§9πρῶτον μὲν οὖν σκεπτέον τί τῶν βασιλευόντων ἔργον ἐστίν·
그러므로 먼저 왕 노릇 하는 자들의 임무가 무엇인지 고찰해야 합니다.
ἂν γὰρ ἐν κεφαλαίοις τὴν δύναμιν ὅλου τοῦ πράγματος καλῶς περιλάβωμεν, ἐνταῦθʼ ἀποβλέποντες ἄμεινον καὶ περὶ τῶν μερῶν ἐροῦμεν.
왜냐하면 우리가 일 전체의 요지를 대강이라도 올바르게 파악한다면, 그것을 바라봄으로써 개별적인 부분들에 대해서도 더 잘 말할 수 있게 될 것이기 때문입니다.
οἶμαι δὴ πάντας ἂν ὁμολογῆσαι προσήκειν αὐτοῖς πόλιν δυστυχοῦσαν παῦσαι καὶ καλῶς πράττουσαν διαφυλάξαι καὶ μεγάλην ἐκ μικρᾶς ποιῆσαι·
참으로 나는 불행에 처한 국가의 불행을 종식시키고, 잘 다스려지는 국가를 보전하며, 작은 국가를 큰 국가로 만드는 것이 그들에게 걸맞은 일이라는 점에 모두가 동의할 것이라고 생각합니다.
τὰ γὰρ ἄλλα τὰ συμπίπτοντα κατὰ τὴν ἡμέραν ἑκάστην τούτων ἕνεκα πρακτέον ἐστί. §10καὶ μὴν ἐκεῖνό γε φανερόν, ὅτι δεῖ τοὺς ταῦτα δυνησομένους καὶ περὶ τηλικούτων βουλευομένους μὴ ῥᾳθυμεῖν μηδʼ ἀμελεῖν, ἀλλὰ σκοπεῖν ὅπως φρονιμώτερον διακείσονται τῶν ἄλλων·
매일 일어나는 다른 모든 일들은 이 목적들을 위해 행해져야 하기 때문입니다.그리고 더욱이 다음 사항은 분명합니다. 즉, 이러한 일을 할 능력이 있고 이처럼 중대한 일에 대해 심의하는 자들은 나태하거나 소홀히 해서는 안 되며, 오히려 다른 이들보다 더 지혜로운 상태가 되도록 힘써야 합니다.
δέδεικται γὰρ ὅτι τοιαύτας τὰς βασιλείας ἕξουσιν, οἵας ἂν τὰς ἑαυτῶν γνώμας παρασκευάσωσιν. §11ὥστε οὐδενὶ τῶν ἀσκητῶν οὕτω προσήκει τὸ σῶμα γυμνάζειν, ὡς τοῖς βασιλεῦσι τὴν ψυχὴν τὴν ἑαυτῶν·
왜냐하면 그들이 스스로의 정신을 어떤 상태로 준비시키느냐에 따라 그 왕국 역시 그러한 상태가 될 것이라는 점이 증명되었기 때문입니다.그러므로 어떤 운동선수라도 자신의 몸을 단련하는 것이, 왕들이 자신의 영혼을 단련하는 것만큼 걸맞지는 않습니다.
ἅπασαι γὰρ αἱ πανηγύρεις οὐδὲν μέρος τιθέασιν τούτων τῶν ἄθλων, περὶ ὧν ὑμεῖς καθʼ ἑκάστην τὴν ἡμέραν ἀγωνίζεσθε.
왜냐하면 모든 축제 경기들은 그대들이 매일같이 치르고 있는 그 투쟁들에 비하면 아무런 몫도 포상으로 제시하지 못하기 때문입니다.
ὧν ἐνθυμούμενον χρὴ προσέχειν τὸν νοῦν, ὅπως ὅσον περ ταῖς τιμαῖς τῶν ἄλλων προέχεις, τοσοῦτον καὶ ταῖς ἀρεταῖς αὐτῶν διοίσεις. §12καὶ μὴ νόμιζε τὴν ἐπιμέλειαν ἐν μὲν τοῖς ἄλλοις πράγμασι χρησίμην εἶναι, πρὸς δὲ τὸ βελτίους ἡμᾶς καὶ φρονιμωτέρους γίγνεσθαι μηδεμίαν δύναμιν ἔχειν·
이것들을 마음에 새기며, 그대가 명예에 있어서 다른 이들보다 앞서 있는 만큼, 덕에 있어서도 그들보다 빼어나도록 정신을 집중해야 합니다.그리고 정성이 다른 일들에서는 유용하지만, 우리가 더 훌륭해지고 지혜로워지는 데에는 아무런 힘도 없다고 생각하지 마십시오.
μηδὲ καταγνῷς τῶν ἀνθρώπων τοσαύτην δυστυχίαν, ὡς περὶ μὲν τὰ θηρία τέχνας εὑρήκαμεν αἷς αὐτῶν τὰς ψυχὰς ἡμεροῦμεν καὶ πλείονος ἀξίας ποιοῦμεν, ἡμᾶς δʼ αὐτοὺς οὐδὲν ἂν πρὸς ἀρετὴν ὠφελήσαιμεν.
또한 인류에게 그토록 큰 불행을 선고하지 마십시오. 마치 우리가 짐승들에 대해서는 그 영혼을 길들이고 가치를 높이는 기술들을 찾아내었으면서도, 우리 자신에 대해서는 덕을 향해 아무런 도움도 줄 수 없다는 듯이 말입니다.
ἀλλʼ ὡς καὶ τῆς παιδεύσεως καὶ τῆς ἐπιμελείας μάλιστα δυναμένης τὴν ἡμετέραν φύσιν εὐεργετεῖν, οὕτω διάκεισο τὴν γνώμην, §13καὶ τῶν τε παρόντων τοῖς φρονιμωτάτοις πλησίαζε καὶ τῶν ἄλλων οὓς ἂν δύνῃ μεταπέμπου, καὶ μήτε τῶν ποιητῶν τῶν εὐδοκιμούντων μήτε τῶν σοφιστῶν μηδενὸς οἴου δεῖν ἀπείρως ἔχειν, ἀλλὰ τῶν μὲν ἀκροατὴς γίγνου τῶν δὲ μαθητής, καὶ παρασκεύαζε σεαυτὸν τῶν μὲν ἐλαττόνων κριτὴν τῶν δὲ μειζόνων ἀγωνιστήν·
오히려 교육과 정성이야말로 우리의 본성을 가장 잘 이롭게 할 수 있다는 확신을 가지고, 그러한 마음가짐을 지니십시오.그리고 곁에 있는 자들 중 가장 지혜로운 자들과 가까이 지내고, 다른 이들중에서도 그대가 부를 수 있는 자는 누구든 불러오십시오. 명성이 높은 시인들이나 소피스트들 중 그 누구에 대해서도 무지한 채로 있어도 된다고 생각하지 말고, 전자에게는 청중이 되고 후자에게는 제자가 되십시오. 그리고 작은 일들에 있어서는 판정관이 되고, 더 큰 일들에 있어서는 경쟁자가 되도록 스스로를 준비시키십시오.
διὰ γὰρ τούτων τῶν γυμνασίων τάχιστʼ ἂν γένοιο τοιοῦτος, οἷον ὑπεθέμεθα δεῖν εἶναι τὸν ὀρθῶς βασιλεύσοντα καὶ τὴν πόλιν ὡς χρὴ διοικήσοντα.
왜냐하면 이러한 훈련들을 통해, 올바르게 지배하고 국가를 마땅히 다스려야 할 자로서 우리가 가정한 그러한 인물이 그대가 가장 신속하게 될 수 있기 때문입니다.
μάλιστα δʼ ἂν αὐτὸς ὑπὸ σαυτοῦ παρακληθείης, §14εἰ δεινὸν ἡγήσαιο τοὺς χείρους τῶν βελτιόνων ἄρχειν καὶ τοὺς ἀνοητοτέρους τοῖς φρονιμωτέροις προστάττειν·
그리고 무엇보다도 그대 자신에 의해 그대는 고무될 것입니다,만약 더 열등한 자들이 더 우수한 자들을 지배하고, 더 어리석은 자들이 더 지혜로운 자들에게 명령하는 것을 수치스러운 일로 여긴다면 말입니다.
ὅσῳ γὰρ ἂν ἐρρωμενεστέρως τὴν τῶν ἄλλων ἄνοιαν ἀτιμάσῃς, τοσούτῳ μᾶλλον τὴν αὑτοῦ διάνοιαν ἀσκήσεις. §15ἄρχεσθαι μὲν οὖν ἐντεῦθεν χρὴ τοὺς μέλλοντάς τι τῶν δεόντων ποιήσειν, πρὸς δὲ τούτοις φιλάνθρωπον εἶναι δεῖ καὶ φιλόπολιν·
왜냐하면 다른 이들의 어리석음을 그대가 더 강력하게 비판할수록, 그만큼 더 자신의 지성을 단련하게 될 것이기 때문입니다.그러므로 마땅히 해야 할 일을 하려는 자들은 여기서부터 시작해야 합니다. 그러나 이에 더하여 인류를 사랑하는 자가 되고 국가를 사랑하는 자가 되어야 합니다.
οὔτε γὰρ ἵππων οὔτε κυνῶν οὔτʼ ἄλλου πράγματος οὐδενὸς οἷόν τε καλῶς ἄρχειν, ἂν μή τις χαίρῃ τούτοις ὧν αὐτὸν δεῖ ποιεῖσθαι τὴν ἐπιμέλειαν.
왜냐하면 말이든 개든, 혹은 다른 어떤 것이든 간에, 자기가 정성을 쏟아야 할 대상을 기뻐하지 않는다면 그것들을 잘 다스리는 것은 불가능하기 때문입니다.
μελέτω σοι τοῦ πλήθους, καὶ περὶ παντὸς ποιοῦ κεχαρισμένως αὐτοῖς ἄρχειν, §16γιγνώσκων ὅτι καὶ τῶν ὀλιγαρχιῶν καὶ τῶν ἄλλων πολιτειῶν αὗται πλεῖτον χρόνον διαμένουσιν, αἵ τινες ἂν ἄριστα τὸ πλῆθος θεραπεύωσιν.
대중을 그대의 보살핌의 대상으로 삼고, 무엇보다도 그들에게 기쁨을 주는 방식으로 통치할 것을 마음에 두십시오.과두정이나 다른 모든 체제들 중에서도 대중을 가장 잘 돌보는 체제들이 가장 오랜 시간 동안 존속한다는 점을 명심하면서 말입니다.
καλῶς δὲ δημαγωγήσεις, ἔαν μήθʼ ὑβρίζειν τὸν ὄχλον ἐᾷς μήθʼ ὑβριζόμενον περιορᾷς, ἀλλὰ σκοπῇς ὅπως οἱ βέλτιστοι μὲν τὰς τιμὰς ἕξουσιν, οἱ δʼ ἄλλοι μηδὲν ἀδικήσονται·
그리고 군중이 횡포를 부리도록 허용하지도 않고, 그들이 횡포를 당하는 것을 묵인하지도 않는다면, 그대는 훌륭하게 민중을 이끌 수 있을 것입니다. 오히려 가장 우수한 자들은 명예를 얻고, 나머지 자들은 아무런 부당한 대우도 받지 않도록 유념하십시오.
ταῦτα γὰρ στοιχεῖα πρῶτα καὶ μέγιστα χρηστῆς πολιτείας ἐστίν. §17τῶν προσταγμάτων καὶ τῶν ἐπιτηδευμάτων κίνει καὶ μετατίθει τὰ μὴ καλῶς καθεστῶτα, καὶ μάλιστα μὲν εὑρετὴς γίγνου τῶν βελτίστων, εἰ δὲ μή, μιμοῦ τὰ παρὰ τοῖς ἄλλοις ὀρθῶς ἔχοντα.
이것들이야말로 훌륭한 체제의 첫째가고 가장 큰 근본 요소들이기 때문입니다.명령들과 관행들 중 올바르게 정착되지 않은 것들을 고치고 바꾸십시오. 그리고 가능하다면 스스로 가장 좋은 것들을 창안해내는 자가 되고, 그렇지 못하다면 다른 이들에게서 올바르게 돌아가는 것들을 모방하십시오.
ζήτει νόμους τὸ μὲν σύμπαν δικαίους καὶ συμφέροντας καὶ σφίσιν αὐτοῖς ὁμολογουμένους, πρὸς δὲ τούτοις οἵ τινες τὰς μὲν ἀμφισβητήσεις ὡς ἐλαχίστας τὰς δὲ διαλύσεις ὡς οἷόν τε ταχίστας τοῖς πολίταις ποιοῦσι·
전반적으로 정의롭고 유익하며 상호 모순이 없는 법률들을 구하십시오. 나아가 시민들에게 분쟁은 최대한 줄이고, 화해는 가능한 한 신속하게 이루어지도록 만들어 주는 법률들을 구하십시오.
ταῦτα γὰρ ἅπαντα προσεῖναι δεῖ τοῖς καλῶς κειμένοις νόμοις.
왜냐하면 이 모든 성질들이 올바르게 제정된 법률들에 갖추어져 있어야 하기 때문입니다.