§16τῶν δʼ Ἀθηναίων λιμένων καὶ νεωρίων καὶ τριήρων καὶ τόπου καὶ δόξης, ὧν μήτʼ ἐκείνῳ μήτʼ ἄλλῳ γένοιτο μηδενὶ χειρωσαμένῳ τὴν πόλιν τὴν ἡμετέραν κυριεῦσαι, οὐκ ἐπιθυμεῖν, ἀλλὰ ταῦτα μὲν ὑμᾶς ἐάσειν ἔχειν, ὑπὲρ δὲ τῶν μελινῶν καὶ τῶν ὀλυρῶν τῶν ἐν τοῖς Θρᾳκίοις σιροῖς ἐν τῷ βαράθρῳ χειμάζειν.
한편, 아테네의 항구와 조선소, 삼단노선, 입지, 그리고 영광(우리 도시를 정복한 그나 다른 어떤 자도 이것들을 지배하는 일이 결코 없기를!)을 그가 탐내지 않으며 이것들을 여러분이 계속 차지하도록 내버려 두는 한편, 트라키아의 지하 저장고에 있는 기장과 호밀을 차지하기 위해 그 구렁텅이 같은 곳에서 겨울을 나고 있다고 [생각할 만큼 어리석은 사람은 아무도 없습니다].
§17οὐκ ἔστι ταῦτα, ἀλλὰ κἀκεῖνʼ ὑπὲρ τοῦ τούτων γίγνεσθαι κύριος καὶ τἄλλα πάντα πραγματεύεται.
그럴 리가 없습니다. 오히려 그곳의 일들도 이것들의 지배자가 되기 위해, 그리고 다른 모든 것도 그 목적을 위해 도모하고 있는 것입니다.
ταῦτα τοίνυν ἕκαστον εἰδότα καὶ γιγνώσκοντα παρʼ αὑτῷ δεῖ μὰ Δίʼ οὐ γράψαι κελεύειν πόλεμον τὸν τὰ βέλτιστʼ ἐπὶ πᾶσι δικαίοις συμβουλεύοντα·
그러므로 이 사실을 각자 마음속으로 잘 알고 인식한 이상, 제우스에 맹세코, 오직 정의에 기초하여 최선의 조언을 하는 이에게 전쟁 법안을 기초하라고 요구해서는 안 됩니다.
τοῦτο μὲν γάρ ἐστι λαβεῖν ὅτῳ πολεμήσετε βουλομένων, οὐχ ἃ τῇ πόλει συμφέρει πράττειν.
왜냐하면 그렇게 하는 것은 국가에 이로운 일을 실행하는 것이 아니라, 여러분이 누구와 싸워야 할 것인가라는 표적을 음모를 꾸미려는 자들에게 제공하는 꼴이 되기 때문입니다.
§18ὁρᾶτε γάρ.
보십시오.
εἰ διʼ ἃ πρῶτα παρεσπόνδησε Φίλιππος ἢ δεύτερʼ ἢ τρίτα (πολλὰ γάρ ἐστιν ἐφεξῆς) ἔγραψέ τις αὐτῷ πολεμεῖν, ὁ δʼ ὁμοίως ὥσπερ νῦν, οὐ γράφοντος οὐδενὸς ὑμῶν πόλεμον, Καρδιανοῖς ἐβοήθει, οὐκ ἂν ἀνηρπασμένος ἦν ὁ γράψας, καὶ διὰ τοῦτο πάντες ᾐτιῶντʼ ἂν αὐτὸν Καρδιανοῖς βεβοηθηκέναι;
만약 필리포스가 첫 번째, 혹은 두 번째, 혹은 세 번째로 조약을 위반한 일들(차례로 수없이 많습니다만) 때문에 누군가가 그에게 전쟁을 선포해야 한다고 기초했고, 반면에 그가 지금처럼 여러분 중 누구도 전쟁을 기초하지 않았는데도 카르디아인들을 원조했다면, 그 기초한 자는 찢겨 죽임을 당했을 것이며, 그 때문에 모든 이들이 그가 카르디아인들을 원조하도록 빌미를 제공했다며 그 기초자를 비난하지 않았겠습니까?
§19μὴ τοίνυν ζητεῖθʼ ὅντινʼ ἀνθʼ ὧν Φίλιππος ἐξαμαρτάνει μισήσετε καὶ τοῖς παρʼ ἐκείνου μισθαρνοῦσι διασπάσασθαι παραβαλεῖτε·
그러므로 필리포스가 저지르고 있는 불의의 대속물로 여러분이 누구를 미워하고, 그에게서 매수된 자들에게 찢겨 죽일 제물로 던져줄 것인가를 찾지 마십시오.
μηδʼ αὐτοὶ χειροτονήσαντες πόλεμον βούλεσθε παρʼ αὐτοῖς ὑμῖν ἐρίζειν, εἰ δέον ἢ μὴ δέον ὑμᾶς τοῦτο πεποιηκέναι·
또한 스스로 전쟁을 결의해 놓고서, 자기들끼리 이 일을 행한 것이 옳았느니 그르느니 다투기를 바라지 마십시오.
ἀλλʼ ὃν ἐκεῖνος πολεμεῖ τρόπον, τοῦτον μιμεῖσθε, τοῖς μὲν ἀμυνομένοις ἤδη χρήματα καὶ τἄλλʼ ὅσων δέονται διδόντες, αὐτοὶ δʼ εἰσφέροντες, ὦ ἄνδρες Ἀθηναῖοι, καὶ κατασκευαζόμενοι στράτευμα, τριήρεις ταχείας, ἵππους, ἱππαγωγούς, τἄλλʼ ὅσʼ εἰς πόλεμον·
오히려 그가 전쟁을 수행하는 방식을 모방하여, 이미 방어하고 있는 이들에게는 자금과 그 밖에 필요한 모든 것을 제공하고, 아테네 시민 여러분, 여러분 스스로는 자금을 내고 군대, 빠른 삼단노선, 군마, 군마 수송선, 그 밖에 전쟁에 필요한 다른 모든 것을 조직하고 준비하십시오.
§20ἐπεὶ νῦν γε γέλως ἔσθʼ ὡς χρώμεθα τοῖς πράγμασι, καὶ Φίλιππον δʼ αὐτὸν οὐδὲν ἂν ἄλλʼ οἶμαι μὰ τοὺς θεοὺς εὔξασθαι ποιεῖν τὴν πόλιν ἢ ταῦθʼ ἃ νῦν ποιεῖτε·
왜냐하면 지금 우리가 사태를 다루는 방식은 웃음거리이기 때문입니다. 신들에 맹세코, 필리포스 자신도 국가가 지금 여러분이 하고 있는 일 외에 다른 어떤 것도 하기를 기도하지 않을 것이라고 저는 생각합니다.
ὑστερίζετε, ἀναλίσκετε· ὅτῳ παραδώσετε τὰ πράγματα ζητεῖτε, δυσχεραίνετε· ἀλλήλους αἰτιᾶσθε.
여러분은 늑장 대응을 하고, 비용을 낭비하며, 누구에게 사태를 위임할 것인지 찾고, 불평하며, 서로를 비난하고 있습니다.
ἀφʼ οὗ δὲ ταῦτα γίγνεται ἐγὼ διδάξω, καὶ ὅπως παύσεται λέξω.
이러한 일이 왜 일어나는지 제가 가르쳐 드리고, 어떻게 하면 이것이 멈출 것인지 말씀드리겠습니다.
§21οὐδὲν πώποτʼ, ὦ ἄνδρες Ἀθηναῖοι, τῶν πραγμάτων ἐξ ἀρχῆς ἐνεστήσασθʼ οὐδὲ κατεσκευάσασθʼ ὀρθῶς, ἀλλὰ τὸ συμβαῖνον ἀεὶ διώκετε, εἶτʼ ἐπειδὰν ὑστερίσητε παύεσθε·
아테네 시민 여러분, 여러분은 지금까지 사태를 처음부터 올바르게 조직하거나 준비한 적이 없고, 그저 항상 일어나는 사건을 뒤쫓아 가다가 뒤늦어지면 그만둡니다.
ἕτερον πάλιν ἂν συμβῇ τι παρασκευάζεσθε καὶ θορυβεῖσθε.
그리고 다시 다른 일이 터지면 준비를 하고 소동을 피웁니다.
§22τὸ δʼ οὐχ οὕτως ἔχει·
그러나 사태는 그렇게 해결되지 않습니다.
οὐκ ἔνεστι βοηθείαις χρωμένους οὐδὲν τῶν δεόντων ποτὲ πρᾶξαι, ἀλλὰ κατασκευάσαντας δεῖ δύναμιν, καὶ τροφὴν ταύτῃ πορίσαντας καὶ ταμίας καὶ δημοσίους, καὶ ὅπως ἔνι τὴν τῶν χρημάτων φυλακὴν ἀκριβεστάτην γενέσθαι, οὕτω ποιήσαντας, τὸν μὲν τῶν χρημάτων λόγον παρὰ τούτων λαμβάνειν, τὸν δὲ τῶν ἔργων παρὰ τοῦ στρατηγοῦ, καὶ μηδεμίαν πρόφασιν τοῦ πλεῖν ἄλλοσε ἢ πράττειν ἄλλο τι τῷ στρατηγῷ καταλείπειν.
임시방편적인 구원군을 사용해서는 결코 필요한 일을 조금도 완수할 수 없으며, 군대를 조직하고 이에 대한 식량을 조달하며 재무관과 공직자를 임명하고 자금의 감시가 가장 철저하게 이루어지도록 조치를 취한 뒤, 자금에 관한 회계 보고는 이들에게서 받고 군사 행동에 관한 보고는 장군에게서 받도록 하여, 장군에게 다른 곳으로 항해하거나 다른 일을 도모할 어떠한 핑계도 남겨두지 않아야 합니다.
§23ἂν οὕτω ποιήσητε καὶ τοῦτʼ ἐθελήσηθʼ ὡς ἀληθῶς, ἄγειν εἰρήνην δικαίαν καὶ μένειν ἐπὶ τοῦ τόπου Φίλιππον ἀναγκάσετε, ἢ πολεμήσετʼ ἐξ ἴσου·
만약 여러분이 이렇게 행동하고 진심으로 바란다면, 필리포스가 공정한 평화를 유지하고 자기 영토에 머물게 하거나, 혹은 대등하게 전쟁을 치르게 될 것입니다.
καὶ ἴσως ἄν, ἴσως, ὥσπερ νῦν ὑμεῖς πυνθάνεσθε τί ποιεῖ Φίλιππος καὶ ποῖ πορεύεται, οὕτως ἂν ἐκεῖνος φροντίσαι ποῖ ποθʼ ἡ τῆς πόλεως ἀπῆρκεν δύναμις καὶ ποῦ φανήσεται.
그리하여 어쩌면, 어쩌면 지금 여러분이 '필리포스는 무엇을 하고 있고 어디로 가고 있는가'라고 묻고 다니는 것처럼, 그가 '도대체 국가의 군대는 어디로 출발했으며 어디에 나타날 것인가' 하고 걱정스럽게 생각하게 될 것입니다.
§24εἰ δέ τῳ δοκεῖ ταῦτα καὶ δαπάνης πολλῆς καὶ πόνων πολλῶν καὶ πραγματείας εἶναι, καὶ μάλʼ ὀρθῶς δοκεῖ·
만약 누군가에게 이것들이 막대한 비용과 막대한 노고, 그리고 번거로운 일로 여겨진다면, 그것은 참으로 지극히 올바른 생각입니다.
ἀλλʼ ἐὰν λογίσηται τὰ τῇ πόλει μετὰ ταῦτα γενησόμενα, ἐὰν ταῦτα μὴ ἐθέλῃ ποιεῖν, εὑρήσει λυσιτελοῦν τὸ ἑκόντας ποιεῖν τὰ δέοντα.
하지만 만약 이 일을 하려 하지 않을 경우 그 후에 국가에 닥칠 일들을 계산해 본다면, 자발적으로 마땅한 바를 행하는 것이 이익임을 알게 될 것입니다.
εἰ μὲν γάρ ἐστί τις ἐγγυητὴς ὑμῖν θεῶν (οὐ γὰρ ἀνθρώπων γʼ οὐδεὶς ἂν γένοιτʼ ἀξιόχρεως τηλικούτου πράγματος) ὡς, ἐὰν ἄγηθʼ ἡσυχίαν καὶ ἅπαντα προῆσθε, οὐκ ἐπʼ αὐτοὺς ὑμᾶς τελευτῶν ἐκεῖνος ἥξει,
왜냐하면 만약 신들 중 누군가가 여러분에게 보증을 해 준다면(인간 중에는 누구도 그토록 중대한 일에 충분한 보증인이 될 수 없기 때문입니다), 여러분이 고요히 지내며 모든 것을 포기하더라도 결국 그가 여러분 자신을 치러 오지 않을 것이라고 말입니다.
§25αἰσχρὸν μὲν νὴ τὸν Δία καὶ πάντας θεοὺς καὶ ἀνάξιον ὑμῶν καὶ τῶν ὑπαρχόντων τῇ πόλει καὶ πεπραγμένων τοῖς προγόνοις, τῆς ἰδίας ῥᾳθυμίας ἕνεκα τοὺς ἄλλους ἅπαντας Ἕλληνας εἰς δουλείαν προέσθαι, καὶ ἔγωγε αὐτὸς μὲν τεθνάναι μᾶλλον ἂν ἢ ταῦτʼ εἰρηκέναι βουλοίμην·
제우스와 모든 신들에 맹세코, 스스로의 나태함 때문에 다른 모든 그리스인들을 노예 상태로 넘겨주는 것은 수치스러운 일이며 여러분 자신과 국가가 가진 위상, 그리고 조상들이 이룩한 업적에 어울리지 않는 일입니다. 저 자신은 그런 말을 입 밖에 내느니 차라리 죽는 편을 택하겠습니다.