§1τοῖς μὲν ἐμπόροις, ὦ ἄνδρες δικασταί, καὶ τοῖς ναυκλήροις κελεύει ὁ νόμος εἶναι τὰς δίκας πρὸς τοὺς θεσμοθέτας, ἐάν τι ἀδικῶνται ἐν τῷ ἐμπορίῳ ἢ ἐνθένδε ποι πλέοντες ἢ ἑτέρωθεν δεῦρο, καὶ τοῖς ἀδικοῦσιν δεσμὸν ἔταξεν τοὐπιτίμιον, ἕως ἂν ἐκτείσωσιν ὅ τι ἂν αὐτῶν καταγνωσθῇ, ἵνα μηδεὶς ἀδικῇ μηδένα τῶν ἐμπόρων εἰκῇ.
배심원 여러분, 법은 무역상들과 선주들이 무역항에서나 이곳에서 다른 곳으로 항해할 때, 혹은 다른 곳에서 이곳으로 항해할 때 어떤 불의를 당할 경우, 테스모테타이 앞에서 소송을 진행하도록 규정하고 있으며, 불의를 행한 자들에게는 그들에게 판결된 금액을 모두 치를 때까지 형벌로 감금을 규정하고 있습니다. 이는 아무도 무역상 중 누구에게든 함부로 불의를 행하지 못하도록 하기 위함입니다.
§2τοῖς δὲ περὶ τῶν μὴ γενομένων συμβολαίων εἰς κρίσιν καθισταμένοις ἐπὶ τὴν παραγραφὴν καταφεύγειν ἔδωκεν ὁ νόμος, ἵνα μηδεὶς συκοφαντῆται, ἀλλʼ αὐτοῖς τοῖς τῇ ἀληθείᾳ ἀδικουμένοις τῶν ἐμπόρων καὶ τῶν ναυκλήρων αἱ δίκαι ὦσιν.
반면, 체결되지도 않은 계약과 관련하여 재판에 넘겨진 자들에게는 법이 이의신청에 의지할 기회를 주어, 아무도 무고하게 고발되지 않고, 참으로 불의를 당한 무역상들과 선주들에게만 소송권이 있도록 하였습니다.
καὶ πολλοὶ ἤδη τῶν φευγόντων ἐν ταῖς ἐμπορικαῖς παραγραψάμενοι κατὰ τὸν νόμον τουτονὶ καὶ εἰσελθόντες εἰς ὑμᾶς ἐξήλεγξαν τοὺς δικαζομένους ἀδίκως ἐγκαλοῦντας καὶ ἐπὶ τῇ προφάσει τοῦ ἐμπορεύεσθαι συκοφαντοῦντας.
그리고 이미 상사 소송에서 많은 피고들이 이 법에 따라 이의를 신청하고 여러분 앞에 나와서, 소송을 제기한 자들이 부당하게 고발하고 있으며 무역을 핑계 삼아 무고하게 고발하고 있음을 폭로했습니다.
§3ὁ μὲν οὖν μετὰ τούτου μοι ἐπιβεβουλευκὼς καὶ τὸν ἀγῶνα τουτονὶ κατεσκευακὼς προϊόντος τοῦ λόγου καταφανὴς ὑμῖν ἔσται·
그렇다면 저 남성과 함께 저를 해치려 음모를 꾸미고 이 소송을 기획한 자가 누구인지는 변론이 진행됨에 따라 여러분에게 명백해질 것입니다.
ἐγκαλοῦντος δέ μοι Ἀπατουρίου τὰ ψευδῆ καὶ παρὰ τοὺς νόμους δικαζομένου, καὶ ὅσα μὲν ἐμοὶ καὶ τούτῳ ἐγένετο συμβόλαια, πάντων ἀπαλλαγῆς καὶ ἀφέσεως γενομένης, ἄλλου δὲ συμβολαίου οὐκ ὄντος ἐμοὶ πρὸς τοῦτον, οὔτε ναυτικοῦ οὔτʼ ἐγγείου, παρεγραψάμην τὴν δίκην μὴ εἰσαγώγιμον εἶναι κατὰ τοὺς νόμους τουτουσί.
하지만 아파트리오스가 저에게 거짓 고발을 하고 법에 반하여 소송을 제기하고 있으며, 저와 이 남성 사이에 있었던 모든 계약에 대해서는 면제와 화해가 이루어졌고, 저와 이 남성 사이에는 해상이든 육상이든 다른 어떤 계약도 존재하지 않으므로, 저는 이 법들에 따라 이 소송이 수리될 수 없다는 이의를 신청했습니다.
ΝΟΜΟΙ.
법률.
§4ὡς τοίνυν παρὰ τοὺς νόμους τούτους εἴληχέ μοι τὴν δίκην Ἀπατούριος καὶ τὰ ψευδῆ ἐγκέκληκεν, ἐκ πολλῶν ὑμῖν τοῦτʼ ἐπιδείξω.
따라서 아파트리오스가 이 법들을 위반하여 저에게 소송을 제기하고 거짓 고발을 했다는 것을, 여러 사실을 통해 여러분에게 증명해 보이겠습니다.
ἐγὼ γάρ, ὦ ἄνδρες δικασταί, πολὺν ἤδη χρόνον ἐπὶ τῆς ἐργασίας ὢν τῆς κατὰ θάλατταν, μέχρι μέν τινος αὐτὸς ἐκινδύνευον, οὔπω δὲ ἔτη ἐστὶν ἑπτὰ ἀφʼ οὗ τὸ μὲν πλεῖν καταλέλυκα, μέτρια δʼ ἔχων τούτοις πειρῶμαι ναυτικοῖς ἐργάζεσθαι.
배심원 여러분, 저는 오랫동안 해상 무역 업무에 종사해 왔으며, 한동안은 스스로 위험을 무릅쓰고 항해했으나, 항해를 그만둔 지 아직 7년이 채 되지 않았고, 제 수중의 소박한 자금을 가지고 해상 금융을 통해 사업을 하려고 시도하고 있습니다.
§5διὰ δὲ τὸ ἀφῖχθαι πολλαχόσε καὶ διὰ τὸ εἶναί μοι τὰς διατριβὰς περὶ τὸ ἐμπόριον γνωρίμως ἔχω τοῖς πλείστοις τῶν πλεόντων τὴν θάλατταν·
여러 지역에 다녔고 무역항 주변에서 주로 생활해 온 덕분에, 저는 바다를 항해하는 대부분의 사람들과 안면이 있습니다.
τούτοις δὲ τοῖς ἐκ Βυζαντίου καὶ πάνυ οἰκείως χρῶμαι διὰ τὸ ἐνδιατρῖψαι αὐτόθι.
특히 비잔티온 출신의 사람들과는 그곳에 체류한 적이 있어 매우 친밀하게 지내고 있습니다.
ἔχοντος δέ μου οὕτως ὡς λέγω, κατέπλευσαν δεῦρο τρίτον ἔτος οὗτός τε καὶ πολίτης αὐτοῦ Παρμένων, Βυζάντιος μὲν τὸ γένος, φυγὰς δʼ ἐκεῖθεν.
제 사정이 이러하던 중에, 재작년에 이 남성과 그의 동포인 파르메논이 이곳으로 배를 타고 들어왔습니다. 파르메논은 비잔티온 출신이지만 그곳에서 망명한 자였습니다.
§6προσιόντες δέ μοι ἐν τῷ ἐμπορίῳ οὗτος καὶ ὁ Παρμένων ἐμνήσθησαν περὶ ἀργυρίου.
무역항에서 제게 다가와 이 남성과 파르메논은 돈 이야기를 꺼냈습니다.
ἔτυχεν δὲ οὑτοσὶ ὀφείλων ἐπὶ τῇ νηὶ τῇ ἑαυτοῦ τετταράκοντα μνᾶς, καὶ οἱ χρῆσται κατήπειγον αὐτὸν ἀπαιτοῦντες καὶ ἐνεβάτευον εἰς τὴν ναῦν, εἰληφότες τῇ ὑπερημερίᾳ.
마침 이 남성은 자신의 배를 담보로 40미나의 빚을 지고 있었는데, 채권자들이 대금을 독촉하며 상환 기한이 지났다는 이유로 배를 압류하려던 참이었습니다.
ἀπορουμένῳ δʼ αὐτῷ μνᾶς μὲν δέκα ὁ Παρμένων ὡμολόγησεν δώσειν, τριάκοντα δὲ μνᾶς ἐδεῖτό μου οὗτος συνευπορῆσαι, αἰτιώμενος τοὺς χρήστας ἐπιθυμοῦντας τῆς νεὼς διαβεβληκέναι αὑτὸν ἐν τῷ ἐμπορίῳ, ἵνα κατάσχωσι τὴν ναῦν εἰς ἀπορίαν καταστήσαντες τοῦ ἀποδοῦναι τὰ χρήματα.
곤경에 처한 그에게 파르메논은 10미나를 주기로 약속했으나, 이 남성은 채권자들이 배를 탐내어 무역항에서 자신을 모함하고 있으며, 그 목적은 자신을 돈을 갚을 수 없는 처지로 몰아넣어 배를 차지하려는 것이라며, 저에게 30미나를 융통하도록 도와달라고 간청했습니다.
§7ἐμοὶ μὲν οὖν οὐκ ἔτυχεν παρὸν ἀργύριον, χρώμενος δὲ Ἡρακλείδῃ τῷ τραπεζίτῃ ἔπεισα αὐτὸν δανεῖσαι τὰ χρήματα λαβόντα ἐμὲ ἐγγυητήν.
제게는 마침 현금이 없었지만, 은행가인 헤라클레이데스와 거래하고 있었기에 제가 보증을 서는 조건으로 그가 돈을 빌려주도록 설득했습니다.
ἤδη δὲ τῶν τριάκοντα μνῶν πεπορισμένων, ἔτυχεν προσκεκρουκώς τι τούτῳ ὁ Παρμένων·
이미 30미나가 마련되었을 때, 마침 파르메논이 이 남성과 어떤 충돌을 겪었습니다.
ὡμολογηκὼς δʼ εὐπορήσειν αὐτῷ δέκα μνᾶς, καὶ τούτων δεδωκὼς τὰς τρεῖς, διὰ τὸ προειμένον ἀργύριον ἠναγκάζετο καὶ τὸ λοιπὸν διδόναι.
그러나 파르메논은 10미나를 제공하기로 약속했고 그중 3미나를 이미 선불로 주었기 때문에, 이미 지불한 돈 때문에 남은 금액도 지불할 수밖에 없는 처지였습니다.
§8αὐτὸς μὲν οὖν διὰ τοῦτο οὐκ ἐβούλετο ποιήσασθαι τὸ συμβόλαιον, ἐμὲ δʼ ἐκέλευεν πρᾶξαι ὅπως αὐτῷ ὡς ἀσφαλέστατα ἕξει.
이 때문에 파르메논 자신은 직접 계약을 맺고 싶어 하지 않았고, 저에게 그를 위해 가장 안전하게 일이 처리되도록 해달라고 요청했습니다.
λαβὼν δὲ τὰς ἑπτὰ μνᾶς παρὰ τοῦ Παρμένοντος, καὶ τὰς τρεῖς ἃς προειλήφει οὗτος παρʼ ἐκείνου, ἀνθομολογησάμενος πρὸς τοῦτον, ὠνὴν ποιοῦμαι τῆς νεὼς καὶ τῶν παίδων, ἕως ἀποδοίη τάς τε δέκα μνᾶς ἃς διʼ ἐμοῦ ἔλαβεν, καὶ τὰς τριάκοντα ὧν κατέστησεν ἐμὲ ἐγγυητὴν τῷ τραπεζίτῃ.
그리하여 저는 파르메논으로부터 7미나를 받고, 이 남성이 이전에 그로부터 이미 받아 둔 3미나도 인수하여, 이 남성과 서로 합의한 후, 그가 저를 통해 받은 10미나와 제가 은행가에게 보증을 선 30미나를 갚을 때까지 배와 노예들을 매입하는 계약을 맺었습니다.
καὶ ὡς ἀληθῆ λέγω, ἀκούσατε τῶν μαρτυριῶν.
제가 진실을 말하고 있음을 보여드리기 위해 증언을 들어보십시오.
ΜΑΡΤΥΡΙΑΙ.
증언.