§1ὁρῶν, ὦ Νικόκλεις, τιμῶντά σε τὸν τάφον τοῦ πατρὸς οὐ μόνον τῷ πλήθει καὶ τῷ κάλλει τῶν ἐπιφερομένων, ἀλλὰ καὶ χοροῖς καὶ μουσικῇ καὶ γυμνικοῖς ἀγῶσιν, ἔτι δὲ πρὸς τούτοις ἵππων τε καὶ τριήρων ἁμίλλαις, καὶ λείποντʼ οὐδεμίαν τῶν τοιούτων ὑπερβολήν, §2ἡγησάμην Εὐαγόραν, εἴ τίς ἐστιν αἴσθησις τοῖς τετελευτηκόσι περὶ τῶν ἐνθάδε γιγνομένων, εὐμενῶς μὲν ἀποδέχεσθαι καὶ ταῦτα, καὶ χαίρειν ὁρῶντα τήν τε περὶ αὑτὸν ἐπιμέλειαν καὶ τὴν σὴν μεγαλοπρέπειαν, πολὺ δʼ ἂν ἔτι πλείω χάριν ἔχειν ἢ τοῖς ἄλλοις ἅπασιν, εἴ τις δυνηθείη περὶ τῶν ἐπιτηδευμάτων αὐτοῦ καὶ τῶν κινδύνων ἀξίως διελθεῖν τῶν ἐκείνῳ πεπραγμένων·
니코클레스여, 그대가 부친의 무덤을 바치는 물건의 수와 아름다움뿐만 아니라, 합창과 음악과 체육 경기, 더 나아가 이에 더해 말과 삼단노선의 경주로써 기리고 있으며, 이러한 일에서 그 어떤 극치도 남김없이 다하고 있는 것을 보고, 나는 에바고라스가 — 만약 죽은 자들에게 이곳에서 일어나는 일들에 대한 지각이 있다면 — 이것들 또한 호의적으로 받아들이고, 자신에 대한 정성과 그대의 기품 있는 넉넉함을 보며 기뻐하겠지만, 만약 누군가가 그의 업적과 그가 겪은 위험에 대해 그가 완수한 일들에 걸맞게 서술할 수 있다면, 다른 모든 일에 대해서보다 훨씬 더 큰 감사를 느낄 것이라고 생각했다.
§3εὑρήσομεν γὰρ τοὺς φιλοτίμους καὶ μεγαλοψύχους τῶν ἀνδρῶν οὐ μόνον ἀντὶ τῶν τοιούτων ἐπαινεῖσθαι βουλομένους, ἀλλʼ ἀντὶ τοῦ ζῆν ἀποθνῄσκειν εὐκλεῶς αἱρουμένους, καὶ μᾶλλον περὶ τῆς δόξης ἢ τοῦ βίου σπουδάζοντας, καὶ πάντα ποιοῦντας, ὅπως ἀθάνατον τὴν περὶ αὑτῶν μνήμην καταλείψουσιν.
명예를 중시하고 기개가 높은 사람들은 그러한 일들로 인해 찬양받기를 바릴 뿐만 아니라, 사는 것 대신 영광스럽게 죽는 것을 선택하고, 목숨보다 명성을 소중히 여기며, 자신들에 대한 기억을 불멸의 것으로 남기기 위해 온갖 노력을 다한다는 것을 우리가 알게 될 것이기 때문이다.
§4αἱ μὲν οὖν δαπάναι τῶν μὲν τοιούτων οὐδὲν ἐξεργάζονται, τοῦ δὲ πλούτου σημεῖόν εἰσιν· οἱ δὲ περὶ τὴν μουσικὴν καὶ τὰς ἄλλας ἀγωνίας ὄντες, οἱ μὲν τὰς δυνάμεις τὰς αὑτῶν, οἱ δὲ τὰς τέχνας ἐπιδειξάμενοι, σφᾶς αὐτοὺς ἐντιμοτέρους κατέστησαν· ὁ δὲ λόγος εἰ καλῶς διέλθοι τὰς ἐκείνου πράξεις, ἀείμνηστον ἂν τὴν ἀρετὴν τὴν Εὐαγόρου παρὰ πᾶσιν ἀνθρώποις ποιήσειεν.
따라서 그러한 비용은 아무것도 성취하지 못하고 단지 부의 표시일 뿐이며, 음악과 다른 경기에 참여하는 사람들은 어떤 이는 자신의 힘을, 어떤 이는 자신의 기술을 보여줌으로써 자신들을 더 명예롭게 만들었지만, 만약 말이 그의 행적들을 훌륭하게 서술한다면, 에바고라스의 미덕을 모든 사람들 사이에서 영원히 기억되게 만들 것이다.
§5ἐχρῆν μὲν οὖν καὶ τοὺς ἄλλους ἐπαινεῖν τοὺς ἐφʼ αὑτῶν ἄνδρας ἀγαθοὺς γεγενημένους, ἵνʼ οἵ τε δυνάμενοι τὰ τῶν ἄλλων ἔργα κοσμεῖν ἐν εἰδόσι ποιούμενοι τοὺς λόγους ταῖς ἀληθείαις ἐχρῶντο περὶ αὐτῶν, οἵ τε νεώτεροι φιλοτιμοτέρως διέκειντο πρὸς τὴν ἀρετήν, εἰδότες ὅτι τούτων εὐλογήσονται μᾶλλον ὧν ἂν ἀμείνους σφᾶς αὐτοὺς παράσχωσιν.
그러므로 마땅히 다른 사람들도 자기 시대에 훌륭한 사람이 된 자들을 찬양했어야 했다. 이는 다른 이들의 업적을 빛낼 수 있는 능력이 있는 자들이 그것을 아는 사람들 앞에서 연설을 행함으로써 그들에 대해 진실을 말하게 하고, 젊은이들은 자신을 더 훌륭하게 증명해 보인 자들이 더 많이 찬양받을 것임을 알고 미덕을 향해 더 열정적인 포부를 품게 하려는 것이었다.
νῦν δὲ τίς οὐκ ἂν ἀθυμήσειεν, §6ὅταν ὁρᾷ τοὺς μὲν περὶ τὰ Τρωϊκὰ καὶ τοὺς ἐπέκεινα γενομένους ὑμνουμένους καὶ τραγῳδουμένους, αὑτὸν δὲ προειδῇ, μηδʼ ἂν ὑπερβάλλῃ τὰς ἐκείνων ἀρετάς, μηδέποτε τοιούτων ἐπαίνων ἀξιωθησόμενον;
그러나 지금은 그 누가 낙담하지 않겠는가, 트로이 전쟁 시대나 그 이전에 살았던 사람들이 찬가와 비극 속에서 노래되는 것을 보는 반면, 자신은 설령 그들의 미덕을 뛰어넘는다 할지라도 결코 그러한 찬양을 받을 자격이 없다고 예견할 때에 말이다.
τούτων δʼ αἴτιος ὁ φθόνος, ᾧ τοῦτο μόνον ἀγαθὸν πρόσεστιν, ὅτι μέγιστον κακὸν τοῖς ἔχουσίν ἐστιν.
그리고 이것의 원인은 시기심인데, 시기심에는 그것을 품은 자에게 가장 큰 악이라는 유일한 이점이 있다.
οὕτω γάρ τινες δυσκόλως πεφύκασιν, ὥσθʼ ἥδιον ἂν εὐλογουμένων ἀκούοιεν οὓς οὐκ ἴσασιν εἰ γεγόνασιν, ἢ τούτων, ὑφʼ ὧν εὖ πεπονθότες αὐτοὶ τυγχάνουσιν.
어떤 사람들은 너무나 비뚤어진 성정을 지니고 있어서, 자신들이 실제로 은혜를 입고 있는 사람들보다, 존재했는지조차 알지 못하는 사람들의 찬양을 듣는 것을 더 기쁘게 여길 정도이기 때문이다.
§7οὐ μὴν δουλευτέον τοὺς νοῦν ἔχοντας τοῖς οὕτω κακῶς φρονοῦσιν, ἀλλὰ τῶν μὲν τοιούτων ἀμελητέον, τοὺς δʼ ἄλλους ἐθιστέον ἀκούειν περὶ ὧν καὶ λέγειν δίκαιόν ἐστιν, ἄλλως τʼ ἐπειδὴ καὶ τὰς ἐπιδόσεις ἴσμεν γιγνομένας καὶ τῶν τεχνῶν καὶ τῶν ἄλλων ἁπάντων οὐ διὰ τοὺς ἐμμένοντας τοῖς καθεστῶσιν, ἀλλὰ διὰ τοὺς ἐπανορθοῦντας καὶ τολμῶντας ἀεί τι κινεῖν τῶν μὴ καλῶς ἐχόντων.
하지만 분별 있는 사람들이 이처럼 나쁜 생각을 가진 자들에게 굴종해서는 안 되며, 오히려 그러한 자들은 무시하고, 다른 사람들에게는 말하는 것이 마땅한 일들에 대해 듣는 습관을 들이게 해야 한다. 특히 기술뿐만 아니라 다른 모든 것들의 발전이 기존의 제도에 안주하는 사람들이 아니라, 잘못된 것을 바로잡고 항상 무언가를 고치려고 과감히 시도하는 사람들을 통해 이루어진다는 것을 우리가 알고 있기 때문이다.
§8οἶδα μὲν οὖν ὅτι χαλεπόν ἐστιν ὃ μέλλω ποιεῖν, ἀνδρὸς ἀρετὴν διὰ λόγων ἐγκωμιάζειν.
그래서 내가 하려는 일, 즉 한 사람의 미덕을 말로써 찬양하는 것이 어려운 일이라는 것을 나는 잘 알고 있다.
σημεῖον δὲ μέγιστον·
그 가장 큰 증거가 있다.
περὶ μὲν γὰρ ἄλλων πολλῶν καὶ παντοδαπῶν λέγειν τολμῶσιν οἱ περὶ τὴν φιλοσοφίαν ὄντες, περὶ δὲ τῶν τοιούτων οὐδεὶς πώποτʼ αὐτῶν συγγράφειν ἐπεχείρησεν.
철학에 관여하는 자들은 다른 많고 다양한 주제들에 대해 감히 이야기하지만, 이런 주제에 대해 글을 쓰려고 시도한 자는 그들 중 지금까지 아무도 없었다.
καὶ πολλὴν αὐτοῖς ἔχω συγγνώμην.
그리고 나는 그들을 충분히 이해한다.
τοῖς μὲν γὰρ ποιηταῖς πολλοὶ δέδονται κόσμοι·
왜냐하면 시인들에게는 많은 장식이 주어졌기 때문이다.
§9καὶ γὰρ πλησιάζοντας τοὺς θεοὺς τοῖς ἀνθρώποις οἷόν τʼ αὐτοῖς ποιῆσαι καὶ διαλεγομένους καὶ συναγωνιζομένους οἷς ἂν βουληθῶσι, καὶ περὶ τούτων δηλῶσαι μὴ μόνον τοῖς τεταγμένοις ὀνόμασιν, ἀλλὰ τὰ μὲν ξένοις, τὰ δὲ καινοῖς, τὰ δὲ μεταφοραῖς, καὶ μηδὲν παραλιπεῖν, ἀλλὰ πᾶσι τοῖς εἴδεσι διαποικῖλαι τὴν ποίησιν·
참으로 그들은 신들을 인간에게 가까이 가게 하여, 자신들이 원하는 자들과 대화하고 함께 싸우는 것으로 만들 수 있으며, 이것들에 대해 표현할 때에도 일상의 단어들뿐만 아니라 어떤 것은 외래어로, 어떤 것은 신조어로, 어떤 것은 은유로 표현할 수 있고, 아무것도 빠뜨리지 않은 채 온갖 형식으로 시를 다채롭게 장식할 수 있기 때문이다.
§10τοῖς δὲ περὶ τοὺς λόγους οὐδὲν ἔξεστι τῶν τοιούτων, ἀλλʼ ἀποτόμως καὶ τῶν ὀνομάτων τοῖς πολιτικοῖς μόνον καὶ τῶν ἐνθυμημάτων τοῖς περὶ αὐτὰς τὰς πράξεις ἀναγκαῖόν ἐστι χρῆσθαι.
하지만 산문에 종사하는 자들에게는 그러한 일들이 전혀 허용되지 않으며, 엄격하게 단어는 일상적인 단어만을, 논증은 행위 자체에 관한 것만을 사용해야만 한다.
πρὸς δὲ τούτοις οἱ μὲν μετὰ μέτρων καὶ ῥυθμῶν ἅπαντα ποιοῦσιν, οἱ δʼ οὐδενὸς τούτων κοινωνοῦσιν·
게다가 시인들은 운율과 리듬을 수반하여 모든 것을 행하는 반면, 이들은 이것들 중 아무것도 공유하지 못한다.
ἃ τοσαύτην ἔχει χάριν, ὥστʼ ἂν καὶ τῇ λέξει καὶ τοῖς ἐνθυμήμασιν ἔχῃ κακῶς, ὅμως αὐταῖς ταῖς εὐρυθμίαις καὶ ταῖς συμμετρίαις ψυχαγωγοῦσι τοὺς ἀκούοντας.
이것들은 아주 큰 매력을 지니고 있어서, 비록 자구와 논증이 서툴지라도, 바로 그 리듬감과 조화로써 청중의 마음을 사로잡는다.