§18ἐγὼ δὲ νομίζω τὴν πόλιν, πρῶτον μὲν καὶ χωρὶς τοῦ καθυφεῖναι Λακεδαιμονίοις τινὰς Ἀρκάδων, Ὠρωπὸν ἂν κομίσασθαι, καὶ μετʼ ἐκείνων, ἂν τὰ δίκαια ποιεῖν ἐθέλωσι, καὶ μετὰ τῶν ἄλλων τῶν οὐκ οἰομένων δεῖν Θηβαίους ἐᾶν ἔχειν τἀλλότρια.
저는 우선, 아르카디아인의 일부를 라케다이몬인들에게 넘겨주지 않고서도, 우리 국가가 오로포스를 되찾을 수 있다고 생각합니다. 만일 라케다이몬인들이 정의를 행하기를 원한다면 그들과 함께, 또한 테바이인들이 타인의 소유를 고수하도록 내버려 두어서는 안 된다고 생각하는 다른 사람들과도 함께 되찾을 수 있다고 봅니다.
εἰ δʼ ἄρα τοῦτʼ εὔδηλον ἡμῖν γένοιτο, ὅτι μὴ Λακεδαιμονίους ἐῶντες τὴν Πελοπόννησον καταστρέψασθαι οὐχ οἷοί τʼ ἐσόμεθʼ Ὠρωπὸν λαβεῖν, αἱρετώτερον, εἰ οἷόν τʼ εἰπεῖν, ἡγοῦμαι τὸν Ὠρωπὸν ἐᾶν ἢ Λακεδαιμονίοις Μεσσήνην προέσθαι καὶ Πελοπόννησον.
그러나 만약, 라케다이몬인들이 펠로폰네소스를 정복하도록 내버려 두지 않는 한 우리가 오로포스를 차지할 수 없다는 점이 명백해진다면, 말하는 것이 허용된다면, 라케다이몬인들에게 메세네와 펠로폰네소스를 내주는 것보다는 오로포스를 포기하는 편이 더 바람직하다고 저는 생각합니다.
οὐ γὰρ ἂν ἡγοῦμαι περὶ τούτου μόνον ἡμῖν εἶναι τὸν λόγον πρὸς ἐκείνους, ἀλλʼ—ἐάσω τό γʼ ἐπελθὸν εἰπεῖν μοι· περὶ πολλῶν δʼ ἂν οἶμαι κίνδυνον ἡμῖν γενέσθαι.
왜냐하면 그들과의 대립은 이 일에만 국한되는 것이 아닐 것이며――제 머릿속에 떠오른 말은 생략하겠습니다만――수많은 일에서 우리에게 위험이 닥칠 것이라고 생각하기 때문입니다.
§19ἀλλὰ μὴν ἅ γέ φασιν πεπρᾶχθαι διὰ Θηβαίους τοῖς Μεγαλοπολίταις ὑπεναντία πρὸς ἡμᾶς, ἄτοπον νῦν ἐν κατηγορίας μέρει ποιεῖσθαι, βουλομένων δὲ γενέσθαι φίλων αὐτῶν, ἵνα τοὐναντίον εὖ ποιῶσιν ἡμᾶς, βασκαίνειν καὶ σκοπεῖν ἐξ ὅτου τρόπου μὴ γενήσονται, καὶ μὴ γιγνώσκειν ὅτι, ὅσῳ ἂν σπουδαιοτέρους τούτους περὶ Θηβαίους γεγενημένους ἀποδείξωσι, τοσούτῳ πλείονος ὀργῆς αὐτοὶ δικαίως ἂν τυγχάνοιεν, εἰ τοιούτων συμμάχων τὴν πόλιν, ὅτʼ ἐφʼ ὑμᾶς προτέρους ἦλθον ἢ Θηβαίους, ἀπεστέρησαν.
더구나 메갈로폴리스인들이 테바이인들 때문에 우리에게 대항하여 저지른 일이라고 사람들이 말하는 바에 대해, 이제 와서 고발의 형식으로 삼는 것은 터무니없는 일입니다. 또한 그들이 친구가 되기를 원하고, 그리하여 반대로 우리에게 은혜를 베풀고자 하는데도, 심술을 부리며 어떻게 해서든 친구가 되지 못하게 할 방법만 찾고 있으며, 다음과 같은 사실을 깨닫지 못하는 것도 터무니없습니다. 즉, 그들이 메갈로폴리스인들이 테바이인들에게 얼마나 충실했는지를 증명하면 할수록, 과거에 메갈로폴리스인들이 테바이인들보다 먼저 여러분에게 왔을 때에 그와 같은 동맹국을 국가로부터 빼앗아 버린 자들 자신이야말로 당연히 더 큰 분노를 사야 마땅하다는 점을 말입니다.
§20ἀλλʼ, οἶμαι, ταῦτα μέν ἐστι δεύτερον ἀνθρώπων βουλομένων ἑτέρων ποιῆσαι τούτους συμμάχους.
그러나 제가 보기에 이 일들은 이들을 다른 이들의 동맹으로 만들고자 하는 자들의 이차적인 구실일 뿐입니다.
ἐγὼ δʼ οἶδα, ὅσʼ ἂν ἐκ λογισμοῦ σκοπῶν τις εἰκάσαι, καὶ τοὺς πολλοὺς οἶμαι ὑμῶν ἐμοὶ ταὐτὰ φήσειν, ὅτι εἰ λήψονται Μεγάλην πόλιν Λακεδαιμόνιοι, κινδυνεύσει Μεσσήνη· εἰ δὲ καὶ ταύτην λήψονται, φήμʼ ἡμᾶς ἔσεσθαι συμμάχους Θηβαίων.
하지만 저는 이성적인 검토를 통해 추측할 수 있는 한에서 알고 있으며, 여러분 중 대부분도 저와 같은 의견일 것이라 생각합니다만, 만약 라케다이몬인들이 메갈로폴리스를 차지한다면 메세네가 위험해질 것이며, 만약 그들이 이 메세네마저 차지한다면 우리는 테바이인들의 동맹이 될 수밖에 없을 것이라고 확언합니다.
§21πολὺ δὴ κάλλιον καὶ ἄμεινον τὴν μὲν Θηβαίων συμμαχίαν αὐτοὺς παραλαβεῖν, τῇ δὲ Λακεδαιμονίων πλεονεξίᾳ μὴ ʼπιτρέψαι, ἢ νῦν ὀκνοῦντας μὴ τοὺς Θηβαίων σώσωμεν συμμάχους, τούτους μὲν προέσθαι, πάλιν δὲ σῴζειν αὐτοὺς τοὺς Θηβαίους, καὶ προσέτʼ ἐν φόβῳ καθεστάναι περὶ ἡμῶν αὐτῶν.
그러므로 테바이인의 동맹국을 구원하는 일이 될까 봐 지금 전전긍긍하며 이들을 내버려 두었다가, 나중에 테바이인들 자신을 구원해야 하고 게다가 우리 자신에 대해서도 두려움에 빠지게 되는 것보다는, 우리 스스로 테바이인의 동맹 관계를 인수하고 라케다이몬인의 탐욕을 허용하지 않는 편이 훨씬 더 훌륭하고 유익한 일입니다.
§22οὐ γὰρ ἔγωγʼ ἀδεὲς τοῦθʼ ὑπολαμβάνω τῇ πόλει, τὸ λαβεῖν Μεγάλην πόλιν Λακεδαιμονίους καὶ πάλιν γενέσθαι μεγάλους.
왜냐하면 저는 라케다이몬인들이 메갈로폴리스를 차지하여 다시 거대해지는 것이 우리 국가에 무해한 일이라고 생각지 않기 때문입니다.
ὁρῶ γὰρ αὐτοὺς καὶ νῦν οὐχ ὑπὲρ τοῦ μὴ παθεῖν τι κακὸν πολεμεῖν αἱρουμένους, ἀλλʼ ὑπὲρ τοῦ κομίσασθαι τὴν πρότερον οὖσαν αὑτοῖς δύναμιν·
저는 그들이 지금도 어떤 해를 입지 않기 위해서가 아니라, 이전에 자신들이 가졌던 권력을 되찾기 위해 전쟁을 선택하는 것을 보고 있기 때문입니다.
ὧν δʼ, ὅτʼ ἐκείνην εἶχον, ὠρέγοντο, ταῦθʼ ὑμεῖς μᾶλλον ἴσως εἰδότες ἢ ʼγὼ φοβοῖσθʼ ἂν εἰκότως.
그리고 그들이 그 권력을 가졌을 때 갈망했던 것들이 무엇인지 아마 저보다 더 잘 알고 계실 여러분은 당연히 그것을 두려워해야 마땅합니다.
§23ἡδέως δʼ ἂν πυθοίμην τῶν λεγόντων καὶ τοὺς Θηβαίους μισεῖν φασκόντων καὶ τοὺς Λακεδαιμονίους, πότερʼ ἑκάτεροι μισοῦσιν, οὓς δὴ μισοῦσιν, ὑπὲρ ὑμῶν καὶ τοῦ συμφέροντος ὑμῖν, ἢ ὑπὲρ Λακεδαιμονίων μὲν Θηβαίους, ὑπὲρ δὲ Θηβαίων Λακεδαιμονίους ἑκάτεροι.
또한 테바이인도 미워하고 라케다이몬인도 미워한다고 주장하는 연설가들에게 기꺼이 묻고 싶습니다. 그들 양측이 현재 미워하는 대상을 미워하는 것이 여러분과 여러분의 이익을 위한 것입니까, 아니면 양측이 각각 라케다이몬인을 위해 테바이인을 미워하고 테바이인을 위해 라케다이몬인을 미워하는 것입니까?
εἰ μὲν γὰρ ὑπὲρ ἐκείνων, οὐδετέροις ὡς μαινομένοις πείθεσθαι προσήκει·
만약 그들 쪽을 위한 것이라면 양측 모두 미친 자들로서 따르지 않는 것이 마땅합니다.
εἰ δʼ ὑπὲρ ὑμῶν φήσουσι, τί πέρα τοῦ καιροῦ τοὺς ἑτέρους ἐπαίρουσιν;
그러나 만약 여러분을 위한 것이라고 그들이 말한다면, 왜 시의에 맞지 않게 한쪽을 치켜세우는 것입니까?
§24ἔστι γάρ, ἔστι Θηβαίους ταπεινοὺς ποιεῖν ἄνευ τοῦ Λακεδαιμονίους ἰσχυροὺς καθιστάναι, καὶ πολύ γε ῥᾷον·
라케다이몬인을 강하게 만들지 않고도 테바이인을 미약하게 만드는 것은 정말로 가능하며, 훨씬 더 쉬운 일이기 때문입니다.
ὡς δʼ, ἐγὼ πειράσομαι πρὸς ὑμᾶς εἰπεῖν.
그것이 어떻게 가능한지 제가 여러분께 말씀드리겠습니다.
ἴσμεν ἅπαντες τοῦθʼ ὅτι τὰ μὲν δίκαια πάντες, ἐὰν καὶ μὴ βούλωνται, μέχρι τού γʼ αἰσχύνονται μὴ πράττειν, τοῖς δʼ ἀδίκοις ἐναντιοῦνται φανερῶς, ἄλλως τε κἄν τινες βλάπτωνται·
우리 모두는 정의로운 일에 대해서는 누구나 원치 않더라도 최소한 그렇게 하지 않는 것을 부끄러워하는 수준까지는 실행에 옮기며, 불의한 일에 대해서는 특히 누군가 피해를 입을 경우 공공연히 반대한다는 사실을 알고 있습니다.
καὶ τοῦτο λυμαινόμενον πάνθʼ εὑρήσομεν, καὶ ταύτην ἀρχὴν οὖσαν πάντων τῶν κακῶν, τὸ μὴ ʼθέλειν τὰ δίκαια πράττειν ἁπλῶς.
그리고 이것이 모든 것을 망치고 모든 악의 근원이 되는 것임을 우리는 알게 될 것입니다. 즉, 단순히 정의로운 일을 행하기를 원치 않는 것입니다.