§20.1τὸ δὲ οὖν φύσει Τίτου φιλότιμον, ἄχρι μὲν ἱκανὴν εἶχεν ὕλην περὶ τοὺς εἰρημένους πολέμους διατρίβοντος, εὐδοκίμει·
한편, 티투스의 타고난 명예욕은 그가 앞서 언급한 전쟁들에 참여하며 충분한 활약의 무대를 가졌던 동안에는 큰 칭송을 받았다.
καὶ γὰρ ἐχιλιάρχησεν αὖθις μετὰ τὴν ὑπατείαν, οὐδενὸς ἐπείγοντος·
왜냐하면 그는 집정관을 역임한 뒤에도, 아무도 강요하지 않았음에도 다시 천인대장으로 종군했기 때문이다.
ἀπαλλαγεὶς δέ τοῦ ἄρχειν καὶ πρεσβύτερος ὢν ἠλέγχετο μᾶλλον, ἐν οὐκ ἔχοντι πράξεις ἔτι τῷ λοιπῷ βίῳ σπαργῶντα πρὸς δόξαν καὶ νεανἰζοντα τῷ πάθει κατέχειν ἑαυτὸν οὐ δυνάμενος.
그러나 공직에서 물러나고 나이가 들자 그의 단점은 더욱 뚜렷이 드러났는데, 더 이상 군공을 세울 기회가 없는 남은 생애 동안, 명예를 갈망하며 피가 끓고 젊은이 같은 열정을 이기지 못해 스스로를 억제할 수 없었기 때문이다.
§20.2τοιαύτῃ γάρ τινι καὶ τὸ περὶ Ἀννίβαν φορᾷ ἐδόκει πράξας ἐπαχθὴς γενέσθαι τοῖς πολλοῖς.
한니발에 관한 사건에서도 그가 그와 같은 충동에 이끌려 행동함으로써 많은 이들에게 불쾌감을 주었다고 여겨졌기 때문이다.
ὁ γὰρ Ἀννίβας οἴκοθεν μὲν ἐκ Καρχηδόνος ὑπεκδρὰς Ἀντιόχῳ συνῆν, ἐκείνου δέ μετὰ τὴν ἐν Φρυγίᾳ μάχην εἰρήνης ἀγαπητῶς τυχόντος, αὖθις φεύγων καὶ πλανηθεὶς πολλά τέλος ἐν τῇ Βιθυνίᾳ κατέστη Προυσίαν θεραπεύων, οὐδενὸς Ῥωμαίων ἀγνοοῦντος, ἀλλὰ παρορώντων ἁπάντων διʼ ἀσθένειαν καὶ γῆρας ὥσπερ ἐρριμμένον ὑπὸ τῆς τύχης.
한니발은 고향 카르타고에서 비밀리에 탈출하여 안티오코스와 함께 지냈으나, 안티오코스가 프리기아에서의 전투 이후 가까스로 평화를 얻자, 다시 도망쳐 많은 곳을 방랑한 끝에 마침내 비투니아에 정착하여 프루시아스를 섬그리고 있었다. 로마인들 중 이 사실을 모르는 이는 아무도 없었으나, 그가 쇠약함과 노령 탓에 마치 운명에 의해 버려진 듯한 상태에 있었기에 모두가 그를 묵인하고 있었다.
§20.3Τίτος δέ πρεσβευτὴς διʼ ἑτέρας δή τινας πράξεις ὑπὸ τῆς βουλῆς πρὸς τὸν Προυσίαν ἀφικόμενος καὶ τὸν Ἀννίβαν ἰδὼν αὐτόθι διαιτώμενον, ἠγανάκτησεν εἰ ζῇ, καὶ πολλά τοῦ Προυσίου δεομένου καὶ λιπαροῦντος ὑπὲρ ἀνδρὸς ἱκέτου καὶ συνήθους οὐ παρῆκε.
그러나 티투스는 원로원에 의해 다른 업무의 사절로 프루시아스에게 파견되어 왔을 때, 한니발이 그곳에 머물고 있는 것을 보고 그가 살아 있다는 사실에 분개했다. 그리고 프루시아스가 의탁해 온 탄원자이자 친구인 그를 위해 여러 차례 간청하고 매달렸음에도 불구하고 결코 굽히지 않았다.
χρησμοῦ δέ τινος, ὡς ἔοικε, παλαιοῦ περὶ τῆς Ἀννίβου τελευτῆς οὕτως ἔχοντος,
"Λίβυσσα κρύψει βῶλος Ἀννίβου δέμας,"
ὁ μὲν ἄρα Λιβύην ὑπενόει καὶ τὰς ἐν Καρχηδόνι ταφάς, ὡς ἐκεῖ καταβιωσόμενος·
그런데 한니발의 죽음에 관해서는 다음과 같은 오래된 신탁이 있었던 것으로 보인다. "리비아의 흙이 한니발의 육신을 덮으리라." 그리하여 그는 리비아와 카르타고에서의 매장을 염두에 두고 그곳에서 생을 마칠 것이라 생각했다.
§20.4ἐν δὲ Βιθυνίᾳ τόπος ἐστὶ θινώδης ἐπὶ θαλάσσης καὶ πρὸς αὐτῷ κώμη τις μεγάλη Λίβυσσα καλεῖται, περὶ ταύτην ἔτυχε διατρίβων Ἀννίβας, ἀεὶ δὲ ἀπιστῶν τῇ τοῦ Προυσίου μαλακίᾳ καὶ φοβούμενος τοὺς Ῥωμαίους τὴν οἰκίαν ἔτι πρότερον ἐξόδοις ἑπτὰ καταγείοις συντετρημένην ἐκ τῆς ἑαυτοῦ διαίτης εἶχεν, ἄλλου κατʼ ἄλλο τῶν ὑπονόμων, πόρρω δὲ πάντων ἀδήλως ἐκφερόντων.
그런데 비투니아에는 바닷가에 모래가 많은 곳이 있고, 그 바로 곁에 리뷧사라 불리는 큰 마을이 있다. 한니발은 마침 그 근처에 머물고 있었는데, 늘 프루시아스의 나약함을 불신하고 로마인들을 두려워했기 때문에, 이전부터 자신의 거처에서 지하로 통하는 일곱 개의 출구를 뚫어 놓은 집을 가지고 있었다. 그 지하도들은 저마다 다른 방향으로 향해 있었고, 모두 남들 모르게 멀리까지 통하고 있었다.
§20.5ὡς οὖν ἤκουσε τότε τὸ πρόσταγμα τοῦ Τίτου, φεύγειν μὲν ὥρμησε διὰ τῶν ὑπονόμων, ἐντυχὼν δὲ φυλακαῖς βασιλικαῖς ἔγνω διʼ αὑτοῦ τελευτᾶν.
그리하여 그는 당시 티투스의 명령을 들었을 때 지하도를 통해 도망치려 했으나, 왕의 호위병들과 맞닥뜨리자 스스로 목숨을 끊기로 결심했다.
ἔνιοι μὲν οὖν λέγουσιν ὡς ἱμάτιον τῷ τραχήλῳ περιβαλὼν καὶ κελεύσας οἰκέτην ὄπισθεν ἐρείσαντα κατὰ τοῦ ἰσχίου τὸ γόνυ καὶ σφοδρῶς ἀνακλάσαντα συντεῖναι καὶ περιστρέψαι, μέχρι ἂν ἐκθλίψαι τὸ πνεῦμα, διαφθείρειεν αὑτόν ἔνιοι δέ μιμησάμενον Θεμιστοκλέα καὶ Μίδαν αἷμα ταύρειον πιεῖν·
어떤 이들은 그가 외투를 목에 두르고 하인에게 뒤에서 엉덩이에 무릎을 대고 강하게 잡아당겨 비틀어 숨이 끊어질 때까지 조이도록 명령하여 자살했다고 말한다. 또 어떤 이들은 테미스토클레스와 미다스를 모방하여 황소의 피를 마셨다고 한다.
§20.6Λίβιος δέ φησι φάρμακον ἔχοντα κεράσαι καὶ τὴν κύλικα δεξάμενον εἰπεῖν
ἀναπαύσωμεν ἤδη ποτὲ τὴν πολλὴν φροντίδα Ῥωμαίων, οἳ μακρὸν ἡγήσαντο καὶ βαρὺ μισουμένου γέροντος ἀναμεῖναι θάνατον, οὐ μὴν οὐδὲ Τίτος ἀξιοζήλωτον ἀποίσεται νίκην οὐδὲ τῶν προγόνων ἀξίαν, οἳ Πύρρῳ πολεμοῦντι καὶ κρατοῦντι τὴν μέλλουσαν ὑποπέμψαντες κατεμήνυσαν φαρμακείαν.
그러나 리비우스가 말하기를, 그는 독약을 가지고 있어 그것을 섞은 뒤 잔을 받아 들고 이렇게 말했다고 한다. "이제 로마인들의 오랜 근심을 마침내 덜어주자꾸나. 그들은 미움받는 한 노인의 죽음을 기다리는 것을 너무나 길고 지루하게 여겼으니 말이다. 하지만 티투스 역시 부러워할 만한 승리를 거두는 것도 아니요, 조상들의 이름에 걸맞은 일을 한 것도 아니다. 조상들은 피루스가 전쟁을 일으켜 우세를 점하고 있었을 때도, 기획되고 있던 독살 음모를 밀사를 보내 일러주었으니 말이다."