§13.1τῶν δὲ στρατηγῶν οὔτε Πρόκλος οὔτε Παυλῖνος συνεισελθεῖν ἐτόλμησαν, ἀλλʼ ἐξέκλιναν φοβούμενοι τοὺς στρατιώτας ἤδη τὴν αἰτίαν ἐπὶ τοὺς στρατηγοὺς τρέποντας.
그러나 장군들 중 프로클루스도 파울리누스도 함께 진영으로 들어갈 용기를 내지 못하고, 병사들이 이미 그 책임을 장군들에게 돌리고 있는 것을 두려워하여 몸을 피했다.
Ἄννιος δὲ Γάλλος ἀνελάμβανεν ἐν τῇ πόλει καὶ παρεμυθεῖτο τοὺς ἐκ τῆς μάχης συλλεγομένους, ὡς ἀγχωμάλου γεγενημένης καὶ πολλοῖς κεκρατηκότας μέρεσι τῶν πολεμίων.
그러나 안니우스 갈루스는 시내에서 병사들을 맞이하여, 전투가 막상막하로 전개되었으며 많은 국면에서 적을 압도했다고 말하며 전투에서 모여든 자들을 위로했다.
§13.2Μάριος δὲ Κέλσος τοὺς ἐν τέλει συναγαγὼν ἐκέλευσε σκοπεῖν τὸ κοινόν, ὡς ἐπὶ συμφορᾷ τηλικαύτῃ καὶ φόνῳ τοσούτῳ πολιτῶν μηδὲ Ὄθωνος, εἴπερ ἀνὴρ ἀγαθός ἐστιν, ἐθελήσοντος ἔτι πειρᾶσθαι τῆς τύχης, ὅπου καὶ Κάτων καὶ Σκηπίων, Καίσαρι κρατοῦντι μετὰ Φάρσαλον εἶξαι μὴ θελήσαντες, αἰτίαν ἔχουσιν ὡς πολλοὺς καὶ ἀγαθοὺς ἄνδρας ἐν Λιβύῃ παραναλώσαντες οὐκ ἀναγκαίως, καίπερ ἀγωνιζόμενοι περὶ τῆς Ῥωμαίων ἐλευθερίας.
마리우스 켈수스는 관리들을 소집하여 공공의 이익을 고려하라고 촉구했다. 왜냐하면 이러한 크나큰 재앙과 시민들의 이토록 많은 유혈 앞에서, 오토 역시 만약 그가 선량한 사람이라면 더 이상 운을 시험하려 하지 않을 것이기 때문이며, 심지어 카토와 스키피오조차 파르살루스 이후 승리한 카이사르에게 굴복하기를 원치 않았다는 이유로, 로마인의 자유를 위해 싸웠음에도 불구하고 리비아에서 불필요하게 수많은 선량한 자들을 희생시켰다는 비난을 받고 있기 때문이라는 것이었다.
§13.3τὰ γὰρ ἄλλα κοινὴν ἡ τύχη παρέχουσα πᾶσιν ἑαυτὴν ἓν οὐκ ἀφαιρεῖται τῶν ἀγαθῶν, τὸ κἂν πταίσωσιν εὐλογιστεῖν πρὸς τὰ συντυγχάνοντα.
왜냐하면 운명은 다른 모든 면에서 자신을 모두에게 공평하게 제공하지만, 선량한 자들에게서 한 가지는 빼앗지 못하니, 그것은 비록 그들이 실족하더라도 닥쳐온 일에 대해 현명하게 대처하는 능력이기 때문이다.
ταῦτα λέγων ἔπειθε τοὺς ἡγεμονικούς, ἐπεὶ δὲ πειρώμενοι τοὺς στρατιώτας ἑώρων εἰρήνης δεομένους καὶ Τιτιανὸς ἐκέλευε πρεσβεύειν ὑπὲρ ὁμονοίας, ἔδοξε Κέλσῳ καὶ Γάλλῳ βαδίζειν καὶ διαλέγεσθαι τοῖς περὶ τὸν Κεκίναν καὶ Οὐάλεντα.
이러한 말로 그는 지도자들을 설득했다. 그리고 그들이 타진해 보았을 때 병사들이 평화를 요구하고 있음을 보았고, 티티아누스 또한 화합을 위해 사절을 보낼 것을 명령했으므로, 켈수스와 갈루스는 카에키나와 발렌스의 일행에게로 가서 회담하기로 결정했다.
§13.4βαδίζουσι δὲ αὐτοῖς ἀπήντησαν ἑκατοντάρχαι τὴν μὲν δύναμιν ἤδη κεκινημένην λέγοντες ἐρχομένην ἐπὶ τὸ Βητριακόν, αὐτοὶ δὲ ὑπὸ τῶν στρατηγῶν ἀπεστάλθαι περὶ ὁμονοίας, ἐπαινέσαντες οὖν οἱ περὶ τὸν Κέλσον ἐκέλευσαν αὐτοὺς ἀναστρέψαντας πάλιν ἀπαντᾶν μετʼ αὐτῶν τοῖς περὶ τὸν Κεκίναν.
그들이 걸어가고 있을 때 백인대장들이 마주쳤는데, 그들은 군대가 이미 움직여 베드리아쿰으로 오고 있는 중이며, 자신들은 화합을 도모하기 위해 장군들에 의해 파견되었다고 말했다. 이에 켈수스 일행은 그들을 칭찬하고, 그들에게 발길을 돌려 자신들과 함께 다시 카에키나 일행을 맞이하러 가라고 지시했다.
ἐπεὶ δὲ ἐγγὺς ἦσαν, ἐκινδύνευσεν ὁ Κέλσος.
그러나 그들이 가까이 이르렀을 때 켈수스는 위험에 처했다.
ἔτυχον γὰρ οἱ περὶ τὴν ἐνέδραν ἡττημένοι πρότερον ἱππεῖς προεξελαύνοντες.
이전에 매복전에서 패배했던 기병들이 마침 선두에서 달려오고 있었기 때문이다.
§13.5ὡς οὖν προσιόντα τὸν Κέλσον κατεῖδον, εὐθὺς βοήσαντες ὥρμησαν ἐπ αὐτόν, οἱ δὲ ἑκατοντάρχαι προέστησαν ἀνείργοντες·
그리하여 그들은 켈수스가 다가오는 것을 보았을 때, 즉시 소리를 지르며 그에게 돌격했으나, 백인대장들이 앞을 가로막고 저지했다.
καὶ τῶν ἄλλων λοχαγῶν φείδεσθαι βοώντων οἱ περὶ τὸν Κεκίναν πυθόμενοι καὶ προσελάσαντες τὴν ἀκοσμίαν ταχὺ τῶν ἱππέων ἔπαυσαν, τὸν δὲ Κέλσον ἀσπασάμενοι φιλοφρόνως ἐβάδιζον μετʼ αὐτῶν εἰς τὸ Βητριακόν.
그리고 다른 백인대장들이 너그러이 봐주라고 외치는 와중에, 카에키나 일행이 이를 전해 듣고 말을 달려와 기병들의 무질서한 행동을 신속하게 가라앉혔다. 그리고 켈수스를 다정하게 맞이한 뒤, 그들과 함께 베드리아쿰으로 걸어갔다.
§13.6ἐν δὲ τούτῳ μετάνοια Τιτιανὸν ἔσχεν ἐκπέμψαντα τοὺς πρέσβεις· καὶ τῶν στρατιωτῶν τοὺς θρασυνομένους αὖθις ἀνεβίβαζεν ἐπὶ τὰ τείχη καὶ τοὺς ἄλλους παρεκάλει βοηθεῖν.
그사이 티티아누스는 사절들을 보낸 것을 후회하게 되었고, 병사들 중 다시 기세를 올리는 자들을 성벽 위로 올라가게 했으며, 다른 이들에게도 방어를 도우라고 독려했다.
τοῦ δὲ Κεκίνα προσελάσαντος τῷ ἵππῳ καὶ τὴν δεξιὰν ὀρέγοντος οὐδεὶς ἀντέσχεν, ἀλλʼ οἱ μὲν ἀπὸ τῶν τειχῶν ἠσπάζοντο τοὺς στρατιώτας, οἱ δὲ τὰς πύλας ἀνοίξαντες ἐξῄεσαν καὶ ἀνεμίγνυντο τοῖς προσήκουσιν.
그러나 카에키나가 말을 타고 다가와 오른손을 내밀자 아무도 저항하지 못했고, 어떤 이들은 성벽 위에서 병사들에게 인사를 건넸으며, 다른 이들은 성문을 열고 나가 다가오는 이들과 뒤섞였다.
§13.7ἠδίκει δὲ οὐδείς, ἀλλὰ καὶ φιλοφροσύναι καὶ δεξιώσεις ἦσαν, ὤμοσαν δὲ πάντες περὶ τοῦ Οὐϊτελλίου καὶ προσεχώρησαν.
아무도 해를 입지 않았으며 오히려 다정함과 환대가 오갔고, 모두가 비텔리우스에 대한 충성을 맹세하고 귀순했다.