμεθα καὶ ἐδόκει ἀσφαλέστατʼ εἶναι καὶ ἐμοὶ καὶ Ὀλυμπιοδώρῳ, προσεκλήθησαν ἅπαντες οἱ ἔχοντες τὰ τοῦ Κόμωνος κατὰ τὸν νόμον.
우리가 이와 같이 계획을 세우고 그것이 저와 올림피오도루스 모두에게 가장 안전하다고 여겨졌을 때, 코몬의 재산을 점유하고 있는 모든 자가 법에 따라 소환되었습니다.
καί μοι ἀνάγνωθι τὸν νόμον, καθʼ ὃν ἡ πρόσκλησις ἐγένετο.
저에게 그 소환의 근거가 된 법률을 읽어 주십시오.
ΝΟΜΟΣ. §31κατὰ τὸν νόμον τοῦτον, ὦ ἄνδρες δικασταί, ἡ πρόσκλησις ἐγένετο, καὶ τὰς ἀμφισβητήσεις ἀντεγραψάμεθα, ὃν τρόπον τουτῳὶ ἐδόκει Ὀλυμπιοδώρῳ.
[법률] 배심원 여러분, 이 법률에 따라 소환이 행해졌고, 우리는 여기 있는 올림피오도루스가 좋다고 생각한 방식으로 청구서를 제출했습니다.
καὶ μετὰ ταῦτα ὁ ἄρχων ἀνέκρινε πᾶσιν ἡμῖν τοῖς ἀμφισβητοῦσιν, καὶ ἀνακρίνας εἰσήγαγεν εἰς τὸ δικαστήριον.
이 일이 있은 후, 아르콘은 청구인인 우리 모두에게 예비 심문을 진행했고, 예비 심문을 마친 뒤 사건을 법정으로 보냈습니다.
καὶ οὑτοσὶ Ὀλυμπιόδωρος ἠγωνίζετο πρῶτος, καὶ ἔλεγεν ὅ τι ἐβούλετο, καὶ μαρτυρίας παρείχετο ἃς ἐδόκει τούτῳ·
그리고 여기 있는 올림피오도루스가 가장 먼저 다투며 자신이 원하는 바를 말하고, 자기가 보기에 적절한 증언들을 제시했습니다.
κἀγώ, ὦ ἄνδρες δικασταί, σιωπῇ ἐκαθήμην ἐπὶ τοῦ ἑτέρου βήματος.
배심원 여러분, 저는 다른 쪽 단상에 조용히 앉아 있었습니다.
τοῦτον δὲ τὸν τρόπον κατασκευασθέντος τοῦ ἀγῶνος ἐνίκησεν ῥᾳδίως.
재판이 이런 방식으로 준비되었기에 그는 쉽게 승리했습니다.
§32νικήσας δὲ καὶ διαπραξαμένων ἅπαντα ὅσα ἐβουλήθημεν ἐν τῷ δικαστηρίῳ, καὶ ἀπολαβὼν παρὰ τῶν πρότερον ἐπιδικασαμένων ὅσα ἦσαν ἐκεῖνοι παρʼ ἡμῶν εἰληφότες, ταῦτα δὴ πάντα ἔχων καὶ τὸ ἀργύριον ὃ ἔλαβεν παρὰ τοῦ ἀνθρώπου τοῦ βασανισθέντος, οὐδʼ ὁτιοῦν ἠθέληκεν τῶν δικαίων πρός με ποιῆσαι, ἀλλʼ ἔχει αὐτὸς ἅπαντα, ὀμωμοκὼς καὶ συνθήκας πρός με ποιησάμενος ἦ μὴν ἰσομοιρήσειν.
하지만 그가 승소하고 우리가 법정에서 원했던 모든 일을 성취했으며, 이전에 유산 판결을 받았던 자들로부터 그들이 우리에게서 가져갔던 모든 것을 회수했을 때, 그는 이 모든 것과 고문받은 그 사람에게서 얻은 은전까지 손에 쥐고서도, 저에 대해 당연히 해야 할 의무를 전혀 행하려 하지 않고 자기 혼자서 모든 것을 독차지하고 있습니다. 저와 동등하게 나눌 것을 확실히 맹세하고 계약까지 맺었음에도 말입니다.
καὶ αἱ συνθῆκαι αὗται ἔτι καὶ νῦν κεῖνται παρὰ τῷ Ἀνδροκλείδῃ, καὶ μεμαρτύρηκεν αὐτὸς πρὸς ὑμᾶς.
그리고 이 계약서는 지금도 여전히 안드로클레이데스에게 보관되어 있으며, 그 자신이 여러분에게 증언한 바와 같습니다.