§32καίτοι τί τῆς ἐσχάτης ὕβρεως ἀπολείπει;
하지만 극도의 오만함에 무엇이 더 부족하단 말입니까?
οὐ πρὸς τῷ πόλεις ἀνῃρηκέναι τίθησι μὲν τὰ Πύθια, τὸν κοινὸν τῶν Ἑλλήνων ἀγῶνα, κἂν αὐτὸς μὴ παρῇ, τοὺς δούλους ἀγωνοθετήσοντας πέμπει;
그는 도시들을 파괴한 것에 더하여, 그리스인들의 공동 제전인 피티아 제전을 스스로 주최하고, 가사 자신은 참석하지 않더라도 노예들을 경기 주최자로 파견하고 있지 않습니까?
κύριος δὲ Πυλῶν καὶ τῶν ἐπὶ τοὺς Ἕλληνας παρόδων ἐστί, καὶ φρουραῖς καὶ ξένοις τοὺς τόπους τούτους κατέχει;
또한 테르모필레와 그리스인들을 향한 통로의 지배자이며, 수비대와 용병들을 통해 이 지역들을 점유하고 있지 않습니까?
ἔχει δὲ καὶ τὴν προμαντείαν τοῦ θεοῦ, παρώσας ἡμᾶς καὶ Θετταλοὺς καὶ Δωριέας καὶ τοὺς ἄλλους Ἀμφικτύονας, ἧς οὐδὲ τοῖς Ἕλλησιν ἅπασι μέτεστι;
더욱이 우리와 테살리아인, 도리스인, 그리고 다른 인근 동맹들을 밀쳐내고, 모든 그리스인들에게조차 주어지지 않는 신의 신탁 우선권을 차지하고 있지 않습니까?
§33γράφει δὲ Θετταλοῖς ὃν χρὴ τρόπον πολιτεύεσθαι;
또 테살리아인들에게 어떤 방식으로 국정을 운영해야 하는지 지시하고 있지 않습니까?
πέμπει δὲ ξένους τοὺς μὲν εἰς Πορθμόν, τὸν δῆμον ἐκβαλοῦντας τὸν Ἐρετριέων, τοὺς δʼ ἐπʼ Ὠρεόν, τύραννον Φιλιστίδην καταστήσοντας;
그리고 에레트리아인들의 민중을 내쫓기 위해 용병들을 한편으로는 포르트모스로 파견하고, 다른 한편으로는 오레오스로 파견하여 참주 필리스티데스를 옹립하려 하고 있지 않습니까?
ἀλλʼ ὅμως ταῦθʼ ὁρῶντες οἱ Ἕλληνες ἀνέχονται, καὶ τὸν αὐτὸν τρόπον ὥσπερ τὴν χάλαζαν ἔμοιγε δοκοῦσιν θεωρεῖν, εὐχόμενοι μὴ καθʼ ἑαυτοὺς ἕκαστοι γενέσθαι, κωλύειν δʼ οὐδεὶς ἐπιχειρῶν.
그럼에도 불구하고 그리스인들은 이것을 보고도 견디고 있으며, 제가 보기에는 마치 우박을 바라보는 것과 같은 방식으로 이를 대하며, 각자 자기에게는 닥치지 않기를 기도할 뿐, 아무도 이를 막으려 시도하지 않고 있습니다.
§34οὐ μόνον δʼ ἐφʼ οἷς ἡ Ἑλλὰς ὑβρίζεται ὑπʼ αὐτοῦ, οὐδεὶς ἀμύνεται, ἀλλʼ οὐδʼ ὑπὲρ ὧν αὐτὸς ἕκαστος ἀδικεῖται·
그에 의해 그리스가 모욕당하는 일에 대해 아무도 맞서 싸우지 않을 뿐만 아니라, 자기 자신이 각각 겪는 불의에 대해서도 싸우지 않습니다.
τοῦτο γὰρ ἤδη τοὔσχατόν ἐστιν.
이것이 바로 이미 극에 달한 상태입니다.
οὐ Κορινθίων ἐπʼ Ἀμβρακίαν ἐλήλυθε καὶ Λευκάδα;
코린토스인들의 영토인 암브라키아와 레우카스로 그가 쳐들어가지 않았습니까?
οὐκ Ἀχαιῶν Ναύπακτον ὀμώμοκεν Αἰτωλοῖς παραδώσειν;
아카이아인들의 영토인 나우팍토스를 아이톨리아인들에게 넘겨주겠다고 맹세하지 않았습니까?
οὐχὶ Θηβαίων Ἐχῖνον ἀφῄρηται, καὶ νῦν ἐπὶ Βυζαντίους πορεύεται συμμάχους ὄντας;
테바이인들로부터 에키노스를 빼앗았고, 이제는 동맹인 비잔티움인들을 향해 진군하고 있지 않습니까?
§35οὐχ ἡμῶν, ἐῶ τἄλλα, ἀλλὰ Χερρονήσου τὴν μεγίστην ἔχει πόλιν Καρδίαν;
우리의 영토에 대해서는 다른 일들을 덮어두더라도, 헤르소네소스의 가장 큰 도시인 카르디아를 그가 장악하고 있지 않습니까?
ταῦτα τοίνυν πάσχοντες ἅπαντες μέλλομεν καὶ μαλκίομεν καὶ πρὸς τοὺς πλησίον βλέπομεν, ἀπιστοῦντες ἀλλήλοις, οὐ τῷ πάντας ἡμᾶς ἀδικοῦντι.
이리하여 이 모든 일을 당하면서도 우리는 모두 미루고 굼뜨게 행동하며 이웃을 바라보고, 우리 모두에게 불의를 행하는 자가 아니라 서로를 불신하고 있습니다.
καίτοι τὸν ἅπασιν ἀσελγῶς οὕτω χρώμενον τί οἴεσθε, ἐπειδὰν καθʼ ἕνʼ ἡμῶν ἑκάστου κύριος γένηται, τί ποιήσειν;
그렇다면 모두를 이토록 가혹하게 대하는 그 자가, 우리 각자를 개별적으로 지배하게 될 때 무엇을 할 것이라고 생각하십니까?
§36τί οὖν αἴτιον τουτωνί;
그렇다면 이 모든 일의 원인은 무엇입니까?
οὐ γὰρ ἄνευ λόγου καὶ δικαίας αἰτίας οὔτε τόθʼ οὕτως εἶχον ἑτοίμως πρὸς ἐλευθερίαν οἱ Ἕλληνες οὔτε νῦν πρὸς τὸ δουλεύειν.
당시의 그리스인들이 그토록 기꺼이 자유를 지향하고, 지금의 그리스인들이 그토록 노예 상태를 달가워하는 것에는 이유와 정당한 원인이 없는 것이 아니기 때문입니다.
ἦν τι τότʼ, ἦν, ὦ ἄνδρες Ἀθηναῖοι, ἐν ταῖς τῶν πολλῶν διανοίαις, ὃ νῦν οὐκ ἔστιν, ὃ καὶ τοῦ Περσῶν ἐκράτησε πλούτου καὶ ἐλευθέραν ἦγε τὴν Ἑλλάδα καὶ οὔτε ναυμαχίας οὔτε πεζῆς μάχης οὐδεμιᾶς ἡττᾶτο, νῦν δʼ ἀπολωλὸς ἅπαντα λελύμανται καὶ ἄνω καὶ κάτω πεποίηκε τὰ τῶν Ἑλλήνων πράγματα.
아테네인 여러분, 당시에는 다수의 마음속에 지금은 없는 무언가가 있었습니다. 그것은 페르시아의 부조차 물리치고 그리스를 자유롭게 이끌었으며, 해전이든 육전이든 그 어떤 전투에서도 패하지 않았습니다. 그러나 지금은 그것이 사라져 모든 것을 망쳐놓았고 그리스인들의 사태를 뒤죽박죽으로 만들었습니다.
§37τί οὖν ἦν τοῦτο;
그렇다면 그것은 무엇이었습니까?
οὐδὲν ποικίλον οὐδὲ σοφόν, ἀλλʼ ὅτι τοὺς παρὰ τῶν ἄρχειν βουλομένων ἢ διαφθείρειν τὴν Ἑλλάδα χρήματα λαμβάνοντας ἅπαντες ἐμίσουν, καὶ χαλεπώτατον ἦν τὸ δωροδοκοῦντʼ ἐλεγχθῆναι, καὶ τιμωρίᾳ μεγίστῃ τοῦτον ἐκόλαζον, καὶ παραίτησις οὐδεμίʼ ἦν οὐδὲ συγγνώμη.
복잡하거나 기발한 것이 아니라, 지배하려 하거나 그리스를 타락시키려는 자들로부터 돈을 받는 자들을 모든 이가 미워했다는 점입니다. 그리고 뇌물을 받은 것이 입증되는 것은 가장 무거운 일이었으며, 사상들은 가장 큰 벌로 이를 처벌했고, 그 어떤 청탁이나 용서도 없었습니다.
§38τὸν οὖν καιρὸν ἑκάστου τῶν πραγμάτων, ὃν ἡ τύχη καὶ τοῖς ἀμελοῦσιν κατὰ τῶν προσεχόντων πολλάκις παρασκευάζει, οὐκ ἦν πρίασθαι παρὰ τῶν λεγόντων οὐδὲ τῶν στρατηγούντων, οὐδὲ τὴν πρὸς ἀλλήλους ὁμόνοιαν, οὐδὲ τὴν πρὸς τοὺς τυράννους καὶ τοὺς βαρβάρους ἀπιστίαν, οὐδʼ ὅλως τοιοῦτον οὐδέν.
그러므로 각 사태의 기회, 즉 운명이 방심하는 자들을 향해 주의 깊은 자들을 상대로 자주 마련해 주는 그 기회를, 연설가들이나 장군들로부터 돈으로 살 수 없었으며, 서로 간의 화합도, 참주와 야만인에 대한 불신도, 전혀 그 어떤 것도 살 수 없었습니다.
§39νῦν δʼ ἅπανθʼ ὥσπερ ἐξ ἀγορᾶς ἐκπέπραται ταῦτα, ἀντεισῆκται δʼ ἀντὶ τούτων ὑφʼ ὧν ἀπόλωλε καὶ νενόσηκεν ἡ Ἑλλάς.
그러나 지금은 이 모든 것들이 마치 시장에서 팔려 나간 것 같고, 이것들 대신에 그리스를 파멸시키고 병들게 한 것들이 수입되었습니다.
ταῦτα δʼ ἐστὶ τί;
그것들은 무엇입니까?
ζῆλος, εἴ τις εἴληφέ τι· γέλως, ἂν ὁμολογῇ· συγγνώμη τοῖς ἐλεγχομένοις· μῖσος, ἂν τούτοις τις ἐπιτιμᾷ· τἄλλα πάνθʼ ὅσʼ ἐκ τοῦ δωροδοκεῖν ἤρτηται.
누군가 무언가를 받았다면 생기는 '시기', 그것을 자백했을 때의 '조소', 죄가 입증된 자들에 대한 '용서', 이들을 비난하는 자에 대한 '증오', 그리고 뇌물 수수로부터 파생되는 다른 모든 것들입니다.
§40ἐπεὶ τριήρεις γε καὶ σωμάτων πλῆθος καὶ χρημάτων καὶ τῆς ἄλλης κατασκευῆς ἀφθονία, καὶ τἄλλʼ οἷς ἄν τις ἰσχύειν τὰς πόλεις κρίνοι, νῦν ἅπασι καὶ πλείω καὶ μείζω ἐστὶ τῶν τότε πολλῷ.
왜냐하면 삼단노선들과 수많은 병력, 자금과 다른 군비의 풍부함, 그리고 도시의 강력함을 가늠할 수 있는 다른 모든 조건들이, 지금은 모든 이에게 당시보다 훨씬 더 많고 거대하기 때문입니다.
ἀλλὰ ταῦτʼ ἄχρηστα, ἄπρακτα, ἀνόνητα ὑπὸ τῶν πωλούντων γίγνεται.
하지만 이것들은 파는 자들에 의해 쓸모없고 실행 불가능하며 무익한 것이 되어버렸습니다.