§1πολλοὺς ὑμῶν οἶμαι θαυμάζειν ἥντινά ποτε γνώμην ἔχων περὶ σωτηρίας τὴν πρόσοδον ἐποιησάμην, ὥσπερ τῆς πόλεως ἐν κινδύνοις οὔσης ἢ σφαλερῶς αὐτῇ τῶν πραγμάτων καθεστηκότων, ἀλλʼ οὐ πλείους μὲν τριήρεις ἢ διακοσίας κεκτημένης, εἰρήνην δὲ καὶ τὰ περὶ τὴν χώραν ἀγούσης, καὶ τῶν κατὰ θάλατταν ἀρχούσης, §2ἔτι δὲ συμμάχους ἐχούσης πολλοὺς μὲν τοὺς ἑτοίμως ἡμῖν, ἤν τι δέῃ, βοηθήσοντας, πολὺ δὲ πλείους τοὺς τὰς συντάξεις ὑποτελοῦντας καὶ τὸ προσταττόμενον ποιοῦντας·
저는 여러분 중 많은 이들이 제가 국가의 구원에 대해 대체 어떤 생각을 품고 이 단상에 올랐는지 의아해하고 계실 것이라 생각합니다. 마치 국가가 위험에 처해 있거나 국정이 위태로운 상태에 놓여 있기라도 한 것처럼 말입니다. 하지만 실제로는 우리 국가가 이백 척 이상의 삼열항선을 보유하고 있고, 영토에 평화를 누리고 있으며, 바다를 지배하고 있고, 게다가 필요하다면 언제든 우리를 도울 준비가 된 많은 동맹국들을 거느리고 있으며, 공헌금을 납부하고 지시를 따르는 훨씬 더 많은 동맹국들을 두고 있습니다.
ὧν ὑπαρχόντων ἡμᾶς μὲν ἄν τις φήσειεν ἐικὸς εἶναι θαρρεῖν ὡς πόρρω τῶν κινδύνων ὄντας, τοῖς δʼ ἐχθροῖς τοῖς ἡμετέροις προσήκειν δεδιέναι καὶ βουλεύεσθαι περὶ τῆς αὑτῶν σωτηρίας.
이러한 상황에서라면, 누구라도 우리가 위험에서 멀리 떨어져 있으니 확신을 가지는 것이 당연하고, 오히려 우리의 적들이 두려워하며 자신들의 생존을 도모하는 것이 마땅하다고 말할 것입니다.
§3ὑμεῖς μὲν οὖν οἶδʼ ὅτι τούτῳ χρώμενοι τῷ λογισμῷ καὶ τῆς ἐμῆς προσόδου καταφθονεῖτε, καὶ πᾶσαν ἐλπίζετε τὴν Ἑλλάδα ταύτῃ τῇ δυνάμει κατασχήσειν·
여러분께서는 바로 이러한 추론에 의거하여 저의 단상 등장을 대수롭지 않게 여기고, 이 힘으로 온 그리스를 지배할 수 있으리라 기대하고 계심을 저는 알고 있습니다.
ἐγὼ δὲ διʼ αὐτὰ ταῦτα τυγχάνω δεδιώς.
그러나 저는 바로 이 점 때문에 두려워하고 있습니다.
ὁρῶ γὰρ τῶν πόλεων τὰς ἄριστα πράττειν οἰομένας κάκιστα βουλευομένας καὶ τὰς μάλιστα θαρρούσας εἰς πλείστους κινδύνους καθισταμένας.
왜냐하면 자신들이 가장 잘나가고 있다고 생각하는 국가들이 가장 어리석은 결정을 내리고, 가장 자신만만한 국가들이 가장 큰 위험에 처하는 것을 보기 때문입니다.
αἴτιον δὲ τούτων ἐστίν,
그 원인은 다음과 같습니다.
§4ὅτι τῶν ἀγαθῶν καὶ τῶν κακῶν οὐδὲν αὐτὸ καθʼ αὑτὸ παραγίγνεται τοῖς ἀνθρώποις, ἀλλὰ συντέτακται καὶ συνακολουθεῖ τοῖς μὲν πλούτοις καὶ ταῖς δυναστείαις ἄνοια καὶ μετὰ ταύτης ἀκολασία, ταῖς δʼ ἐνδείαις καὶ ταῖς ταπεινότησι σωφροσύνη καὶ πολλὴ μετριότης,
즉, 좋은 일이나 나쁜 일 중 그 어떤 것도 그 자체로만 인간에게 찾아오는 것이 아니라, 부와 권력에는 어리석음과 그에 따르는 방종이 함께 줄지어 따르고, 궁핍과 비천함에는 신중함과 커다란 절제가 따르기 때문입니다.
§5ὥστε χαλεπὸν εἶναι διαγνῶναι ποτέραν ἄν τις δέξαιτο τῶν μερίδων τούτων τοῖς παισὶ τοῖς αὑτοῦ καταλιπεῖν.
그리하여 자신의 자녀들에게 이 두 부류의 몫 중 어느 쪽을 물려주는 것이 좋을지 분간하기 어렵습니다.
ἴδοιμεν γὰρ ἂν ἐκ μὲν τῆς φαυλοτέρας εἶναι δοκούσης ἐπὶ τὸ βέλτιον ὡς ἐπὶ τὸ πολὺ τὰς πράξεις ἐπιδιδούσας, ἐκ δὲ τῆς κρείττονος φαινομένης ἐπὶ τὸ χεῖρον εἰθισμένας μεταπίπτειν.
우리는 겉보기에 더 열등해 보이는 상태로부터는 사태가 대체로 더 좋은 방향으로 발전하는 것을 보는 반면, 더 우월해 보이는 상태로부터는 보통 더 나쁜 방향으로 떨어지는 것을 보기 때문입니다.
§6καὶ τούτων ἐνεγκεῖν ἔχω παραδείγματα πλεῖστα μὲν ἐκ τῶν ἰδιωτικῶν πραγμάτων, πυκνοτάτας γὰρ ταῦτα λαμβάνει τὰς μεταβολάς, οὐ μὴν ἀλλὰ μείζω γε καὶ φανερώτερα τοῖς ἀκούουσιν ἐκ τῶν ἡμῖν καὶ Λακεδαιμονίοις συμβάντων.
이에 대한 사례로 저는 개인의 사정에서 무수히 많은 예를 들 수 있으니, 개인사야말로 가장 빈번하게 변화를 겪기 때문입니다. 하지만 듣는 이들에게 더 크고 분명한 예는 우리와 라케다이몬인들에게 일어난 일들에서 찾을 수 있습니다.
ἡμεῖς τε γὰρ ἀναστάτου μὲν τῆς πόλεως ὑπὸ τῶν βαρβάρων γεγενημένης διὰ τὸ δεδιέναι καὶ προσέχειν τὸν νοῦν τοῖς πράγμασιν ἐπρωτεύσαμεν τῶν Ἑλλήνων, ἐπειδὴ δʼ ἀνυπέρβλητον ᾠήθημεν τὴν δύναμιν ἔχειν, παρὰ μικρὸν ἤλθομεν ἐξανδραποδισθῆναι·
우리 국가는 야만인들에 의해 황폐해졌을 때, 두려움을 품고 국정에 전념했기에 그리스인들 중에서 패권을 차지하게 되었습니다. 그러나 우리가 감히 능가할 수 없는 힘을 가졌다고 믿었을 때, 우리는 노예가 되기 직전까지 몰렸습니다.
§7Λακεδαιμόνιοί τε τὸ μὲν παλαιὸν ἐκ φαύλων καὶ ταπεινῶν πόλεων ὁρμηθέντες διὰ τὸ σωφρόνως ζῆν καὶ στρατιωτικῶς κατέσχον Πελοπόννησον, μετὰ δὲ ταῦτα μεῖζον φρονήσαντες τοῦ δέοντος, καὶ λαβόντες καὶ τὴν κατὰ γῆν καὶ τὴν κατὰ θάλατταν ἀρχήν, εἰς τοὺς αὐτοὺς κινδύνους κατέστησαν ἡμῖν.
라케다이몬인들 역시 옛날에는 보잘것없고 비천한 도시들에서 출발했으나, 절제 있고 군사적인 방식으로 살아감으로써 펠로폰네소스를 지배하게 되었습니다. 하지만 그 뒤 분수에 넘치게 오만해져서 육지와 바다 모두의 지배권을 장악하자, 우리와 똑같은 위험에 빠지게 되었습니다.
§8ὅστις οὖν εἰδὼς τοσαύτας μεταβολὰς γεγενημένας καὶ τηλικαύτας δυνάμεις οὕτω ταχέως ἀναιρεθείσας πιστεύει τοῖς παροῦσι, λίαν ἀνόητός ἐστιν, ἄλλως τε καὶ τῆς μὲν πόλεως ἡμῶν πολὺ καταδεέστερον νῦν πραττούσης ἢ κατʼ ἐκεῖνον τὸν χρόνον, τοῦ δὲ μίσους τοῦ τῶν Ἑλλήνων καὶ τῆς ἔχθρας τῆς πρὸς βασιλέα πάλιν ἀνακεκαινισμένης, ἃ τότε κατεπολέμησεν ἡμᾶς.
그러므로 이처럼 수많은 변천이 일어났고 이토록 막강한 권력들이 그처럼 신속하게 파멸했음을 알면서도 현재의 상황을 과신하는 자는 지극히 어리석은 자입니다. 특히 우리 국가의 처지가 당시의 그 시절보다 훨씬 더 나빠졌고, 그때 우리를 패배시켰던 그리스인들의 증오와 왕에 대한 적의가 다시금 새로이 타오르고 있는 지금은 더욱 그러합니다.
§9ἀπορῶ δὲ πότερον ὑπολάβω μηδὲν μέλειν ὑμῖν τῶν κοινῶν πραγμάτων ἢ φροντίζειν μὲν αὐτῶν, εἰς τοῦτο δʼ ἀναισθησίας ἥκειν ὥστε λανθάνειν ὑμᾶς εἰς ὅσην ταραχὴν ἡ πόλις καθέστηκεν.
저는 여러분이 국정에 아무런 관심이 없다고 생각해야 할지, 아니면 국정에 신경은 쓰고 있으나 국가가 얼마나 큰 혼란에 빠졌는지 깨닫지 못할 정도의 어리석음에 도달한 것인지 갈피를 잡지 못하겠습니다.
ἐοίκατε γὰρ οὕτω διακειμένοις ἀνθρώποις, οἵτινες ἁπάσας μὲν τὰς πόλεις τὰς ἐπὶ Θρᾴκης ἀπολωλεκότες, πλείω δʼ ἢ χίλια τάλαντα μάτην εἰς τοὺς ξένους ἀνηλωκότες, §10πρὸς δὲ τοὺς Ἕλληνας διαβεβλημένοι καὶ τῷ βαρβάρῳ πολέμιοι γεγονότες, ἔτι δὲ τοὺς μὲν Θηβαίων φίλους σώζειν ἠναγκασμένοι, τοὺς δʼ ἡμετέρους αὐτῶν συμμάχους ἀπολωλεκότες, ἐπὶ τοιαύταις πράξεσιν εὐαγγέλια μὲν δὶς ἤδη τεθύκαμεν, ῥᾳθυμότερον δὲ περὶ αὐτῶν ἐκκλησιάζομεν τῶν πάντα τὰ δέοντα πραττόντων.
여러분은 마치 다음과 같은 상태에 빠진 사람들과 닮아 있기 때문입니다. 즉, 트라키아에 있는 모든 도시를 잃고, 용병들에게 천 타란톤이 넘는 돈을 헛되이 탕진했으며, 또한 그리스인들에게 비난을 사고 야만인과는 원수가 되었으며, 나아가 테바이인들의 동맹들을 구출하도록 강요받는 한편 우리 자신의 동맹국들은 잃어버렸음에도, 이러한 행위들에 대해 이미 두 차례나 승전의 제사를 지냈고, 마땅히 해야 할 일을 모두 행하고 있는 자들보다도 오히려 더 나태한 태도로 민회에서 이 일들을 논의하고 있는 것입니다.