§1οἱ μὲν εἰωθότες, ὦ Νικόκλεις, τοῖς βασιλεῦσιν ὑμῖν ἐσθῆτας ἄγειν ἢ χαλκὸν ἢ χρυσὸν εἰργασμένον ἢ τῶν ἄλλων τι τῶν τοιούτων κτημάτων, ὧν αὐτοὶ μὲν ἐνδεεῖς εἰσιν ὑμεῖς δὲ πλουτεῖτε, λίαν ἔδοξαν εἶναί μοι καταφανεῖς οὐ δόσιν ἀλλʼ ἐμπορίαν ποιούμενοι, καὶ πολὺ τεχνικώτερον αὐτὰ πωλοῦντες τῶν ὁμολογούντων καπηλεύειν·
니코클레스여, 그대들 왕들에게 의복이나 가공된 청동이나 황금, 혹은 자신들에게는 부족하지만 그대들에게는 풍부한 그러한 다른 재산들을 가져다주는 데 익숙한 자들은, 내게 선물이 아니라 거래를 하고 있으며, 스스로 소매상이라고 공언하는 자들보다 훨씬 더 교묘하게 그것들을 팔고 있는 것으로 너무나 분명하게 보였습니다.
§2ἡγησάμην δʼ ἂν γενέσθαι ταύτην καλλίστην δωρεὰν καὶ χρησιμωτάτην καὶ μάλιστα πρέπουσαν ἐμοί τε δοῦναι καὶ σοὶ λαβεῖν, εἰ δυνηθείην ὁρίσαι ποίων ἐπιτηδευμάτων ὀρεγόμενος καὶ τίνων ἀπεχόμενος ἄριστʼ ἂν καὶ τὴν πόλιν καὶ τὴν βασιλείαν διοικοίης.
그러나 내가 어떤 활동을 추구하고 어떤 활동을 삼감으로써 그대가 국가와 왕국을 가장 잘 다스릴 수 있을지 규정할 수 있다면, 이것이야말로 내가 주기에, 그리고 그대가 받기에 가장 아름답고 가장 유용하며 가장 어울리는 선물이 될 것이라고 생각했습니다.
τοὺς μὲν γὰρ ἰδιώτας ἐστὶ πολλὰ τὰ παιδεύοντα, μάλιστα μὲν τὸ μὴ τρυφᾶν ἀλλʼ ἀναγκάζεσθαι περὶ τοῦ βίου καθʼ ἑκάστην τὴν ἡμέραν βουλεύεσθαι,
평범한 시민들의 경우에는 그들을 교육하는 것이 많은데, 무엇보다도 사치스럽게 살지 않고 매일 생계를 위해 궁리하도록 강제된다는 사실이 그렇습니다.
§3ἔπειθʼ οἱ νόμοι καθʼ οὓς ἕκαστοι πολιτευόμενοι τυγχάνουσιν, ἔτι δʼ ἡ παρρησία καὶ τὸ φανερῶς ἐξεῖναι τοῖς τε φίλοις ἐπιπλῆξαι καὶ τοῖς ἐχθροῖς ἐπιθέσθαι ταῖς ἀλλήλων ἁμαρτίαις·
다음으로는 그들 각자가 시민으로서 살아가는 법률이 있고, 나아가 언론의 자유와 친구를 공개적으로 꾸짖거나 서로의 잘못에 대해 적을 공격할 수 있는 기회가 열려 있다는 점이 있습니다.
πρὸς δὲ τούτοις καὶ τῶν ποιητῶν τινες τῶν προγεγενημένων ὑποθήκας ὡς χρὴ ζῆν καταλελοίπασιν·
이에 더하여, 과거의 시인들 중 일부는 어떻게 살아야 하는지에 대한 훈계를 남겼습니다.
ὥστʼ ἐξ ἁπάντων τούτων εἰκὸς αὐτοὺς βελτίους γίγνεσθαι.
따라서 이 모든 것들로부터 그들이 더 나아지는 것은 당연한 일입니다.
§4τοῖς δὲ τυράννοις οὐδὲν ὑπάρχει τοιοῦτον, ἀλλʼ οὓς ἔδει παιδεύεσθαι μᾶλλον τῶν ἄλλων, ἐπειδὰν εἰς τὴν ἀρχὴν καταστῶσιν, ἀνουθέτητοι διατελοῦσιν·
그러나 참주들에게는 그러한 것이 전혀 존재하지 않으며, 다른 이들보다 더 교육받아야 할 그들이 권력을 쥐게 되면 훈계를 받지 않은 채 지내게 됩니다.
οἱ μὲν γὰρ πλεῖστοι τῶν ἀνθρώπων αὐτοῖς οὐ πλησιάζουσιν, οἱ δὲ συνόντες πρὸς χάριν ὁμιλοῦσι.
왜냐하면 대부분의 사람들은 그들에게 다가가지 않고, 함께 지내는 자들도 비위를 맞추기 위해 교제하기 때문입니다.
καὶ γὰρ τοι κύριοι γιγνόμενοι καὶ χρημάτων πλείστων καὶ πραγμάτων μεγίστων, διὰ τὸ μὴ καλῶς χρῆσθαι ταύταις ταῖς ἀφορμαῖς πεποιήκασιν ὥστε πολλοὺς ἀμφισβητεῖν, πότερόν ἐστιν ἄξιον ἑλέσθαι τὸν βίον τὸν τῶν ἰδιωτευόντων μὲν ἐπιεικῶς δὲ πραττόντων, ἢ τὸν τῶν τυραννευόντων.
참으로 그들은 가장 큰 부와 가장 중요한 일들을 손에 쥐게 되었음에도, 이러한 자원들을 잘 활용하지 못함으로써 많은 사람들로 하여금 평범하게 살아가는 일반 시민의 삶과 참주로 군림하는 자의 삶 중 어느 쪽을 선택할 가치가 있는지 논쟁하게 만들었습니다.
§5ὅταν μὲν γὰρ ἀποβλέψωσιν εἰς τὰς τιμὰς καὶ τοὺς πλούτους καὶ τὰς δυναστείας, ἰσοθέους ἅπαντες νομίζουσι τοὺς ἐν ταῖς μοναρχίαις ὄντας· ἐπειδὰν δʼ ἐνθυμηθῶσι τοὺς φόβους καὶ τοὺς κινδύνους, καὶ διεξιόντες ὁρῶσι τοὺς μὲν ὑφʼ ὧν ἥκιστα χρῆν διεφθαρμένους, τοὺς δʼ εἰς τοὺς οἰκειοτάτους ἐξαμαρτεῖν ἠναγκασμένους, τοῖς δʼ ἀμφότερα ταῦτα συμβεβηκότα, πάλιν ὁπωσοῦν ζῆν ἡγοῦνται λυσιτελεῖν μᾶλλον ἢ μετὰ τοιούτων συμφορῶν ἁπάσης τῆς Ἀσίας βασιλεύειν.
왜냐하면 명예와 부와 권력을 바라볼 때는 모든 사람이 군주제 아래 있는 자들을 신과 동등하다고 여기지만, 두려움과 위험을 생각하고 역사 속에서 어떤 이들은 가장 그려려니 하지 않았던 이들에게 멸망당하고, 어떤 이들은 가장 가까운 친족에게 죄를 범하도록 강요받았으며, 어떤 이들에게는 이 두 가지 일이 모두 일어났음을 볼 때에는, 다시금 그러한 불행을 안고 온 아시아를 지배하는 것보다 어떻게든 살아가는 것이 훨씬 더 이롭다고 생각하기 때문입니다.
§6ταύτης δὲ τῆς ἀνωμαλίας καὶ τῆς ταραχῆς αἴτιόν ἐστιν, ὅτι τὴν βασιλείαν ὥσπερ ἱερωσύνην παντὸς ἀνδρὸς εἶναι νομίζουσιν, ὃ τῶν ἀνθρωπίνων πραγμάτων μέγιστόν ἐστι καὶ πλείστης προνοίας δεόμενον.
이러한 불균형과 혼란의 원인은, 인간의 일 중에서 가장 크고 가장 많은 예지가 요구되는 왕위를 마치 사제직처럼 아무나 할 수 있는 것으로 여기기 때문입니다.
καθʼ ἑκάστην μὲν οὖν τὴν πρᾶξιν, ἐξ ὧν ἄν τις μάλιστα δύναιτο κατὰ τρόπον διοικεῖν καὶ τὰ μὲν ἀγαθὰ διαφυλάττειν τὰς δὲ συμφορὰς διαφεύγειν, τῶν ἀεὶ παρόντων ἔργον ἐστὶ συμβουλεύειν·
그러므로 개개의 구체적인 행위에서, 어떻게 하면 가장 적절하게 다스리고 좋은 것을 보존하며 불행을 피할 수 있을지에 대해 조언하는 것은 늘 곁에 있는 자들의 몫입니다.
καθʼ ὅλων δὲ τῶν ἐπιτηδευμάτων, ὧν χρὴ στοχάζεσθαι καὶ περὶ ἃ δεῖ διατρίβειν, ἐγὼ πειράσομαι διελθεῖν.
그러나 지향해야 할 전반적인 활동들과 시간을 보내야 할 일들에 대해서는 내가 자세히 설명하고자 노력할 것입니다.
§7εἰ μὲν οὖν ἔσται τὸ δῶρον ἐξεργασθὲν ἄξιον τῆς ὑποθέσεως, χαλεπὸν ἀπὸ τῆς ἀρχῆς συνιδεῖν·
그러므로 이 선물이 완성되었을 때 그 주제에 걸맞은 가치가 있을지는 처음부터 알아보기가 어렵습니다.
πολλὰ γὰρ καὶ τῶν μετὰ μέτρου ποιημάτων καὶ τῶν καταλογάδην συγγραμμάτων ἔτι μὲν ἐν ταῖς διανοίαις ὄντα τῶν συντιθέντων μεγάλας τὰς προσδοκίας παρέσχεν, ἐπιτελεσθέντα δὲ καὶ τοῖς ἄλλοις ἐπιδειχθέντα πολὺ καταδεεστέραν τὴν δόξαν τῆς ἐλπίδος ἔλαβεν.
왜냐하면 운율이 있는 시나 산문 저작들 중 상당수가 그것을 짓는 자들의 마음속에 있을 때는 큰 기대를 주지만, 완성되어 다른 사람들에게 보여질 때는 기대에 훨씬 미치지 못하는 평판을 얻기 때문입니다.
§8οὐ μὴν ἀλλὰ τό γʼ ἐπιχείρημα καλῶς ἔχει, τὸ ζητεῖν τὰ παραλελειμμένα καὶ νομοθετεῖν ταῖς μοναρχίαις·
그럼에도 불구하고, 간과된 것들을 탐구하고 군주들을 위해 규범을 정하려는 시도 자체는 훌륭합니다.
οἱ μὲν γὰρ τοὺς ἰδιώτας παιδεύοντες ἐκείνους μόνον ὠφελοῦσιν· εἰ δέ τις τοὺς κρατοῦντας τοῦ πλήθους ἐπʼ ἀρετὴν προτρέψειεν, ἀμφοτέρους ἂν ὀνήσειε, καὶ τοὺς τὰς δυναστείας ἔχοντας καὶ τοὺς ὑπʼ αὐτοῖς ὄντας·
왜냐하면 일반 시민들을 교육하는 자들은 그들만을 이롭게 할 뿐이지만, 만약 누군가가 대중을 지배하는 자를 덕으로 이끈다면, 권력을 가진 자와 그들의 지배 하에 있는 자 모두를 이롭게 할 것이기 때문입니다.
τοῖς μὲν γὰρ ἂν τὰς ἀρχὰς ἀσφαλεστέρας, τοῖς δὲ τὰς πολιτείας πραοτέρας ποιήσειεν.
즉, 전자의 지배는 더 안전하게 만들고, 후자의 체제는 더 온화하게 만들 것이기 때문입니다.