§1ὅτι μὲν τοίνυν καὶ ὀφείλει τῷ δημοσίῳ Ἀριστογείτων οὑτοσὶ καὶ οὐκ ἔστιν ἐπίτιμος, καὶ οἱ νόμοι διαρρήδην ἀπαγορεύουσιν μὴ ἐξεῖναι λέγειν τοῖς τοιούτοις, φανερῶς ἐπιδέδεικται, ὦ ἄνδρες Ἀθηναῖοι.
아테네의 여러분, 이 아리스토게이톤이 국고에 빚을 지고 있으며 시민권이 박탈된 상태이고, 법이 그러한 자들에게 연설하는 것을 명백히 금지하고 있다는 사실은 명백히 증명되었습니다.
δεῖ δʼ ὑμᾶς ἅπαντας μὲν ἀπείργειν καὶ κωλύειν τοὺς παρανομοῦντας, πολὺ δὲ μάλιστα τοὺς ἐν ταῖς ἀρχαῖς ὄντας καὶ τοὺς πολιτευομένους·
여러분은 법을 위반하는 자들을, 그리고 무엇보다도 공직에 있는 자들과 정치에 참여하는 자들을 모두 힘을 합쳐 저지하고 막아야 합니다.
§2διὰ γὰρ τούτους τὰ κοινὰ καὶ βλάπτεσθαι πέφυκεν, ἐὰν ὦσι φαῦλοι, καὶ τὰ μέγιστα πάλιν ὠφελεῖσθαι, ἐὰν ὦσιν ἐπιεικεῖς καὶ θέλωσιν ἐμμένειν τοῖς νόμοις.
왜냐하면 이들 때문에 국정은 그들이 악할 경우 본질적으로 해를 입게 되며, 반대로 그들이 정직하고 법을 준수하고자 한다면 가장 큰 유익을 얻게 되기 때문입니다.
ὡς ἐὰν ἅπαξ δῶτε τοῖς ὑπὲρ τῶν κοινῶν ἐγχειροῦσί τι πράττειν τὸ παρανομεῖν καὶ καταφρονεῖν τῶν ὡρισμένων δικαίων, ἀναγκαῖόν ἐστιν ἅπαντας ἀπολαύειν τοὺς μετέχοντας τῆς πόλεως.
만일 여러분이 공적인 일을 도모하려는 자들에게 법을 위반하고 규정된 권리를 경시하는 것을 단 한 번이라도 허용한다면, 국가에 참여하는 모든 이들이 그 피해를 함께 나누어 가질 수밖에 없습니다.
§3ὥσπερ γὰρ τῶν ἐν ταῖς ναυσὶν ἁμαρτημάτων ἃ συμβαίνει περὶ τοὺς πλοῦς, ὅταν μὲν τῶν ναυτῶν τις ἁμάρτῃ, βραχεῖαν τὴν βλάβην ἤνεγκεν, ὅταν δʼ ὁ κυβερνήτης ἀποσφαλῇ, κοινὴν τὴν ἀτυχίαν ἅπασι τοῖς ἐμπλέουσι παρεσκεύασεν, ὡσαύτως τὰ μὲν τῶν ἰδιωτῶν ἁμαρτήματα οὐκ εἰς τὸ πλῆθος, εἰς δʼ αὐτοὺς ἤνεγκε τὰς βλάβας, τὰ δὲ τῶν ἀρχόντων καὶ πολιτευομένων εἰς ἅπαντας ἀφικνεῖται.
항해 중에 선박에서 일어나는 과실들 중, 선원 중 한 명이 실수를 저질렀을 때는 그 피해가 경미하지만, 조타수가 실수를 범했을 때는 승선한 모든 이들에게 공동의 불행을 가져다주는 것과 마찬가지로, 사인의 과실은 대중이 아니라 그들 자신에게 피해를 주지만, 공직자와 정치가의 과실은 모든 이들에게 미치기 때문입니다.
§4διὸ καὶ τὰς τιμωρίας ὁ Σόλων τοῖς μὲν ἰδιώταις ἐποίησε βραδείας, ταῖς δʼ ἀρχαῖς καὶ τοῖς δημαγωγοῖς ταχείας, ὑπολαμβάνων τοῖς μὲν ἐνδέχεσθαι καὶ παρὰ τὸν χρόνον τὸ δίκαιον λαβεῖν, τοῖς δʼ οὐκ ἐνεῖναι περιμεῖναι·
그렇기 때문에 솔론은 사인에 대한 처벌은 느리게 만들고, 공직과 민중지도자들에 대한 처벌은 신속하게 만들었습니다. 그는 사인의 경우에는 시간이 흘러서라도 정의를 실현하는 것이 가능하지만, 공직자들의 경우에는 기다릴 여유가 없다고 판단했기 때문입니다.
τὸ γὰρ τιμωρησόμενον οὐχ ὑπέσται τῆς πολιτείας καταλυθείσης.
정체가 전복된다면 처벌을 가할 주체 자체가 존재하지 않게 될 것이기 때문입니다.
καὶ τούτοις τοῖς δικαίοις οὐδεὶς οὕτως οὔτʼ ἀναιδὴς οὔθʼ ὑπὲρ ὑμᾶς φρονῶν ἐστὶν ὅστις ἀντιλέγειν ἐπιχειρήσει, πλὴν Ἀριστογείτονος τουτουὶ καὶ τῆς τούτου πονηρίας.
그리고 이 정의로운 원칙들에 반대하려 할 만큼 파렴치하거나 여러분을 무시하는 자는, 이 아리스토게이톤과 그의 사악함을 제외하고는 아무도 없습니다.
ἀλλὰ πάσας καὶ τὰς ἀρχὰς καὶ τοὺς πολιτευομένους εὑρήσομεν, ἐπειδὰν ἅπαξ τι καταγνῶθʼ ὑμεῖς, τούτοις ἐμμένοντας.
하지만 다른 모든 공직자들과 정치가들은 여러분이 한 번이라도 유죄 판결을 내리면 이에 복종한다는 것을 우리는 알게 될 것입니다.
§5τοῦτο μὲν γὰρ ὅταν ἀποχειροτονηθῶσι τινες τῶν ἐν ταῖς ἀρχαῖς, παραχρῆμα πέπαυνται ἄρχοντες καὶ τοὺς στεφάνους περιῄρηνται·
한편으로, 공직에 있는 자들 중 일부가 표결로 해임되면, 그들은 즉시 공직을 그만두고 화관을 벗어야 합니다.
τοῦτο δʼ ὅσοις τῶν θεσμοθετῶν εἰς Ἄρειον πάγον οὐχ οἷόν τʼ ἐστὶν ἀνελθεῖν, παρέντες τὸ βιάζεσθαι στέργουσιν ταῖς ὑμετέραις γνώσεσι.
다른 한편으로, 테스모테테스들 중 아레오파고스에 오르는 것이 허용되지 않은 자들은 실력 행사를 포기하고 여러분의 판결에 순응합니다.
καὶ τοῦτʼ εἰκότως·
이는 당연한 일입니다.
ὥσπερ γάρ, ὅταν ἄρχωσι, τοὺς ἰδιώτας οἴονται δεῖν αὑτοῖς πειθαρχεῖν, ὡσαύτως, ὅταν αὐτοὶ ἰδιῶται γένωνται πάλιν, τοῖς τῆς πόλεως ἄρχουσι νόμοις δικαίως ἂν ἀκολουθοῖεν.
왜냐하면 그들이 지배할 때 사인이 자신들에게 복종해야 한다고 생각하는 것처럼, 자신들이 다시 사인이 되었을 때는 국가를 지배하는 법에 따르는 것이 마땅하기 때문입니다.
§6ἔτι τοίνυν οἱ πολιτευόμενοι πάντες, ἐκ τῶν παλαιῶν εἰ βούλεσθʼ ἀρξάμενοι χρόνων θεωρεῖν, ὡσαύτως φαίνονται εἴκοντες τοῖς ὑμετέροις δικαίοις.
더욱이 모든 정치가들이 옛 시절부터 시작하여 관찰해 보고자 한다면, 마찬가지로 그들이 여러분의 정의로운 조치에 굴복하고 있음이 드러납니다.
Ἀριστείδην μέν γέ φασιν ὑπὸ τῶν προγόνων μετασταθέντʼ ἐν Αἰγίνῃ διατρίβειν, ἕως ὁ δῆμος αὐτὸν κατεδέξατο, Μιλτιάδην δὲ καὶ Περικλέα ὀφλόντας, τὸν μὲν τριάκοντα, τὸν δὲ πεντήκοντα τάλαντα, ἐκτείσαντας οὕτω δημηγορεῖν.
아리스티데스는 조상들에 의해 추방된 후 민중이 그를 불러들일 때까지 아이기나에서 지냈다고 전해지며, 밀티아데스와 페리클레스는 각각 30탈란톤과 50탈란톤의 벌금형을 선고받고 이를 다 납부한 후에야 민중 앞에서 연설을 했습니다.
§7ὃ καὶ δεινότατον ἂν εἴη συμβαῖνον, τοὺς μὲν πολλὰ καὶ μεγάλα ποιήσαντας ὑμᾶς ἀγαθὰ μὴ τυχεῖν ταύτης τῆς δωρειᾶς, ὥστε παρὰ τοὺς νόμους τι τοὺς κειμένους ὑμῖν πρᾶξαι, τὸν δὲ μηδὲν μὲν ἀγαθὸν εἰργασμένον, ὑπερπληθῆ δʼ ἐξημαρτηκότα, τοῦτον οὕτω προχείρως φαίνεσθαι καὶ παρὰ τὸ συμφέρον καὶ τὸ δίκαιον ἐξουσίαν παρʼ ὑμῶν τοῦ παρανομεῖν εἰληφότα.
여러분에게 많고 큰 유익을 가져다준 이들이 정해진 법에 어긋나는 일을 할 수 있는 이 특권을 얻지 못한 반면, 아무런 공적도 없고 무수한 잘못을 저지른 이 자가 여러분으로부터 이익과 정의에 반하여 법을 위반할 수 있는 권한을 이토록 쉽게 얻은 것처럼 보인다면, 이것이야말로 가장 끔찍한 일일 것입니다.
καὶ τί δεῖ λέγειν περὶ τῶν παλαιῶν;
옛사람들에 대해 말할 필요가 어디 있겠습니까?
ἀλλὰ τοὺς ἐφʼ ὑμῶν αὐτῶν ἀναλογίσασθε, εἴ τις οὕτως ἀναιδὴς γέγονεν πώποτε·
여러분 동시대의 사람들을 생각해보십시오. 이토록 파렴치한 자가 일찍이 한 명이라도 있었습니까?
οὐδένα γὰρ ἂν εὕροιτε, εἰ βουλήσεσθʼ ἀκριβῶς ἐξετάζειν.
엄격하게 조사해보고자 한다면 여러분은 한 사람도 찾지 못할 것입니다.
§8χωρὶς τοίνυν τούτων, ὅταν τις ψηφίσματος ἢ νόμου γραφὴν ἀπενέγκῃ πρὸς τοὺς θεσμοθέτας, ὁ μὲν νόμος ἢ τὸ ψήφισμʼ ἄκυρόν ἐστιν, ὁ δὲ θεὶς ἢ γράψας οὐδὲν ἀναισχυντεῖ βιαζόμενος, ἀλλʼ ὅ τι ἂν ὑμεῖς ψηφίσησθε, τούτῳ ἐμμένει, κἂν ᾖ πρῶτος τῷ δύνασθαι λέγειν ἢ πράττειν ἐν ὑμῖν.
그뿐만 아니라, 누군가가 법령이나 법률의 위헌 고발을 테스모테테스에게 제출하면, 그 법률이나 법령은 효력이 정지되고, 이를 제안하거나 기초한 자는 뻔뻔하게 물리력을 행사하지 않고 여러분이 의결한 바에 복종합니다. 비록 그가 여러분 중에서 연설이나 행동의 능력이 가장 뛰어난 자라 할지라도 말입니다.
καίτοι πῶς οὐκ ἄτοπον, ἃ μὲν ἅπαντες ὑμεῖς συλλεγέντες ἐψηφίσασθε, διὰ τοὺς νόμους ἄκυρʼ εἶναι, τὴν δʼ Ἀριστογείτονος βούλησιν εἰς τὸ παρανομεῖν κυριωτέραν οἴεσθαι δεῖν τῶν νόμων αὐτῶν καταστῆσαι;
그런데 여러분 모두가 모여서 의결한 사항은 법률 때문에 효력을 잃는 반면, 아리스토게이톤이 법을 위반하려는 의사는 법률 자체보다 더 강력한 권위를 가진 것으로 확립해야 한다고 생각하는 것이 어찌 이상하지 않겠습니까?
§9πάλιν τοίνυν ὅταν τις ἐπεξιὼν μὴ μεταλάβῃ τὸ πέμπτον μέρος τῶν ψήφων, ἐφʼ οἷς οἱ νόμοι κελεύουσι τὸ λοιπὸν μὴ γράφεσθαι μηδʼ ἀπάγειν μηδʼ ἐφηγεῖσθαι, τὸν αὐτὸν τρόπον παρὰ ταῦτʼ οὐδεὶς οἴεται δεῖν πράττειν τῶν ἐνόχων ὄντων τούτοις τοῖς ἐπιτιμίοις.
또한 기소자가 투표수의 5분의 1을 얻지 못했을 때, 법률이 더 이상 기소하거나 체포하거나 압송하는 것을 금지하는 사안에 대해, 이와 동일한 방식으로 이러한 형벌의 적용을 받는 자들 중 누구도 이에 반하여 행동하려 하지 않습니다.
Ἀριστογείτονι δέ, ὡς ἔοικε, μόνῳ τῶν ἁπάντων οὐδὲν οὔτε δικαστήριον οὔτε νόμος κυριώτερόν ἐστι τῆς αὑτοῦ βουλήσεως.
그러나 아리스토게이톤에게만은, 모든 이들 중에서 유일하게 어떠한 법정이나 법률도 자기 자신의 의사보다 더 강력한 권위를 가지지 못하는 것처럼 보입니다.