§39εἰ δὲ δεῖ συντόμως καὶ μηδὲν ὑποστειλάμενον μηδὲ δείσαντα τὸν φθόνον, ἀλλὰ παρρησίᾳ χρησάμενον εἰπεῖν, οὐδεὶς οὔτε θνητὸς οὔθʼ ἡμίθεος οὔτʼ ἀθάνατος εὑρεθήσεται κάλλιον οὐδὲ λαμπρότερον οὐδʼ εὐσεβέστερον λαβὼν ἐκείνου τὴν βασιλείαν.
만일 요약하여 아무것도 숨기지 않고 시기를 두려워하지도 않으며 솔직하게 말해야 한다면, 필멸자든 반신이든 불사의 신이든 그보다 더 아름답고 찬란하며 경건하게 왕위를 획득한 이는 아무도 발견되지 않을 것이다.
καὶ τούτοις ἐκείνως ἄν τις μάλιστα πιστεύσειεν, εἰ σφόδρα τοῖς λεγομένοις ἀπιστήσας ἐξετάζειν ἐπιχειρήσειεν, ὅπως ἕκαστος ἐτυράννευσεν.
그리고 사람들이 이 말에 가장 신뢰를 보내게 되는 것은, 만일 이야기된 바를 강하게 의심하여 저마다 어떻게 참주가 되었는지를 스스로 조사하려고 시도할 때일 것이다.
φανήσομαι γὰρ οὐκ ἐκ παντὸς τρόπου μεγάλα λέγειν προθυμούμενος, ἀλλὰ διὰ τὴν τοῦ πράγματος ἀλήθειαν οὕτω περὶ αὐτοῦ θρασέως εἰρηκώς. §40εἰ μὲν οὖν ἐπὶ μικροῖς διήνεγκε, τοιούτων ἂν καὶ τῶν λόγων αὐτῷ προσῆκεν ἀξιοῦσθαι·
왜냐하면 내가 어떻게든 과장해서 말하려고 애쓰는 것이 아니라, 사실의 진실함 때문에 그에 대해 이토록 대담하게 말한 것임이 밝혀질 것이기 때문이다. 그러므로 만일 그가 사소한 일들에서 뛰어났다면, 그에 대한 언사 역시 그에 걸맞게 대접받는 것이 마땅했을 것이다.
νῦν δʼ ἅπαντες ἂν ὁμολογήσειαν τυραννίδα καὶ τῶν θείων ἀγαθῶν καὶ τῶν ἀνθρωπίνων μέγιστον καὶ σεμνότατον καὶ περιμαχητότατον εἶναι.
그러나 실제로 참주의 지위는 신적인 좋음과 인간적인 좋음 모두에서 가장 위대하고 장엄하며 가장 쟁취하고 싶은 것임에 모두가 동의할 것이다.
τὸν δὴ τὸ κάλλιστον τῶν ὄντων κάλλιστα κτησάμενον τίς ἂν ἢ ποιητὴς ἢ λόγων εὑρετὴς ἀξίως τῶν πεπραγμένων ἐπαινέσειεν; §41οὐ τοίνυν ἐν τούτοις ὑπερβαλόμενος ἐν τοῖς ἄλλοις εὑρεθήσεται καταδεέστερος γενόμενος, ἀλλὰ πρῶτον μὲν εὐφυέστατος ὢν τὴν γνώμην καὶ πλεῖστα κατορθοῦν δυνάμενος ὅμως οὐκ ᾠήθη δεῖν ὀλιγωρεῖν οὐδʼ αὐτοσχεδιάζειν περὶ τῶν πραγμάτων, ἀλλʼ ἐν τῷ ζητεῖν καὶ φροντίζειν καὶ βουλεύεσθαι τὸν πλεῖστον τοῦ χρόνου διέτριβεν, ἡγούμενος μέν, εἰ καλῶς τὴν αὑτοῦ φρόνησιν παρασκευάσειεν, καλῶς αὑτῷ καὶ τὴν βασιλείαν ἕξειν, θαυμάζων δʼ ὅσοι τῶν μὲν ἄλλων ἕνεκα τῆς ψυχῆς ποιοῦνται τὴν ἐπιμέλειαν, αὐτῆς δὲ ταύτης μηδὲν τυγχάνουσι φροντίζοντες. §42ἔπειτα καὶ περὶ τῶν πραγμάτων τὴν αὐτὴν διάνοιαν εἶχεν·
그렇다면 존재하는 것들 중 가장 아름다운 것을 가장 아름답게 획득한 사람을, 어떤 시인이나 연설가인들 그의 업적에 걸맞게 찬양할 수 있겠는가? 더욱이 그는 이러한 일들에서 타의 추종을 불허했다고 해서, 다른 일들에서 열등한 것으로 드러나지는 않을 것이다. 오히려 먼저, 그는 지성에 있어서 극히 뛰어난 자질을 지녔고 가장 많은 일을 성공시킬 능력이 있었음에도 불구하고, 사안들을 소홀히 다루거나 즉흥적으로 대처해서는 안 된다고 생각하여 탐구하고 고민하고 의논하는 데 대부분의 시간을 보냈다. 그는 만일 자신의 지혜를 훌륭하게 단련한다면 자신에게 왕위 또한 훌륭하게 유지될 것이라고 생각했고, 다른 것들을 위해서는 영혼의 배려를 아끼지 않으면서도 정작 그 영혼 자체에 대해서는 아무런 신경도 쓰지 않는 자들을 기이하게 여겼다. 다음으로 국무에 대해서도 그는 동일한 생각을 가지고 있었다.
ὁρῶν γὰρ τοὺς ἄριστα τῶν ὄντων ἐπιμελουμένους ἐλάχιστα λυπουμένους, καὶ τὰς ἀληθινὰς τῶν ῥᾳθυμιῶν οὐκ ἐν ταῖς ἀργίαις ἀλλʼ ἐν ταῖς εὐπραγίαις καὶ καρτερίαις ἐνούσας, οὐδὲν ἀνεξέταστον παρέλειπεν, ἀλλʼ οὕτως ἀκριβῶς καὶ τὰς πράξεις ᾔδει καὶ τῶν πολιτῶν ἕκαστον ἐγίγνωσκεν ὥστε μήτε τοὺς ἐπιβουλεύοντας αὐτῷ φθάνειν μήτε τοὺς ἐπιεικεῖς ὄντας λανθάνειν, ἀλλὰ πάντας τυγχάνειν τῶν προσηκόντων·
즉, 존재하는 것들을 가장 훌륭하게 보살피는 이들이 가장 적은 고통을 겪으며, 진정한 안식은 나태함 속에 있는 것이 아니라 선한 행위와 인내 속에 깃들어 있다는 것을 알았기에, 그는 아무것도 검토하지 않은 채 남겨두지 않았다. 오히려 일의 진행을 매우 정확하게 파악하고 시민들 개개인을 잘 알고 있었으므로, 자신을 음해하려는 자들이 선수를 치지도 못했고 훌륭한 자들이 그의 눈을 피하지도 못했으며, 모두가 자신에게 합당한 대접을 받도록 했다.
οὐ γὰρ ἐξ ὧν ἑτέρων ἤκουεν οὔτʼ ἐκόλαζεν οὔτʼ ἐτίμα τοὺς πολίτας, ἀλλʼ ἐξ ὧν αὐτὸς συνῄδει τὰς κρίσεις ἐποιεῖτο περὶ αὐτῶν. §43ἐν τοιαύταις δʼ ἐπιμελείαις αὑτὸν καταστήσας οὐδὲ περὶ τῶν κατὰ τὴν ἡμέραν ἑκάστην προσπιπτόντων οὐδὲ περὶ ἓν πεπλανημένως εἶχεν, ἀλλʼ οὕτω θεοφιλῶς καὶ φιλανθρώπως διῴκει τὴν πόλιν ὥστε τοὺς εἰσαφικνουμένους μὴ μᾶλλον Εὐαγόραν τῆς ἀρχῆς ζηλοῦν ἢ τοὺς ἄλλους τῆς ὑπʼ ἐκείνου βασιλείας·
왜냐하면 그는 다른 사람들에게 들은 바에 따라 시민들을 처벌하거나 포상하지 않고, 스스로가 인지한 바에 기초하여 그들에 대한 판단을 내렸기 때문이다. 이처럼 스스로를 철저한 보살핌의 상태에 두었기에, 그는 매일같이 일어나는 일들에 대해서도 단 하나도 그르치지 않았다. 오히려 매우 신들의 사랑을 받고 인간을 사랑하는 방식으로 도시를 다스렸기에, 그곳을 찾아오는 이들은 에바고라스가 가진 지배권을 부러워하기보다 다른 이들이 그의 통치 아래 있는 왕국에 살고 있음을 더 부러워할 정도였다.
ἅπαντα γὰρ τὸν χρόνον διετέλεσεν οὐδένα μὲν ἀδικῶν, τοὺς δὲ χρηστοὺς τιμῶν, καὶ σφόδρα μὲν ἁπάντων ἄρχων, νομίμως δὲ τοὺς ἐξαμαρτόντας κολάζων· §44οὐδὲν μὲν συμβούλων δεόμενος, ὅμως δὲ τοῖς φίλοις συμβουλευόμενος· πολλὰ μὲν τῶν χρωμένων ἡττώμενος, ἅπαντα δὲ τῶν ἐχθρῶν περιγιγνόμενος· σεμνὸς ὢν οὐ ταῖς τοῦ προσώπου συναγωγαῖς ἀλλὰ ταῖς τοῦ βίου κατασκευαῖς· οὐδὲ πρὸς ἓν ἀτάκτως οὐδʼ ἀνωμάλως διακείμενος, ἀλλʼ ὁμοίως τὰς ἐν τοῖς ἔργοις ὁμολογίας ὥσπερ τὰς ἐν τοῖς λόγοις διαφυλάττων· §45μέγα φρονῶν οὐκ ἐπὶ τοῖς διὰ τύχην ἀλλʼ ἐπὶ τοῖς διʼ αὑτὸν γιγνομένοις· τοὺς μὲν φίλους ταῖς εὐεργεσίαις ὑφʼ αὑτῷ ποιούμενος, τοὺς δʼ ἄλλους τῇ μεγαλοψυχίᾳ καταδουλούμενος· φοβερὸς ὢν οὐ τῷ πολλοῖς χαλεπαίνειν, ἀλλὰ τῷ πολὺ τὴν τῶν ἄλλων φύσιν ὑπερβάλλειν· ἡγούμενος τῶν ἡδονῶν, ἀλλʼ οὐκ ἀγόμενος ὑπʼ αὐτῶν· ὀλίγοις πόνοις πολλὰς ῥᾳστώνας κτώμενος, ἀλλʼ οὐ διὰ μικρὰς ῥᾳθυμίας μεγάλους πόνους ὑπολειπόμενος· §46ὅλως οὐδὲν παραλείπων ὧν προσεῖναι δεῖ τοῖς βασιλεῦσιν, ἀλλʼ ἐξ ἑκάστης τῆς πολιτείας ἐξειλεγμένος τὸ βέλτιστον, καὶ δημοτικὸς μὲν ὢν τῇ τοῦ πλήθους θεραπείᾳ, πολιτικὸς δὲ τῇ τῆς πόλεως ὅλης διοικήσει, στρατηγικὸς δὲ τῇ πρὸς τοὺς κινδύνους εὐβουλίᾳ, τυραννικὸς δὲ τῷ πᾶσι τούτοις διαφέρειν.
왜냐하면 그는 평생 동안 아무에게도 불의를 행하지 않고 선량한 이들을 존중했으며, 모든 이를 강력하게 다스리면서도 죄를 지은 자들을 법에 따라 벌하기를 쉬지 않았기 때문이다. 고문들이 전혀 필요하지 않았음에도 친구들과 상의했고, 교제하는 자들에게는 많은 부분 양보하면서도 원수들에게는 모든 점에서 승리했으며, 얼굴을 찌푸려서가 아니라 삶의 자세를 통해 품위를 지겼고, 단 한 가지 일도 무질서하거나 일관되지 않게 처리하지 않았으며, 말로 한 합의와 마찬가지로 행동에서의 일관성 또한 한결같이 지켜냈다. 행운 덕분에 생기는 일이 아니라 자기 자신 덕분에 생기는 일들에 긍지를 가졌고, 은혜를 베풂으로써 친구들을 자기 편으로 만들고 너그러운 도량으로 다른 사람들을 굴복시켰으며, 많은 이들에게 화를 냄으로써가 아니라 다른 이들의 천성을 훨씬 뛰어넘음으로써 경외감을 주었고, 즐거움을 지배하되 그것에 이끌려 다니지 않았으며, 적은 노력으로 많은 안락을 얻었을지언정 사소한 나태함 때문에 큰 고통을 뒤로 남겨두지 않았다. 요컨대 왕에게 마땅히 있어야 할 자질을 하나도 빠뜨리지 않고 모든 정체로부터 최선의 것을 뽑아내었으니, 대중을 보살핌에는 민주적이었고, 도시 전체를 관리함에는 국정가다웠으며, 위험에 맞선 사려 깊음에는 장수다웠고, 이 모든 면에서 탁월하다는 점에서 참주다웠다.
καὶ ταῦθʼ ὅτι προσῆν Εὐαγόρᾳ, καὶ πλείω τούτων, ἐξ αὐτῶν τῶν ἔργων ῥᾴδιον καταμαθεῖν.
그리고 이러한 자질들, 나아가 그 이상의 것들이 에바고라스에게 깃들어 있었다는 것은 그가 행한 일들 자체로부터 쉽게 알 수 있다.