§38Φορμίων τοίνυν τούτῳ χρώμενος κοινωνῷ καὶ μάρτυρι οἴεται δεῖν ἀποστερῆσαι τὰ χρήματα ἡμᾶς, οἵ γε σιτηγοῦντες διατετελέκαμεν εἰς τὸ ὑμέτερον ἐμπόριον, καὶ τριῶν ἤδη καιρῶν κατειληφότων τὴν πόλιν, ἐν οἷς ὑμεῖς τοὺς χρησίμους τῷ δήμῳ ἐξητάζετε, οὐδενὸς τούτων ἀπολελείμμεθα, ἀλλʼ ὅτε μὲν εἰς Θήβας Ἀλέξανδρος παρῄει, ἐπεδώκαμεν ὑμῖν τάλαντον ἀργυρίου·
그리하여 포르미온은 이 자를 동업자이자 증인으로 삼아 우리에게서 자금을 가로채려 하고 있습니다. 우리는 여러분의 교역항으로 계속 곡물을 수송해 온 사람들로, 이미 세 번의 위기가 시에 닥쳐 여러분이 민중에게 유익한 자들을 심사하셨을 때에도 우리는 이 중 어느 하나에서도 뒤처지지 않았습니다. 오히려 알렉산드로스가 테베로 진군했을 때, 우리는 여러분에게 은 일 탈란토스를 기부했습니다.
§39ὅτε δʼ ὁ σῖτος ἐπετιμήθη τὸ πρότερον καὶ ἐγένετο ἑκκαίδεκα δραχμῶν, εἰσαγαγόντες πλείους ἢ μυρίους μεδίμνους πυρῶν διεμετρήσαμεν ὑμῖν τῆς καθεστηκυίας τιμῆς, πέντε δραχμῶν τὸν μέδιμνον, καὶ ταῦτα πάντες ἴστε ἐν τῷ πομπείῳ διαμετρούμενοι·
또한 이전에 곡물 가격이 폭등하여 16드라크마에 이르렀을 때, 우리는 만 메디므노스 이상의 밀을 수입하여 규정된 가격인 메디므노스당 5드라크마로 여러분에게 나누어 주었습니다. 그리고 여러분 모두는 이것이 폼페이온에서 분배되는 것을 보아 잘 알고 있습니다.
πέρυσι δὲ εἰς τὴν σιτωνίαν τὴν ὑπὲρ τοῦ δήμου τάλαντον ὑμῖν ἐπεδώκαμεν ἐγώ τε καὶ ὁ ἀδελφός.
그리고 지난해에도 저와 제 형제는 민중을 위한 곡물 수입 기금에 여러분에게 일 탈란토스를 기부했습니다.
καί μοι ἀνάγνωθι τούτων τὰς μαρτυρίας.
저에게 이것들에 대한 증언들을 읽어 주십시오.
ΜΑΡΤΥΡΙΑΙ. §40ἀλλὰ μὴν εἴ γε δεῖ καὶ τούτοις τεκμαίρεσθαι, οὐκ εἰκὸς ἦν ἐπιδιδόναι μὲν ἡμᾶς τοσαῦτα χρήματα, ἵνα παρʼ ὑμῖν εὐδοξῶμεν, συκοφαντεῖν δὲ Φορμίωνα, ἵνα καὶ τὴν ὑπάρχουσαν ἐπιείκειαν ἀποβάλωμεν.
참으로 이 일들로도 판단해야 한다면, 우리가 여러분 사이에서 좋은 평판을 얻기 위해 그토록 많은 자금을 기부하면서도, 우리가 가지고 있는 평판마저 잃기 위해 포르미온에게 억지 소송을 제기한다는 것은 있을 법하지 않은 일입니다.
δικαίως ἂν οὖν βοηθήσαιτε ἡμῖν, ὦ ἄνδρες δικασταί.
그러므로 배석 판사 여러분, 여러분이 우리를 도우시는 것은 정당합니다.
ἐπέδειξα γὰρ ὑμῖν οὔτʼ ἐξ ἀρχῆς τὰ φορτία ἐνθέμενον τοῦτον εἰς τὴν ναῦν ἁπάντων ὧν ἐδανείσατο Ἀθήνηθεν, τῶν τʼ ἐν τῷ Βοσπόρῳ πραθέντων τοὺς τὰ ἑτερόπλοα δανείσαντας μόλις διαλύσαντα,
왜냐하면 저는 여러분에게, 이 자가 아테네로부터 빌린 모든 돈에 상당하는 화물을 처음부터 배에 싣지 않았으며, 보스포로스에서 판매된 물품들로부터 편도 항해의 대출업자들에게 겨우 상환했음을 보여주었기 때문입니다.
§41ἔτι δʼ οὔτʼ εὐποροῦντα οὔθʼ οὕτως ὄντʼ ἀβέλτερον ὥστʼ ἀντὶ δισχιλίων καὶ ἑξακοσίων δραχμῶν τριάκοντα μνᾶς καὶ ἐννέα ἀποδοῦναι, πρός τε τούτοις, ὅτε ἀποδοῦναί φησιν τὸ χρυσίον τῷ Λάμπιδι, οὔτε τὸν παῖδα παραλαβόντα τὸν ἐμὸν οὔτε τὸν κοινωνὸν ἐπιδημοῦντα ἐν Βοσπόρῳ.
게다가 그가 부유하지도 않고 이천육백 드라크마 대신 서른아홉 미나를 상환할 만큼 어리석지도 않다는 것과, 이에 더하여 그가 람피스에게 금전을 상환했다고 주장할 때 저의 하인도, 보스포로스에 머물고 있던 제 동업자도 대동하지 않았음을 보여주었기 때문입니다.
ἐμοὶ δὲ Λάμπις αὐτὸς μαρτυρῶν φαίνεται ὡς οὐκ ἀπείληφεν τὸ χρυσίον, πρὶν ὑπὸ τούτου διαφθαρῆναι.
그리고 저에게는 람피스 자신이 이 자에게 매수되기 전에는 금전을 받지 않았다고 분명히 증언하는 것으로 나타납니다.
§42καίτοι εἰ καθʼ ἓν ἕκαστον οὕτως ἐδείκνυεν Φορμίων, οὐκ οἶδʼ ὅπως ἂν ἄλλως ἄμεινον ἀπελογήσατο.
하지만 만약 포르미온이 개개의 점에 대해 이와 같이 증명할 수 있었다면, 그가 이보다 더 나은 변론을 어떻게 할 수 있었을지 저는 알지 못합니다.
ὑπὲρ δὲ τοῦ τὴν δίκην εἰσαγώγιμον εἶναι ὁ νόμος αὐτὸς διαμαρτύρεται, κελεύων τὰς δίκας εἶναι τὰς ἐμπορικὰς τῶν συμβολαίων τῶν Ἀθήνησιν καὶ εἰς τὸ Ἀθηναίων ἐμπόριον, καὶ οὐ μόνον τῶν Ἀθήνησιν, ἀλλὰ καὶ ὅσα ἂν γένηται ἕνεκα τοῦ πλοῦ τοῦ Ἀθήναζε.
그러나 이 소송이 수리 가능하다는 점에 대해서는 법률 자체가 증언하고 있으니, 통상 소송은 아테네에서 맺은 계약과 아테네의 교역항을 위한 계약에 관한 것이어야 하며, 아테네에서의 계약뿐만 아니라 아테네로의 항해를 위해 맺어진 모든 계약에 관한 것이어야 한다고 규정하고 있기 때문입니다.
λαβὲ δή μοι τοὺς νόμους. ΝΟΜΟΙ.
법률을 가져와 주십시오.
§43ὡς μὲν τοίνυν γέγονέ μοι τὸ συμβόλαιον πρὸς Φορμίωνʼ Ἀθήνησιν, οὐδʼ αὐτοὶ ἔξαρνοί εἰσιν, παραγράφονται δὲ ὡς οὐκ εἰσαγώγιμον τὴν δίκην οὖσαν.
그러므로 저와 포르미온 사이의 계약이 아테네에서 이루어졌다는 점에 대해서는 그들 자신도 부인하지 않지만, 그들은 소송이 수리 불가능하다며 각하 신청을 하고 있습니다.
ἀλλʼ εἰς ποῖον δικαστήριον εἰσέλθωμεν, ἄνδρες δικασταί, εἰ μὴ πρὸς ὑμᾶς, οὗπερ τὸ συμβόλαιον ἐποιησάμεθα;
그러나 배석 판사 여러분, 우리가 계약을 맺은 곳인 여러분의 법정이 아니라면 대체 어떤 법정으로 가야 한단 말입니까?
δεινὸν γὰρ ἂν εἴη, εἰ μὲν ἕνεκα τοῦ πλοῦ τοῦ Ἀθήναζε ἠδικούμην, εἶναι ἄν μοι παρʼ ὑμῖν τὸ δίκαιον λαβεῖν παρὰ Φορμίωνος, ἐπειδὴ δὲ τὸ συμβόλαιον ἐν τῷ ὑμετέρῳ ἐμπορίῳ γέγονεν, μὴ φάσκειν παρʼ ὑμῖν τούτους ὑφέξειν τὴν δίκην.
만약 제가 아테네로의 항해 때문에 부당한 피해를 입었다면 여러분 앞에서 포르미온으로부터 정의를 구현받을 권리가 저에게 있는 법인데, 정작 계약이 여러분의 교역항에서 성립되었다고 해서 이들이 여러분 앞에서 재판을 받지 않겠다고 주장하는 것은 참으로 불합리한 일이기 때문입니다.
§44καὶ ὅτε μὲν Θεοδότῳ τὴν δίαιταν ἐπετρέψαμεν, ὡμολόγησαν εἶναι καθʼ αὑτῶν ἐμοὶ τὴν δίκην εἰσαγώγιμον·
또한 우리가 테오도토스에게 중재를 맡겼을 때, 그들은 자신들에 대한 저의 소송이 수리 가능하다는 점을 인정했습니다.
νυνὶ δὲ τοὐναντίον λέγουσιν ὧν πρότερον αὐτοὶ συγκεχωρήκασιν, ὡς δέον παρὰ μὲν τῷ Θεοδότῳ τῷ ἰσοτελεῖ ὑποσχεῖν αὐτοὺς δίκην ἄνευ παραγραφῆς, ἐπειδὴ δὲ εἰς τὸ Ἀθηναίων δικαστήριον εἰσερχόμεθα, μηκέτʼ εἰσαγώγιμον τὴν δίκην εἶναι.
그러나 지금 그들은 이전에 자신들이 합의했던 것과는 반대로 말하고 있으니, 마치 동등한 세금 권리를 가진 테오도토스 앞에서는 각하 신청 없이 재판을 받아야 했지만, 아테네인의 법정에 들어서자마자 소송이 더 이상 수리 가능하지 않다는 듯이 말입니다.
§45ἐνθυμοῦμαι δʼ ἔγωγε, τί ἄν ποτε εἰς τὴν παραγραφὴν ἔγραψεν, εἰ ὁ Θεόδοτος ἀπέγνω τῆς δίκης, ὅπου νῦν γνόντος τοῦ Θεοδότου ἀπιέναι ἡμᾶς εἰς τὸ δικαστήριον οὔ φησι τὴν δίκην εἶναι εἰσαγώγιμον παρʼ ὑμῖν, πρὸς οὓς ἐκεῖνος ἔγνω ἀπιέναι.
저로서는 만약 테오도토스가 소송을 기각했더라면 그가 각하 신청서에 대체 무엇이라 썼을지 의문입니다. 테오도토스가 우리가 법정으로 가야 한다고 판정했음에도 불구하고, 그가 가라고 판정한 대상인 여러분 앞에서 소송이 수리 불가능하다고 주장하고 있으니 말입니다.
πάθοιμι μέντἂν δεινότατα, εἰ οἱ μὲν νόμοι τῶν Ἀθήνησι συμβολαίων κελεύουσι τὰς δίκας εἶναι πρὸς τοὺς θεσμοθέτας, ὑμεῖς δὲ ἀπογνοίητε τῆς δίκης ὀμωμοκότες κατὰ τοὺς νόμους ψηφιεῖσθαι.
참으로 만약 법률이 아테네에서의 계약에 관한 소송은 테스모테타이 앞에서 하도록 규정하고 있음에도, 법률에 따라 투표하겠다고 선서한 여러분이 소송을 기각한다면 저는 가장 가혹한 고통을 겪게 될 것입니다.