§12ὅρα δὴ καὶ τὸ τοῦ Ζήνωνος ὁποῖόν ἐστιν.
이제 제논의 가르침이 어떠한 것인지도 한번 보아라.
ἠξίου γὰρ ἀπὸ τῶν ὀνείρων ἕκαστον αὑτοῦ συναισθάνεσθαι προκόπτοντος, εἰ μήθʼ ἡδόμενον αἰσχρῷ τινι ἑαυτὸν μήτε τι προσιέμενον ἢ πράττοντα τῶν δεινῶν καὶ ἀτόπων ὁρᾷ κατὰ τοὺς ὕπνους, ἀλλʼ οἷον ἐν βυθῷ γαλήνης ἀκλύστου καταφανεῖ διαλάμπει τῆς ψυχῆς τὸ φανταστικὸν καὶ παθητικὸν διακεχυμένον ὑπὸ τοῦ λόγου.
그는 각자가 꿈을 통해 자신이 진보하고 있음을 깨달아야 마땅하다고 생각했기 때문이다. 즉, 잠결에 자신이 수치스러운 일을 기뻐하거나 무섭고 불합리한 일을 용납하거나 행하는 것을 보지 않고, 오히려 마치 파도 없는 고요한 심연 속에서처럼, 이성에 의해 누그러진 영혼의 표상적이고 정념적인 부분이 투명하게 빛나고 있다면 말이다.
τοῦτο δὲ καὶ Πλάτων, ὡς ἔοικε, συνιδὼν πρότερος ἐξεμόρφωσε καὶ διετύπωσε τῆς φύσει τυραννικῆς ψυχῆς τὸ φανταστικὸν καὶ ἄλογον οἷα κατὰ τοὺς ὕπνους δρᾷ.
이 점을 플라톤 역시 먼저 알아채고, 태생적으로 찬탈자(참주) 같은 영혼의 표상적이고 비이성적인 부분이 잠결에 어떠한 일들을 행하는지를 형상화하고 규정했던 것으로 보인다.
μητρί τε γὰρ ἐπιχειρεῖ μίγνυσθαι
καὶ πρὸς βρώσεις ὁρμᾷ παντοδαπάς, παρανομοῦν καὶ χρώμενον ἑαυτοῦ ταῖς ἐπιθυμίαις οἷον λελυμέναις, ἃς μεθʼ ἡμέραν ὁ νόμος αἰσχύνῃ καὶ φόβῳ καθείργνυσιν.
그것은 어머니와 결합하려 시도하고 온갖 종류의 음식으로 돌진하며, 무법하게 굴고 낮 동안에는 법이 수치와 두려움으로 가두어 둔 자신의 욕망들을 마치 풀려난 것처럼 사용하기 때문이다.
ὥσπερ οὖν τὰ πεπαιδευμένα καλῶς τῶν ὑποζυγίων, οὐδʼ ἂν ἀφῇ τὰς ἡνίας ὁ ἄρχων, ἐπιχειρεῖ παρατρέπεσθαι καὶ ἀπολείπειν τὴν ὁδόν, ἀλλʼ ὥσπερ εἴθισται πρόεισιν ἐν τάξει, διαφυλάττοντα τὴν πορείαν ἄπταιστον, οὕτως οἷς ἂν εὐπειθὲς τὸ ἄλογον ἤδη καὶ πρᾶον γεγονὸς ὑπὸ τοῦ λόγου καὶ κεκολασμένον, οὔτε καθʼ ὕπνους οὔθʼ ὑπὸ νόσων ἔτι ῥᾳδίως ἐξυβρίζειν ἢ παρανομεῖν ἐθέλει ταῖς ἐπιθυμίαις, ἀλλὰ τηρεῖ καὶ διαμνημονεύει τὸν ἐθισμόν, ἰσχὺν ἐμποιοῦντα τῇ προσοχῇ καὶ τόνον.
그러므로 잘 훈련된 길짐승들이 몰이꾼이 고삐를 놓아줄지라도 길을 벗어나거나 경로를 이탈하려 하지 않고, 습관이 된 대로 질서 있게 나아가며 걸음을 비틀거림 없이 유지하는 것처럼, 이와 같이 비이성적인 부분이 이성에 의해 이미 순종적이고 온순해지며 규율 잡히게 된 사람들에게서는, 잠결이나 병중에서도 더 이상 쉽게 욕망에 따라 방자하게 굴거나 무법하게 행동하려 하지 않고, 도리어 주의력에 힘과 긴장을 부여하는 길들여짐(습관)을 지키고 기억해 낸다.
εἰ γὰρ καὶ τὸ σῶμα τῇ ἀσκήσει τῆς ἀπαθείας ὑπήκοον ἑαυτὸ καὶ τὰ μέρη παρέχειν πέφυκεν, ὡς ὀφθαλμούς τε πρὸς οἶκτον ἴσχεσθαι δακρύων καὶ καρδίαν πηδήματος ἐν φόβοις, αἰδοῖά τε σωφρόνως ἔχειν ἀτρέμα καὶ μηδὲν ἐνοχλεῖν παρὰ καλοῖς ἢ καλαῖς, πῶς οὐ μᾶλλον εἰκός ἐστι τῆς ψυχῆς τοῦ παθητικοῦ τὴν ἄσκησιν ἐπιλαβομένην οἷον ἐκλεαίνειν καὶ συσχηματίζειν τὰ φαντάσματα καὶ τὰ κινήματα μέχρι τῶν ὕπνων πιέζουσαν;
진실로 육체조차도 평정(아파테이아)의 훈련을 통해 자기 자신과 그 지체들을 순종적인 상태로 내어주는 법이니, 예컨대 연민 앞에서도 눈은 눈물을 머금고, 두려움 속에서도 심장은 요동치지 않으며, 음부는 아름다운 남녀 옆에서도 고요히 절제를 유지하며 전혀 동요하지 않는다. 그렇다면 영혼의 훈련이 정념적인 부분을 붙들어, 꿈에 이르기까지 그것들을 억누르며 표상들과 충동들을 길들이고 다듬는 것은 훨씬 더 당연하지 않겠는가?
οἷα λέγεται καὶ περὶ τοῦ φιλοσόφου Στίλπωνος, ὃς ἰδεῖν ἔδοξε κατὰ τοὺς ὕπνους ὀργιζόμενον αὐτῷ τὸν Ποσειδῶνα μὴ θύσαντι βοῦν, ὥσπερ ἔθος ἦν Μεγαρεῦσιν·
철학자 스틸폰에 대해서도 이와 같은 이야기가 전해진다. 그는 잠결에 포세이돈이 자신에게 화를 내는 것을 보았는데, 메가라인들의 관습대로 황소를 제물로 바치지 않았기 때문이었다.
αὑτὸν δὲ μηδὲν ἐκπλαγέντα
τί λέγεις
φάναι
ὦ Πόσειδον;
그러나 그는 전혀 놀라지 않고 “포세이돈이여, 무슨 말씀을 하시는 것입니까?
ὥσπερ παῖς ἥκεις μεμψιμοιρῶν ὅτι μὴ δανεισάμενος ἐνέπλησα κνίσης τὴν πόλιν, ἀλλʼ ἀφʼ ὧν εἶχον ἔθυσά σοι μετρίως οἴκοθεν;
제가 빚을 내어 온 도시를 탄 고기 냄새로 가득 채우지 않았다고 해서 마치 어린아이처럼 불평하러 오신 것입니까? 저는 그저 제가 가진 것 안에서 제 집에서 소박하게 제사를 올렸을 뿐입니다.”라고 말했다는 것이다.
καὶ μέντοι δοκεῖν αὐτῷ τὸν Ποσειδῶνα μειδιάσαντα τὴν δεξιὰν προτεῖναι καὶ εἰπεῖν ὡς ἀφύων φορὰν Μεγαρεῦσι ποιήσει διʼ ἐκεῖνον.
게다가 포세이돈이 미소를 지으며 오른손을 내밀고, 그 덕분에 메가라인들에게 멸치 풍년을 선사하겠다고 말하는 것처럼 그에게 보였다고 한다.
οἷς οὖν οὕτως εὐόνειρα καὶ φανὰ καὶ ἄλυπα, φοβερὸν δὲ μηδὲν ἢ τραχὺ μηδὲ κακόηθες ἢ σκολιὸν ἐκ τῶν ὕπνων ἐπαναφέρεται, ταῦτα τῆς προκοπῆς ἀπαυγασμούς τινας εἶναι λέγουσιν, οἴστρους δὲ καὶ πτοίας καὶ φυγὰς ἀγεννεῖς καὶ παιδικὰς περιχαρείας καὶ ὀλοφύρσεις ἐνυπνίων οἰκτρῶν καὶ ἀλλοκότων ῥαχίαις τέ τισι καὶ σάλοις ἐοικέναι, ψυχῆς οὔπω τὸ κοσμοῦν ἐχούσης οἰκεῖον, ἀλλὰ πλαττομένης ἔτι· δόξαις καὶ νόμοις, ὧν ἀπωτάτω γιγνομένη κατὰ τοὺς ὕπνους αὖθις ἀναλύεται καὶ ἀνελίττεται τοῖς πάθεσι.
그러므로 이처럼 꿈이 유쾌하고 밝으며 고통이 없고, 잠에서 일어났을 때 두렵거나 거칠거나 악의적이거나 비뚤어진 것이 전혀 남아 있지 않은 사람들에게서, 이러한 일들은 진보의 어렴풋한 빛(반영)이라고 불린다. 반면에 가련하고 기이한 꿈속에서의 광란과 놀람, 비열한 도망, 어린아이 같은 광희, 통곡들은 격렬한 파도나 요동과 같은데, 이는 영혼이 아직 자신을 정돈할 고유한 능력을 갖추지 못하고, 여전히 세평과 법률에 의해 형성되고 있어서, 꿈결에 이들로부터 가장 멀어지게 되면 다시금 해체되어 정념 속으로 휩쓸려 들어가기 때문이다.
ταῦτα μὲν οὖν συνεπισκόπει καὶ αὐτός, εἴτε προκοπῆς ἐστιν εἴτε τινὸς ἕξεως ἤδη βεβαιότητα καὶ κράτος ἐχούσης ἐπὶ τοῖς λόγοις ἀσάλευτον.
그러므로 이 일들에 관하여 그대 자신도 함께 검토해 보아라. 이것이 진보의 표지인지, 아니면 이성 위에 흔들림 없는 확고함과 힘을 이미 갖춘 어떤 상태(헥시스)의 표지인지 말이다.