§9καὶ μὴν εἴ τις ὑμῶν ταῦτα μὲν οὕτως ἔχειν ἡγεῖται, οἴεται δὲ βίᾳ καθέξειν αὐτὸν τὰ πράγματα τῷ τὰ χωρία καὶ λιμένας καὶ τὰ τοιαῦτα προειληφέναι, οὐκ ὀρθῶς οἴεται.
나아가 여러분 중 누군가가 이러한 사정들은 그러하다고 인정하면서도, 그가 요지와 항구 등을 미리 선점했다는 이유로 무력으로 형세를 유지할 것이라 생각한다면, 그것은 올바른 생각이 아닙니다.
ὅταν μὲν γὰρ ὑπʼ εὐνοίας τὰ πράγματα συστῇ καὶ πᾶσι ταὐτὰ συμφέρῃ τοῖς μετέχουσι τοῦ πολέμου, καὶ συμπονεῖν καὶ φέρειν τὰς συμφορὰς καὶ μένειν ἐθέλουσιν ἅνθρωποι·
왜냐하면 호의에 의해 형세가 결합하고 전쟁에 참여하는 모든 이에게 동일한 이익이 있을 때에는, 사람들이 기꺼이 함께 고난을 겪고 재앙을 짊어지며 버텨내기 때문입니다.
ὅταν δʼ ἐκ πλεονεξίας καὶ πονηρίας τις ὥσπερ οὗτος ἰσχύσῃ, ἡ πρώτη πρόφασις καὶ μικρὸν πταῖσμα ἅπαντʼ ἀνεχαίτισε καὶ διέλυσεν.
하지만 이 자처럼 탐욕과 사악함으로 힘을 얻었을 경우에는, 최초의 빌미나 작은 걸림돌 하나가 모든 것을 뒤흔들고 와해시키고 맙니다.
§10οὐ γὰρ ἔστιν, οὐκ ἔστιν, ὦ ἄνδρες Ἀθηναῖοι, ἀδικοῦντα κἀπιορκοῦντα καὶ ψευδόμενον δύναμιν βεβαίαν κτήσασθαι, ἀλλὰ τὰ τοιαῦτʼ εἰς μὲν ἅπαξ καὶ βραχὺν χρόνον ἀντέχει, καὶ σφόδρα γʼ ἤνθησʼ ἐπὶ ταῖς ἐλπίσιν, ἂν τύχῃ, τῷ χρόνῳ δὲ φωρᾶται καὶ περὶ αὑτὰ καταρρεῖ.
아테네인 여러분, 불의를 행하고, 위선하며, 기만함으로써 확고한 힘을 얻는 것은 불가능합니다. 결코 불가능합니다. 왜냐하면 그러한 것들은 단 한 번, 혹은 짧은 시간 동안은 버텨내며, 운이 좋다면 희망에 차서 크게 번창할지도 모르나, 시간이 흐르면 탄로 나고 스스로 붕괴하기 때문입니다.
ὥσπερ γὰρ οἰκίας, οἶμαι, καὶ πλοίου καὶ τῶν ἄλλων τῶν τοιούτων τὰ κάτωθεν ἰσχυρότατʼ εἶναι δεῖ, οὕτω καὶ τῶν πράξεων τὰς ἀρχὰς καὶ τὰς ὑποθέσεις ἀληθεῖς καὶ δικαίας εἶναι προσήκει.
마치 집이나 배, 그리고 다른 유사한 건축물들의 경우 아랫부분이 가장 튼튼해야 하는 것처럼, 행동의 시작과 기초 역시 참되고 정의로워야 마땅하기 때문입니다.
τοῦτο δʼ οὐκ ἔνι νῦν ἐν τοῖς πεπραγμένοις Φιλίππῳ.
그러나 현재 필리포스가 행한 일들 속에는 이것이 존재하지 않습니다.
§11φημὶ δὴ δεῖν ἡμᾶς τοῖς μὲν Ὀλυνθίοις βοηθεῖν, καὶ ὅπως τις λέγει κάλλιστα καὶ τάχιστα, οὕτως ἀρέσκει μοι·
그러므로 나는 우리가 올린토스인들을 지원해야 한다고 주장하며, 누군가 가장 훌륭하고 신속하다고 말하는 방식이 나에게도 마음에 듭니다.
πρὸς δὲ Θετταλοὺς πρεσβείαν πέμπειν, ἣ τοὺς μὲν διδάξει ταῦτα, τοὺς δὲ παροξυνεῖ·
또한 테살리아인들에게는 사절단을 보내어, 한편으로는 이 사정들을 알리고 다른 한편으로는 그들을 고무해야 합니다.
καὶ γὰρ νῦν εἰσιν ἐψηφισμένοι Παγασὰς ἀπαιτεῖν καὶ περὶ Μαγνησίας λόγους ποιεῖσθαι.
왜냐하면 실제로 그들은 지금 파가사이의 반환을 요구하고 마그네시아에 관해 논의하기로 결의했기 때문입니다.
§12σκοπεῖσθε μέντοι τοῦτʼ, ὦ ἄνδρες Ἀθηναῖοι, ὅπως μὴ λόγους ἐροῦσιν μόνον οἱ παρʼ ἡμῶν πρέσβεις, ἀλλὰ καὶ ἔργον τι δεικνύειν ἕξουσιν ἐξεληλυθότων ὑμῶν ἀξίως τῆς πόλεως καὶ ὄντων ἐπὶ τοῖς πράγμασιν, ὡς ἅπας μὲν λόγος, ἂν ἀπῇ τὰ πράγματα, μάταιόν τι φαίνεται καὶ κενόν, μάλιστα δʼ ὁ παρὰ τῆς ἡμετέρας πόλεως·
그러나 아테네인 여러분, 우리 사절들이 말만 늘어놓는 것이 아니라, 여러분이 국가에 걸맞게 출정하여 사태에 관여하고 있음을 보여주는 어떤 행동적 실적도 제시할 수 있도록 유념해야 합니다. 왜냐하면 행동이 따르지 않는다면 모든 말은 허무하고 빈약해 보이기 마련이며, 특히 우리 국가의 말은 더욱 그러하기 때문입니다.
ὅσῳ γὰρ ἑτοιμότατʼ αὐτῷ δοκοῦμεν χρῆσθαι, τοσούτῳ μᾶλλον ἀπιστοῦσι πάντες αὐτῷ.
우리가 말을 가장 능란하게 구사하는 것처럼 보일수록, 모든 이들은 그만큼 더 우리 말을 신뢰하지 않기 때문입니다.
§13πολλὴν δὴ τὴν μετάστασιν καὶ μεγάλην δεικτέον τὴν μεταβολήν, εἰσφέροντας, ἐξιόντας, ἅπαντα ποιοῦντας ἑτοίμως, εἴπερ τις ὑμῖν προσέξει τὸν νοῦν.
그러므로 누군가 여러분에게 주목하게 하려면, 군자금을 납부하고 직접 출정하며 모든 일을 기꺼이 수행하는 등의 커다란 전환과 위대한 변화를 보여주어야 합니다.
κἂν ταῦτʼ ἐθελήσηθʼ ὡς προσήκει καὶ δὴ περαίνειν, οὐ μόνον, ὦ ἄνδρες Ἀθηναῖοι, τὰ συμμαχικὰ ἀσθενῶς καὶ ἀπίστως ἔχοντα φανήσεται Φιλίππῳ, ἀλλὰ καὶ τὰ τῆς οἰκείας ἀρχῆς καὶ δυνάμεως κακῶς ἔχοντʼ ἐξελεγχθήσεται.
아테네인 여러분, 만일 여러분이 이러한 일들을 마땅히 해야 할 일로서 기꺼이 완수하고자 한다면, 필리포스의 동맹 관계가 나약하고 불신에 가득 찬 것임이 드러날 뿐만 아니라, 그 자신의 본국 지배와 세력도 한심한 상태에 있음이 규명될 것입니다.
§14ὅλως μὲν γὰρ ἡ Μακεδονικὴ δύναμις καὶ ἀρχὴ ἐν μὲν προσθήκῃ μερίς ἐστί τις οὐ μικρά, οἷον ὑπῆρξέ ποθʼ ὑμῖν ἐπὶ Τιμοθέου πρὸς Ὀλυνθίους·
요컨대 마케도니아의 전력과 지배권은 보조적인 첨가물로서 결합할 때에는, 과거 티모테오스 시절에 여러분이 올린토스인들을 상대로 연합했을 때 그러했듯이 결코 작지 않은 몫을 담당합니다.
πάλιν αὖ πρὸς Ποτείδαιαν Ὀλυνθίοις ἐφάνη τι τοῦτο συναμφότερον·
또한 포티다이아를 상대로 올린토스인들과 연합했을 때에도 이 공동의 힘은 어느 정도 효력을 나타냈습니다.
νυνὶ δὲ Θετταλοῖς νοσοῦσι καὶ τεταραγμένοις ἐπὶ τὴν τυραννικὴν οἰκίαν ἐβοήθησεν·
그리고 최근에는 내분과 혼란에 처한 테살리아인들을 도와 僭主 가문에 맞섰습니다.
καὶ ὅποι τις ἄν, οἶμαι, προσθῇ κἂν μικρὰν δύναμιν, πάντʼ ὠφελεῖ·
이처럼 누군가가 설령 작은 전력이라도 그것을 보태면 어디서나 도움이 되는 법입니다.
αὐτὴ δὲ καθʼ αὑτὴν ἀσθενὴς καὶ πολλῶν κακῶν ἐστι μεστή.
그러나 마케도니아 자체는 단독으로는 나약하며 수많은 폐해로 가득 차 있습니다.
§15καὶ γὰρ οὗτος ἅπασι τούτοις, οἷς ἄν τις μέγαν αὐτὸν ἡγήσαιτο, τοῖς πολέμοις καὶ ταῖς στρατείαις, ἔτʼ ἐπισφαλεστέραν ἢ ὑπῆρχε φύσει κατεσκεύακεν αὑτῷ.
왜냐하면 그는 사람들이 자신을 위대하다고 여길 법한 바로 그 요인들, 즉 전쟁과 원정들을 통해, 본래 마케도니아가 지닌 자연적 성격보다 더 불안정한 상태를 스스로에게 초래했기 때문입니다.
μὴ γὰρ οἴεσθʼ, ὦ ἄνδρες Ἀθηναῖοι, τοῖς αὐτοῖς Φίλιππόν τε χαίρειν καὶ τοὺς ἀρχομένους, ἀλλʼ ὁ μὲν δόξης ἐπιθυμεῖ καὶ τοῦτʼ ἐζήλωκε, καὶ προῄρηται πράττων καὶ κινδυνεύων, ἂν συμβῇ τι, παθεῖν, τὴν τοῦ διαπράξασθαι ταῦθʼ ἃ μηδεὶς πώποτʼ ἄλλος Μακεδόνων βασιλεὺς δόξαν ἀντὶ τοῦ ζῆν ἀσφαλῶς ᾑρημένος·
아테네인 여러분, 필리포스와 그의 지배를 받는 신민들이 동일한 일에서 기쁨을 누린다고 생각지 마십시오. 그는 명성을 갈망하고 이를 탐하며, 마케도니아의 어떤 다른 왕도 완수하지 못한 일들을 완수했다는 명성을 안전하게 사는 삶 대신 선택하여, 어떤 일이 일어나든 행동하고 위험을 감수하며 고통을 겪기로 결심했습니다.
§16τοῖς δὲ τῆς μὲν φιλοτιμίας τῆς ἀπὸ τούτων οὐ μέτεστι, κοπτόμενοι δʼ ἀεὶ ταῖς στρατείαις ταύταις ταῖς ἄνω κάτω λυποῦνται καὶ συνεχῶς ταλαιπωροῦσιν, οὔτʼ ἐπὶ τοῖς ἔργοις οὔτʼ ἐπὶ τοῖς αὑτῶν ἰδίοις ἐώμενοι διατρίβειν, οὔθʼ ὅσʼ ἂν ποιήσωσιν οὕτως ὅπως ἂν δύνωνται, ταῦτʼ ἔχοντες διαθέσθαι κεκλειμένων τῶν ἐμπορίων τῶν ἐν τῇ χώρᾳ διὰ τὸν πόλεμον.
반면 신민들에게는 이로부터 오는 명예의 몫이 없으며, 도처로 이어지는 원정들로 인해 항상 시달리며 괴로워하고 끊임없이 고통받고 있습니다. 그들은 생업이나 자신들의 사적인 일에 종사하도록 방치되지 못하며, 전쟁으로 인해 국내의 교역소들이 폐쇄되어 있기 때문에 자신들이 어떻게든 생산해 낸 것들을 처분할 수도 없는 처지입니다.