§3ἀλλʼ οὔτʼ ἀληθὴς ὁ λόγος οὔτʼ ἄξιος ἀκούειν.
그러나 이 주장은 참되지도 않으며 들을 가치도 없다.
ἡ γὰρ φύσις ὥσπερ ἐν φυτοῖς ἀγρίοις, οἷον οἰνάνθαις ἐρινεοῖς κοτίνοις, ἀρχὰς ἀπέπτους καὶ ἀτελεῖς ἡμέρων καρπῶν ἐνέφυσεν· οὕτω τοῖς μὲν ἀλόγοις τὸ πρὸς τὰ ἔκγονα φιλόστοργον ἀτελὲς καὶ οὐ διαρκὲς πρὸς δικαιοσύνην οὐδὲ τῆς χρείας προσωτέρω προερχόμενον ἔδωκεν ἄνθρωπον δέ, λογικὸν καὶ πολιτικὸν ζῷον, ἐπὶ δίκην καὶ νόμον εἰσάγουσα καὶ θεῶν τιμὰς καὶ πόλεων ἱδρύσεις καὶ φιλοφροσύνην, γενναῖα καὶ καλὰ καὶ φερέκαρπα τούτων σπέρματα παρέσχε τὴν πρὸς τὰ ἔκγονα χάριν καὶ ἀγάπησιν, ἀκολουθοῦσα ταῖς πρώταις ἀρχαῖς·
자연은 야생 포도, 야생 무화과, 야생 올리브 같은 야생 식물에 재배 식물 열매의 미성숙하고 불완전한 싹(시초)을 심어놓은 것처럼, 이성 없는 동물들에게는 자식에 대한 친애의 정을 불완전하고, 정의에까지 이르지 못하며, 필요 이상으로 나아가지 않는 것으로 주었기 때문이다. 하지만 인간을 이성적이고 사회적인 동물로 보고 정의와 법, 신들에 대한 공경, 도시의 건립, 그리고 친목으로 이끌면서,［자연은］ 이들［덕성들］의 고귀하고 아름다우며 결실을 맺는 씨앗으로서 자식에 대한 자애와 사랑을 베풀었다.
αὗται δʼ ἦσαν ἐν ταῖς τῶν σωμάτων κατασκευαῖς.
이는 제1의 원리들을 따른 것인데, 이 원리들은 신체의 구조 안에 있었던 것이다.
πανταχοῦ μὲν γὰρ ἡ φύσις ἀκριβὴς καὶ φιλότεχνος καὶ ἀνελλιπὴς καὶ ἀπερίτμητος
οὐδέν
ὡς ἔφησεν Ἐρασίστρατος
ἔχουσα ῥωπικόν·
자연은 도처에서 정밀하고, 기교적이며, 결함이 없고 군더더기가 없어서, 에라시스트라토스가 말했듯이 "어떤 잡동사니도 가지고 있지 않기" 때문이다.
τὰ δὲ περὶ τὴν γένεσιν ἀξίως οὐκ ἔστιν εἰπεῖν οὐδʼ εὐπρεπὲς ἴσως λίαν ἀκριβῶς τῶν ἀπορρήτων ἐφάπτεσθαι τοῖς ὀνόμασι καὶ τοῖς ῥήμασιν, ἀλλʼ ἀποκειμένων καὶ κεκρυμμένων ἐπινοεῖν τὴν πρὸς τὸ γεννᾶν καὶ λοχεύεσθαι τῶν μορίων ἐκείνων εὐφυΐαν.
하지만 생식에 관한 일들을 그 가치에 걸맞게 말할 수는 없으며, 명사나 동사를 써서 비밀스러운 부분들을 너무 정밀하게 언급하는 것은 아마도 단정치 못할 것이다. 오히려 감추어지고 숨겨진 그 기관들이 생식과 출산에 대해 얼마나 훌륭한 적합성을 지니고 있는지를 마음속으로 생각해보는 것으로 충분하다.
ἀρκεῖ δʼ ἡ τοῦ γάλακτος ἐργασία καὶ οἰκονομία τὴν πρόνοιαν αὐτῆς ἐμφῆναι καὶ ἐπιμέλειαν.
그러나 젖의 생성과 배치만으로도 자연의 예지와 보살핌을 드러내기에는 충분하다.
τοῦ γὰρ αἵματος ὅσον περίττωμα τῆς χρείας ἐν ταῖς γυναιξὶ διʼ ἀμβλύτητα καὶ μικρότητα τοῦ πνεύματος ἐπιπολάζον ἐμπλανᾶται καὶ βαρύνει, τὸν μὲν ἄλλον χρόνον εἴθισται καὶ μεμελέτηκεν ἐμμήνοις ἡμερῶν περιόδοις ὀχετοὺς καὶ πόρους αὐτῷ τῆς φύσεως ἀναστομούσης ἀποχεόμενον τὸ μὲν ἄλλο σῶμα κουφίζειν καὶ καθαίρειν, τὴν δʼ ὑστέραν οἷον ἀρότῳ καὶ σπόρῳ γῆν ἐν φυτοῖς ὀργῶσαν ἐν καιρῷ παρέχειν.
왜냐하면 여성들에게 있어서 호흡(프네우마)의 둔함과 미약함 때문에, 필요 이상으로 남아돌아 체내를 떠돌며 부담을 주는 혈액의 잉여분은, 임신하지 않은 다른 시기에는 월마다 찾아오는 주기에 따라 자연이 그것을 위한 통로와 관을 열어줌으로써 배출되어 신체의 다른 부위를 가볍고 깨끗하게 해주는 한편, 자궁을 식물 재배에서 경작과 파종을 위해 적절한 시기에 기름지게 준비된 땅처럼 제공하는 것이 습관이자 상례가 되어 있기 때문이다.
ὅταν δὲ τὴν γονὴν ἀναλάβῃ προσπεσοῦσαν ἡ ὑστέρα καὶ περιστείλῃ ῥιζώσεως γενομένης· ὁ γὰρ ὀμφαλὸς; πρῶτον ἐν μήτρῃσιν
ὥς φησι Δημόκριτος
ἀγκυρηβόλιον σάλου καὶ πλάνης ἐμφύεται, πεῖσμα καὶ κλῆμα
τῷ γεννωμένῳ καρπῷ καὶ μέλλοντι·
하지만 자궁이 들어온 씨앗(배아)을 받아들여 감싸 안고, 착상(뿌리내림)이 일어난 후에는, "왜냐하면 자궁 속에서 먼저 배꼽이" 데모크리토스가 말하듯 "흔들림과 방황에 대한 닻을 내리는 곳으로 생겨나며, 태어나고 있고 장차 태어날 열매(태아)를 위한 계류 밧줄이자 덩굴이 되기" 때문이다.
τοὺς μὲν, ἐμμήνους καὶ καθαρσίους ἔκλεισεν ὀχετοὺς ἡ φύσις, τοῦ δʼ αἵματος ἀντιλαμβανομένη φερομένου τροφῇ χρῆται καὶ κατάρδει τὸ βρέφος ἤδη συνιστάμενον καὶ διαπλαττόμενον, ἄχρι οὗ τοὺς προσήκοντας ἀριθμοὺς τῇ ἐντὸς;
자연은 월경과 정화를 위한 통로를 닫고, 흐르는 혈액을 붙잡아 영양분으로 삼아, 이미 응고되고 형성되어 가는 태아에게 물을 대어준다.
αὐξήσει κυηθὲν ἑτέρας ἀνατροφῆς καὶ χώρας δέηται.
태아가 자궁 안에서의 성장에 필요한 적절한 개월 수 동안 잉태되어, 다른 영양 공급과 장소를 필요로 하게 될 때까지 말이다.
τότʼ οὖν τὸ αἷμα παντὸς ἐμμελέστερον φυτουργοῦ καὶ ὀχετηγοῦ πρὸς ἑτέραν ἀφʼ ἑτέρας ἐκτρέπουσα καὶ μεταλαμβάνουσα χρείαν, ἔχει παρεσκευασμένας οἷον ἐγγείους ἤ τινας κρήνας νάματος ἐπιρρέοντος, οὐκ ἀργῶς οὐδʼ ἀπαθῶς ὑποδεχομένας ἀλλὰ καὶ πνεύματος ἠπίῳ θερμότητι καὶ μαλακῇ θηλύτητι ἐκπέψαι καὶ λεᾶναι καὶ μεταβαλεῖν δυναμένας·
그리하여 그때 자연은, 어떤 식물 재배자나 수로 작업자보다도 더 정묘하게 그 혈액을 한 가지 용도에서 다른 용도로 우회시키고 전환하여, 마치 흐르는 물이 솟아나는 지하의 샘과 같은 것을 미리 마련해 둔다. 이 샘들은 단지 수동적으로나 아무 일도 하지 않은 채 그것을 받아들이는 것이 아니라, 프네우마의 온화한 열기와 부드러운 여성의 성질로 그것을 성숙시키고, 매끄럽게 하며, 변화시킬 수 있다.
τοιαύτην γὰρ ὁ μαστὸς ἔχει ἐντὸς διάθεσιν καὶ κρᾶσιν.
유방이 내부적으로 그러한 상태와 체액의 조화(배합)를 지니고 있기 때문이다.
ἐκροαὶ δὲ τοῦ γάλακτος οὐκ εἰσὶν οὐδὲ κρουνοὶ μεθιέντες ἀθρόως, εἰς δὲ σάρκα πιδακώδη καὶ πόροις ἀτρέμα λεπτοῖς διηθοῦσαν ἀπολήγων, εὐμενὲς τῷ τοῦ νηπίου στόματι καὶ προσφιλὲς; ψαῦσαι καὶ περιλαβεῖν ἐνδίδωσι ταμιεῖον.
또한 젖의 배출구는 일시에 쏟아내는 분수구 같은 모양이 아니라, 샘처럼 솟아나는 살 속으로 끝나며 극히 미세한 통로를 통해 고요히 걸러져 나와, 아기의 입에 부드럽고 닿아서 머금기에 친근한 저장소(유방)를 제공한다.
ἀλλὰ τούτων γε τῶν τοσούτων ἐπὶ τήν γένεσιν ἐργαλείων καὶ τοιούτων οἰκονομιῶν καὶ φιλοτιμίας καὶ προνοίας οὐδὲν ἦν ὄφελος, εἰ μὴ τὸ φιλόστοργον ἡ φύσις καὶ κηδεμονικὸν ἐνειργάσατο ταῖς τεκούσαις.
하지만 생식을 위한 이토록 많은 기관들과 이와 같은 배치, 그리고 ［자연의］ 열성과 예지도, 만약 자연이 출산한 어미들에게 친애와 보살핌의 감정을 심어주지 않았다면 아무런 소용이 없었을 것이다.
"
πάντων ὅσσα τε γαῖαν ἔπι πνείει τε καὶ ἕρπει· "
τοῦτʼ οὐ ψεύδεται ὁ λέγων ἐπὶ νηπίου καὶ ἀρτιγενοῦς.
"지상에서 숨 쉬고 기어 다니는 모든 것들 중에서 ［가장 비참하다］"고 갓난아기와 이제 막 태어난 생명에 대해 말하는 자는 거짓을 말하고 있지 않다.
οὐδὲν γάρ ἐστιν οὕτως; ἀτελὲς οὐδʼ ἄπορον οὐδὲ γυμνὸν οὐδʼ ἄμορφον οὐδὲ μιαρόν, ὡς ἄνθρωπος ἐν γοναῖς ὁρώμενος·
태어나는 순간에 보게 되는 인간만큼, 이토록 불완전하고, 무력하고, 벌거벗었으며, 꼴사납고 더러운 것은 아무것도 없기 때문이다.
ᾧ μόνῳ σχεδὸν οὐδὲ καθαρὰν ἔδωκεν εἰς φῶς ὁδὸν ἡ φύσις, ἀλλʼ αἵματι πεφυρμένος καὶ λύθρου περίπλεως καὶ φονευομένῳ μᾶλλον ἢ γεννωμένῳ ἐοικὼς οὐδενός ἐστιν ἅψασθαι καὶ ἀνελέσθαι καὶ ἀσπάσασθαι καὶ περιλαβεῖν ἢ τοῦ φύσει φιλοῦντος.
자연은 유독 이 존재에게만 빛으로 나아가는 깨끗한 길을 거의 내주지 않았으며, 피투성이가 되고 더러운 오물로 가득하여 태어난다기보다는 도리어 살해당하고 있는 자처럼 보이기 때문에, 본성(자연)에 따라 사랑하는 자 외에는 그에게 손을 대고, 들어 올리며, 반기고, 껴안는 일을 그 누구도 할 수 없는 것이다.
διὸ τῶν μὲν ἄλλων ζῴων ὑπὸ τὴν γαστέρα τὰ οὔθατα χαλᾷ τοὺς μαστοὺς, ταῖς δὲ γυναιξὶν ἄνω γεγόνασιν περὶ τὸ στέρνον ἐν ἐφικτῷ τοῦ φιλῆσαι καὶ περιπτύξαι καὶ κατασπάσασθαι τὸ νήπιον, ὡς τοῦ τεκεῖν καὶ θρέψαι τέλος οὐ χρείαν ἀλλὰ φιλίαν ἔχοντος.
그러므로 다른 동물들은 젖통이 배 아래로 늘어져 있는 반면, 여성들은 가슴 부위 높은 곳에 있어서 아기에게 입 맞추고, 품에 안고, 끌어당겨 다독이는 일이 닿기 쉬운 범위에 있다. 이는 출산과 양육의 끝(목적)이 필요가 아니라 친애를 요구하기 때문이다.