§1ὁ μὲν ἀγών μοι μέγας ἐστίν, ὦ ἄνδρες δικασταί.
배심원 여러분, 저에게 이번 재판은 매우 중대한 것입니다.
οὐ γὰρ μόνον περὶ πολλῶν χρημάτων κινδυνεύω, ἀλλὰ καὶ περὶ τοῦ μὴ δοκεῖν ἀδίκως τῶν ἀλλοτρίων ἐπιθυμεῖν·
왜냐하면 저는 많은 재산을 잃을 위험에 처해 있을 뿐만 아니라, 부당하게 타인의 재산을 탐낸다는 오명을 쓸 위험에도 처해 있기 때문입니다.
ὃ ἐγὼ περὶ πλείστου ποιοῦμαι.
이는 제가 무엇보다도 소중히 여기는 일입니다.
οὐσία μὲν γὰρ ἱκανή μοι καταλειφθήσεται καὶ τούτων στερηθέντι·
저에게는 이 재산들을 빼앗긴다 하더라도 충분한 자산이 남겨질 것입니다.
εἰ δὲ δόξαιμι μηδὲν προσῆκον τοσαῦτα χρήματʼ ἐγκαλέσαι, διαβληθείην ἂν τὸν ἅπαντα βίον.
그러나 만일 제가 아무런 권리도 없이 이토록 막대한 돈을 청구하는 것으로 보인다면, 저는 평생 동안 비방을 받게 될 것입니다.
§2ἔστι δʼ, ὦ ἄνδρες δικασταί, πάντων χαλεπώτατον τοιούτων ἀντιδίκων τυχεῖν.
배심원 여러분, 이와 같은 상대와 소송에서 맞서는 것은 모든 일 중에서 가장 어려운 일입니다.
τὰ μὲν γὰρ συμβόλαια τὰ πρὸς τοὺς ἐπὶ ταῖς τραπέζαις ἄνευ μαρτύρων γίγνεται, τοῖς ἀδικουμένοις δὲ πρὸς τοιούτους ἀνάγκη κινδυνεύειν, οἳ καὶ φίλους πολλοὺς κέκτηνται καὶ χρήματα πολλὰ διαχειρίζουσι καὶ πιστοὶ διὰ τὴν τέχνην δοκοῦσιν εἶναι.
왜냐하면 은행가들과의 거래는 증인 없이 이루어지는 반면, 피해를 입은 사람들은 많은 친구를 거느리고, 많은 돈을 주무르며, 그 직업 때문에 신용이 있는 것처럼 보이는 사람들을 상대로 위험을 무릅쓰고 싸워야 하기 때문입니다.
ὅμως δὲ καὶ τούτων ὑπαρχόντων ἡγοῦμαι φανερὸν πᾶσι ποιήσειν ὅτι ἀποστεροῦμαι τῶν χρημάτων ὑπὸ Πασίωνος.
그럼에도 불구하고 이러한 상황 속에서도 저는 제가 파시온에 의해 재산을 빼앗기고 있다는 사실을 모든 이에게 명백히 밝힐 수 있다고 생각합니다.
§3ἐξ ἀρχῆς οὖν ὑμῖν, ὅπως ἂν δύνωμαι, διηγήσομαι τὰ πεπραγμένα.
그러므로 처음부터 여러분께 제가 할 수 있는 한 사실을 상세히 이야기하겠습니다.
ἐμοὶ γάρ, ὦ ἄνδρες δικασταί, πατὴρ μέν ἐστι Σωπαῖος, ὃν οἱ πλέοντες εἰς τὸν Πόντον ἅπαντες ἴσασιν οὕτως οἰκείως πρὸς Σάτυρον διακείμενον, ὥστε πολλῆς μὲν χώρας ἄρχειν, ἁπάσης δὲ τῆς δυνάμεως ἐπιμελεῖσθαι τῆς ἐκείνου.
배심원 여러분, 제 아버지는 소파이오스이십니다. 폰토스로 항해하는 사람들은 모두 그가 사티로스와 매우 친밀한 관계에 있어서, 광활한 영토를 통치하고 그의 모든 군대를 총괄하고 있다는 것을 알고 있습니다.
§4πυνθανόμενος δὲ καὶ περὶ τῆσδε τῆς πόλεως καὶ περὶ τῆς ἄλλης Ἑλλάδος ἐπεθύμησʼ ἀποδημῆσαι.
이 도시와 다른 그리스 지방에 대해 듣고 나서 저는 외국으로 여행을 떠나고 싶어 조국을 떠났습니다.
γεμίσας οὖς ὁ πατήρ μου δύο ναῦς σίτου καὶ χρήματα δοὺς ἐξέπεμψεν ἅμα κατʼ ἐμπορίαν καὶ κατὰ θεωρίαν·
제 아버지는 배 두 척에 곡물을 가득 채우고 저에게 돈을 주어 교역과 구경을 겸해 저를 내보내셨습니다.
συστήσαντος δέ μοι Πυθοδώρου τοῦ Φοίνικος Πασιωνα ἐχρώμην τῇ τούτου τραπέζῃ.
그리고 페니키아인 피토도루스가 저에게 파시온을 소개해 주었기에, 저는 그의 은행을 이용했습니다.
§5χρόνῳ δʼ ὕστερον διαβολῆς πρὸς Σάτυρον γενομένης ὡς καὶ ὁ πατὴρ οὑμὸς ἐπιβουλεύοι τῇ ἀρχῇ, κἀγὼ τοῖς φυγάσι συγγιγνοίμην, τὸν μὲν πατέρα μου συλλαμβάνει, ἐπιστέλλει δὲ τοῖς ἐνθάδʼ ἐπιδημοῦσιν ἐκ τοῦ Πόντου τά τε χρήματα παρʼ ἐμοῦ παραλαβεῖν καὶ αὐτὸν εἰσπλεῖν κελεύειν·
얼마 뒤, 제 아버지가 사티로스의 지배에 대항해 반란을 꾀하고 있으며 저 역시 추방자들과 교류하고 있다는 참소가 사티로스에게 들어갔습니다. 사티로스는 제 아버지를 체포하고, 폰토스로부터 이곳에 와 머물고 있는 이들에게 지시를 내려 저로부터 재산을 인수하고 저에게는 스스로 배를 타고 돌아오도록 명령하게 했습니다.
ἐὰν δὲ τούτων μηδὲν ποιῶ, §6παρʼ ὑμῶν ἐξαιτεῖν.
그리고 만약 제가 이것들 중 아무것도 하지 않는다면, 여러분에게 제 신병 인도를 요구하라는 것이었습니다.
ἐν τοσούτοις δὲ κακοῖς ὤν, ὦ ἄνδρες δικασταί, λέγω πρὸς Πασίωνα τὰς ἐμαυτοῦ συμφοράς·
이처럼 큰 난국 속에서, 배심원 여러분, 저는 파시온에게 저의 불행을 털어놓았습니다.
οὕτω γὰρ οἰκείως πρὸς αὐτὸν διεκείμην ὥστε μὴ μόνον περὶ χρημάτων ἀλλὰ καὶ περὶ τῶν ἄλλων τούτῳ μάλιστα πιστεύειν.
저는 그와 매우 친밀하게 지냈기에 돈 문제뿐만 아니라 다른 일들에 있어서도 그를 가장 신뢰하고 있었기 때문입니다.
ἡγούμην δʼ εἰ μὲν προοίμην ἅπαντα τὰ χρήματα, κινδυνεύειν, εἴ τι πάθοι ʼκεῖνος, στερηθεὶς καὶ τῶν ἐνθάδε καὶ τῶν ἐκεῖ, πάντων ἐνδεὴς γενήσεσθαι·
저는 만약 모든 재산을 다 내준다면, 아버지께 무슨 일이라도 생길 경우 이곳의 재산도 저곳의 재산도 빼앗겨 모든 것이 궁핍해질 위험이 있다고 생각했습니다.
εἰ δʼ ὁμολογῶν εἶναι ἐπιστείλαντος Σατύρου μὴ παραδοίην, εἰς τὰς μεγίστας διαβολὰς ἐμαυτὸν καὶ τὸν πατέρα καταστήσειν πρὸς Σάτυρον.
그러나 사티로스가 지시를 내렸는데도 재산이 있음을 인정하면서 이를 인도하지 않는다면, 사티로스에 대해 제 자신과 아버지를 가장 큰 혐의에 빠뜨리게 될 것이라 생각했습니다.
§7βουλευομένοις οὖν ἡμῖν ἐδόκει βέλτιστον εἶναι προσομολογεῖν πάντα ποιεῖν, ὅσα Σάτυρος προσέταττε, καὶ τὰ μὲν φανερὰ τῶν χρημάτων παραδοῦναι, περὶ δὲ τῶν παρὰ τούτῳ κειμένων μὴ μόνον ἔξαρνον εἶναι ἀλλὰ καὶ ὀφείλοντά με καὶ τούτῳ καὶ ἑτέροις ἐπὶ τόκῳ φαίνεσθαι καὶ πάντα ποιεῖν ἐξ ὧν ἐκεῖνοι μάλιστʼ ἤμελλον πεισθήσεσθαι μὴ εἶναί μοι χρήματα.
그리하여 우리가 의논한 결과, 사티로스가 명령한 모든 것을 이행하는 척하면서, 겉으로 드러난 재산은 인도하고, 이 자에게 맡겨진 돈에 대해서는 부인할 뿐만 아니라 이 자와 다른 이들에게 이자를 주고 빚을 지고 있는 것처럼 보이게 하여, 그들이 저에게 재산이 없다고 가장 확실히 믿게 만들 수 있는 모든 수단을 동원하는 것이 최선이라는 결론에 도달했습니다.
§8τότε μὲν οὖν, ὦ ἄνδρες δικασταί, ἐνόμιζόν μοι Πασίωνα διʼ εὔνοιαν ἅπαντα ταῦτα συμβουλεύειν·
배심원 여러분, 당시에는 파시온이 저를 위하는 마음에서 이 모든 것을 조언해 주는 줄로만 생각했습니다.
ἐπειδὴ δὲ πρὸς τοὺς παρὰ Σατύρου διεπραξάμην, ἔγνων αὐτὸν ἐπιβουλεύοντα τοῖς ἐμοῖς.
그러나 사티로스가 보낸 자들과의 일이 마무리되었을 때, 저는 그가 제 재산을 노리고 음모를 꾸미고 있음을 알게 되었습니다.
βουλομένου γὰρ ἐμοῦ κομίσασθαι τἀμαυτοῦ καὶ πλεῖν εἰς Βυζάντοιν, ἡγησάμενος οὗτος κάλλιστον αὑτῷ καιρὸν παραπεπτωκέναι -- τὰ μὲν γὰρ χρήματα πόλλʼ εἶναι τὰ παρʼ αὑτῷ κείμενα καὶ ἄξιʼ ἀναισχυντίας, ἐμὲ δὲ πολλῶν ἀκουόντων ἔξαρνον γεγενῆσθαι μηδὲν κεκτῆσθαι, πᾶσί τε φανερὸν ἀπαιτούμενον καὶ ἑτέροις προσομολογοῦντα ὀφείλειν—
제가 제 재산을 회수하여 비잔티움으로 항해하고자 했을 때, 그는 자신에게 최고의 기회가 찾아왔다고 생각했던 것입니다. 그에게 맡겨진 돈은 막대하여 염치 불고하고 빼앗을 만한 가치가 있었던 반면, 저는 많은 사람들이 듣는 앞에서 아무것도 가진 것이 없다고 부인했고, 모두가 보는 앞에서 상환을 독촉받고 다른 이들에게 빚을 지고 있다고 인정하고 있었기 때문입니다—