§22καὶ γάρ τοι τῶν ἔργων οὐδενός, ὦ ἄνδρες Ἀθηναῖοι, τῶν τότʼ ἀπεστέρησαν αὑτούς, οὐδʼ ἔστʼ οὐδεὶς ὅστις ἂν εἴποι τὴν ἐν Σαλαμῖνι ναυμαχίαν Θεμιστοκλέους, ἀλλʼ Ἀθηναίων, οὐδὲ τὴν Μαραθῶνι μάχην Μιλτιάδου, ἀλλὰ τῆς πόλεως.
실상, 아테네의 여러 신사 여러분, 그들은 당시에 세운 공적 중 그 어떤 것에서도 자신들의 권리를 배제하지 않았으며, 살라미스 해전이 테미스토클레스의 것이라 말할 사람은 아무도 없고 오직 아테네인들의 것이라 말하며, 마라톤 전투가 밀티아데스의 것이라 하지 않고 국가의 것이라 말합니다.
νῦν δὲ πολλοὶ τοῦτο λέγουσιν, ὡς Κέρκυραν εἷλε Τιμόθεος καὶ τὴν μόραν κατέκοψεν Ἰφικράτης καὶ τὴν περὶ Νάξον ναυμαχίαν ἐνίκα Χαβρίας·
그러나 지금은 많은 이들이 "티모테오스가 케르키라를 점령했다", "이피크라테스가 모라를 전멸시켰다", "하브리아스가 낙소스 해전을 승리로 이끌었다"라고 말합니다.
δοκεῖτε γὰρ αὐτοὶ τῶν ἔργων τούτων παραχωρεῖν τῶν τιμῶν ταῖς ὑπερβολαῖς αἷς δεδώκατʼ ἐπʼ αὐτοῖς ἑκάστῳ τούτων.
여러분 자신이 이들 각자에게 부여한 과도한 명예로 인하여 이러한 공적의 영예를 스스로 양보하고 있는 것처럼 보이기 때문입니다.
§23τὰς μὲν δὴ πολιτικὰς δωρεὰς οὕτως ἐκεῖνοί τε καλῶς καὶ ὑμεῖς οὐκ ὀρθῶς·
이처럼 시민에게 주는 선물에 관해서는 그들이 훌륭하게 처리한 반면, 여러분은 올바르지 않게 처리하고 있습니다.
τὰς δὲ τῶν ξένων πῶς;
그렇다면 외국인에 대한 대우는 어떠했습니까?
ἐκεῖνοι Μένωνι τῷ Φαρσαλίῳ δώδεκα μὲν τάλαντʼ ἀργυρίου δόντι πρὸς τὸν ἐπʼ Ἠιόνι τῇ πρὸς Ἀμφιπόλει πόλεμον, διακοσίοις δʼ ἱππεῦσι πενέσταις ἰδίοις βοηθήσαντι, οὐκ ἐψηφίσαντο πολιτείαν, ἀλλʼ ἀτέλειαν ἔδωκαν μόνον.
그들은 암피폴리스 부근 에이온에서의 전쟁을 위해 은 12탈란톤을 기부하고, 자신의 예속농민(페네스타이)으로 구성된 200명의 기병을 거느리고 도우러 온 파르살로스의 메논에게 시민권을 의결하지 않고, 오직 면세권만을 부여했습니다.
§24καὶ πρότερον τούτου Περδίκκᾳ τῷ κατὰ τὴν τοῦ βαρβάρου ποτʼ ἐπιστρατείαν βασιλεύοντι Μακεδονίας, τοὺς ἀναχωροῦντας ἐκ Πλαταιῶν τῶν βαρβάρων ἀπὸ τῆς ἥττης διαφθείραντι καὶ τέλειον τἀτύχημα ποιήσαντι τῷ βασιλεῖ, οὐκ ἐψηφίσαντο πολιτείαν, ἀλλʼ ἀτέλειαν ἔδωκαν μόνον, μεγάλην καὶ τιμίαν, οἶμαι, καὶ σεμνὴν τὴν αὑτῶν πατρίδʼ ἡγούμενοι καὶ πάσης μείζονʼ εὐεργεσίας.
그리고 이보다 앞서, 옛날 야만족(페르시아)이 침공했을 때 마케도니아를 다스리며, 플라타이아이 패전 후 퇴각하는 야만족들을 소탕하여 페르시아 왕에게 완전한 재앙을 안겨준 페르디카스에게도 시민권을 의결하지 않고 오직 면세권만을 주었습니다. 제 생각에, 그들은 자신들의 조국을 위대하고 존엄하며 장엄한 곳으로 여겼고, 그 어떤 은혜보다도 더 우월한 것으로 생각했기 때문입니다.
νῦν δʼ, ὦ ἄνδρες Ἀθηναῖοι, φθόρους ἀνθρώπους οἰκοτρίβων οἰκότριβας, τιμὴν ὥσπερ ἄλλου του τῶν ὠνίων λαμβάνοντες, ποιεῖσθε πολίτας.
하지만 지금, 아테네의 여러 신사 여러분, 여러분은 집안 종의 종인 비천한 자들을 마치 다른 판매용 상품의 대금을 받듯이 대가를 받고 시민으로 만들고 있습니다.
§25ταῦτα δʼ ὑμῖν ἐπελήλυθε πράττειν, οὐχ ὅτι τὰς φύσεις χείρους ἐστὲ τῶν προγόνων, ἀλλʼ ὅτι τοῖς μὲν ἐφʼ αὑτοῖς παρειστήκει μέγα φρονεῖν, ὑμῶν δʼ, ὦ ἄνδρες Ἀθηναῖοι, περιῄρηται τοῦτο.
여러분이 이런 일들을 행하게 된 것은 여러분의 본성이 선조들보다 못해서가 아니라, 선조들에게는 스스로에 대해 높은 자부심을 가지는 분위기가 형성되어 있었던 반면, 아테네의 여러 신사 여러분, 여러분에게서는 이것이 박탈되었기 때문입니다.
ἔστι δʼ οὐδέποτʼ, οἶμαι, δυνατὸν μικρὰ καὶ φαῦλα πράττοντας μέγα καὶ νεανικὸν φρόνημα λαβεῖν, ὥσπερ οὐδὲ λαμπρὰ καὶ καλὰ πράττοντας μικρὸν καὶ ταπεινὸν φρονεῖν·
제 생각에, 작고 비천한 일들을 행하는 자들이 크고 패기 넘치는 정신을 가지는 것은 결코 불가능하며, 이는 찬란하고 아름다운 일들을 행하는 자들이 작고 비굴한 생각을 가지는 것이 불가능한 것과 같습니다.
ὁποῖʼ ἄττα γὰρ ἂν τἀπιτηδεύματα τῶν ἀνθρώπων ᾖ, τοιοῦτον ἀνάγκη καὶ τὸ φρόνημʼ ἔχειν.
사람들의 일상적인 행위가 어떠하냐에 따라 정신 또한 필연적으로 그렇게 되기 마련이기 때문입니다.
§26σκέψασθε δʼ ἅ τις κεφάλαιʼ ἂν ἔχοι εἰπεῖν τῶν τʼ ἐκείνοις πεπραγμένων καὶ τῶν ὑμῖν, ἂν ἄρʼ ὑμῶν αὐτῶν ἀλλʼ ἐκ τούτων γε δύνησθε γενέσθαι.
그들이 행한 일과 여러분이 행한 일의 핵심으로 언급할 만한 것들을 살펴보십시오. 그리하여 만약 여러분이 이 일들을 통해서나마 자기 자신을 되찾을 수 있다면 말입니다.
πέντε μὲν καὶ τετταράκοντʼ ἔτη τῶν Ἑλλήνων ἦρξαν ἑκόντων ἐκεῖνοι, πλείω δʼ ἢ μύρια τάλαντʼ εἰς τὴν ἀκρόπολιν ἀνήγαγον, πολλὰ δὲ καὶ καλὰ καὶ πεζῇ καὶ ναυμαχοῦντες ἔστησαν τρόπαια, ἐφʼ οἷς ἔτι καὶ νῦν ἡμεῖς φιλοτιμούμεθα.
그들은 그리스인들이 자발적으로 따르는 가운데 45년 동안 다스렸고, 아크로폴리스에 1만 탈란톤 이상의 재화를 쌓아 올렸으며, 육상과 해상 모두에서 많고 아름다운 전승기념비들을 세워 우리로 하여금 오늘날까지도 자부심을 가지게 만들었습니다.
καίτοι νομίζετʼ αὐτοὺς ταῦτα στῆσαι, οὐχ ἵνα θαυμάζωμεν ἡμεῖς θεωροῦντες αὐτά, ἀλλʼ ἵνα καὶ μιμώμεθα τὰς τῶν ἀναθέντων ἀρετάς.
하지만 그들이 이것들을 세운 것은 우리가 바라보며 감탄하게 하기 위함이 아니라, 봉헌한 이들의 덕(용맹)을 모방하도록 하기 위함이었음을 기억하십시오.
§27ἐκεῖνοι μὲν δὴ ταῦτα·
그들의 일은 이러했습니다.
ἡμεῖς δʼ, ὅσης ἅπαντες ὁρᾶτʼ ἐρημίας ἐπειλημμένοι, σκέψασθʼ εἰ παραπλήσια.
하지만 우리는 어떠한지, 모두가 보고 있듯이 우리를 집어삼키고 있는 이 엄청난 황폐함 속에서, 과연 이와 비슷한지 살펴보십시오.
οὐ πλείω μὲν ἢ χίλια καὶ πεντακόσια τάλαντʼ ἀνήλωται μάτην εἰς τοὺς τῶν Ἑλλήνων ἀπόρους, ἐξανήλωνται δʼ οἵ τʼ ἴδιοι πάντες οἶκοι καὶ τὰ κοινὰ τῇ πόλει καὶ τὰ παρὰ τῶν συμμάχων, οὓς δʼ ἐν τῷ πολέμῳ συμμάχους ἐκτησάμεθα, οὗτοι νῦν ἐν τῇ εἰρήνῃ ἀπολώλασιν;
그리스의 궁핍한 자들을 위해 1500탈란톤 이상의 재화가 허무하게 소모되었고, 사적인 가계 전체와 국가의 공공 재산 및 동맹국들로부터 얻은 것들이 전부 탕진되었으며, 우리가 전쟁 중에 획득한 동맹국들은 지금 평화 속에서 파멸해 버리지 않았습니까?
§28ἀλλὰ νὴ Δία ταῦτα μόνον τότʼ εἶχε βέλτιον ἢ νῦν, τὰ δʼ ἄλλα χεῖρον.
하지만 제우스의 이름을 걸고, "당시에는 오직 이 일들만 현재보다 나았고, 나머지는 더 못했다"라고 말할지도 모릅니다.
πολλοῦ γε καὶ δεῖ, ἀλλʼ ὅ τι βούλεσθʼ ἐξετάσωμεν.
결코 그렇지 않습니다. 여러분이 원하는 것은 무엇이든 검토해 봅시다.
οἰκοδομήματα μέν γε καὶ κόσμον τῆς πόλεως, ἱερῶν καὶ λιμένων καὶ τῶν ἀκολούθων τούτοις, τοιοῦτον καὶ τοσοῦτον κατέλιπον ἐκεῖνοι ὥστε μηδενὶ τῶν ἐπιγιγνομένων ὑπερβολὴν λελεῖφθαι, προπύλαια ταῦτα, νεώσοικοι, στοαί, τἄλλα, οἷς ἐκεῖνοι κοσμήσαντες τὴν πόλιν ἡμῖν παρέδωκαν·
신전들과 항구들, 그리고 그에 따르는 부속물들이라는 건축물과 국가의 장식에 관해서는, 그들이 남겨놓은 것이 하도 훌륭하고 방대하여 후세의 그 누구에게도 그것을 넘어설 여지가 남아있지 않을 정도입니다. 이 프로필라이아, 선창, 주랑, 그리고 그들이 국가를 장식하여 우리에게 넘겨준 그 밖의 것들이 그러합니다.