§16.1τῆς δʼ ὑπατείας κατόπιν ἔτεσι δέκα τιμητείαν ὁ Κάτων παρήγγειλε.
집정관직 이후 10년째에 카토는 감찰관(켄소르)직에 입후보했다.
κορυφὴ δέ τίς ἐστι τιμῆς ἁπάσης ἡ ἀρχὴ καὶ τρόπον τινὰ τῆς πολιτείας ἐπιτελείωσις, ἄλλην τε πολλὴν ἐξουσίαν ἔχουσα καὶ τὴν περὶ τὰ ἤθη καὶ τοὺς βίους ἐξέτασιν.
이 관직은 모든 명예의 정점이자 어떤 의미에서는 공직 생활의 완성으로, 그 밖의 많은 권한을 지님과 동시에 도덕과 행실에 관한 심사권을 가지고 있었다.
οὔτε γὰρ γάμον οὔτε παιδοποιίαν τινὸς οὔτε δίαιταν οὔτε συμπόσιον ᾤοντο δεῖν ἄκριτον καὶ ἀνεξέταστον, ὡς ἕκαστος ἐπιθυμίας ἔχοι καὶ προαιρέσεως, ἀφεῖσθαι.
그들은 결혼도, 자녀 출산도, 개개인의 일상적 삶도, 연회도, 각자가 욕망과 선호에 따라 아무런 심사나 조사를 받지 않고 방치되어서는 안 된다고 생각했기 때문이다.
§16.2πολὺ δὲ μᾶλλον ἐν τούτοις νομίζοντες ἡ ταῖς ὑπαίθροις καὶ πολιτικαῖς πράξεσι τρόπον ἀνδρὸς ἐνορᾶσθαι, φύλακα καὶ σωφρονιστὴν καὶ κολαστὴν τοῦ μηδένα καθʼ ἡδονὰς ἐκτρέπεσθαι καὶ παρεκβαίνειν τὸν ἐπιχώριον καὶ συνήθη βίον ᾑροῦντο τῶν καλουμένων πατρικίων ἕνα καὶ τῶν δημοτικῶν ἕνα.
공개적인 활동이나 정치적 행위에서보다 이러한 사적인 일들 속에서 사람의 됨됨이가 훨씬 더 잘 들여다보인다고 생각한 그들은, 아무도 쾌락을 좇아 일탈하거나 조상 대대로 내려온 관습적인 삶을 벗어나지 않도록 감시하고 교정하며 처벌할 사람으로, 이른바 귀족(파트리키) 중에서 한 명, 평민(플레브스) 중에서 한 명을 선출했다.
τιμητὰς δὲ τούτους προσηγόρευον, ἐξουσίαν ἔχοντας ἀφελέσθαι μὲν ἵππον, ἐκβαλεῖν δὲ συγκλήτου τὸν ἀκολάστως βιοῦντα καὶ ἀτάκτως.
이들을 감찰관이라 불렀는데, 이들은 (부적격자로부터) 말을 몰수하거나 방탕하고 무질서하게 사는 자를 원로원에서 제명할 수 있는 권한을 가졌다.
§16.3οὗτοι δὲ καὶ τὰ τιμήματα τῶν οὐσιῶν λαμβάνοντες ἐπεσκόπουν, καὶ ταῖς ἀπογραφαῖς τὰ γένη καὶ τὰς πολιτείας διέκρινον·
이들은 또한 재산의 평가를 담당하여 사정 작업을 벌이고, 등록부 작성을 통해 가문과 시민권의 구분을 지었다.
ἄλλας τε μεγάλας ἔχει δυνάμεις ἡ ἀρχή.
이 관직은 그 외에도 막강한 권한들을 지니고 있었다.
διὸ καὶ τῷ Κάτωνι πρὸς τὴν παραγγελίαν ἀπήντησαν ἐνιστάμενοι σχεδὸν οἱ γνωριμώτατοι καὶ πρῶτοι τῶν συγκλητικῶν.
그리하여 카토가 입후보했을 때, 원로원 의원들 중 가장 유명하고 첫손에 꼽히는 이들이 거의 전면에 나서 그에게 대항했다.
τοὺς μὲν γὰρ εὐπατρίδας ὁ φθόνος ἐλύπει, παντάπασιν οἰομένους προπηλακίζεσθαι τὴν εὐγένειαν ἀνθρώπων ἀπʼ ἀρχῆς ἀδόξων εἰς τὴν ἄκραν τιμὴν καὶ δύναμιν ἀναβιβαζομένων,
귀족들은 시기심에 괴로워했는데, 본래 명망 없는 가문 출신의 인물이 최고의 영예와 권력의 자리에 올라감으로써 자신들의 고귀한 가문이 온전히 모욕당한다고 여겼기 때문이다.
§16.4οἱ δὲ μοχθηρὰ συνειδότες αὑτοῖς ἐπιτηδεύματα καὶ τῶν πατρίων ἐκδιαίτησιν ἐθῶν ἐφοβοῦντο τὴν αὐστηρίαν τοῦ ἀνδρός, ἀπαραίτητον ἐν ἐξουσίᾳ καὶ χαλεπὴν ἐσομένην.
반면, 스스로 부정한 행실을 일삼고 조상들의 관습에서 벗어난 삶을 살고 있음을 자각하고 있던 자들은, 그가 권력을 잡았을 때 타협 없고 가혹할 이 남자의 엄격함을 두려워했다.
διὸ συμφρονήσαντες καὶ παρασκευάσαντες ἑπτὰ κατῆγον ἐπὶ τὴν παραγγελίαν ἀντιπάλους τῷ Κάτωνι, θεραπεύοντας ἐλπίσι χρησταῖς τὸ πλῆθος, ὡς δὴ μαλακῶς καὶ πρὸς ἡδονὴν ἄρχεσθαι δεόμενον.
그리하여 그들은 동맹을 맺고 만반의 준비를 갖추어 카토에 대항해 일곱 명의 경쟁 후보들을 입후보시켰으며, 이들은 민중이 부드럽고 비위를 맞춰주는 통치를 받아야 마땅하다는 듯이 감언이설로 그들을 회유했다.
§16.5τοὐναντίον δʼ ὁ Κάτων οὐδεμίαν ἐνδιδοὺς ἐπιείκειαν, ἀλλʼ ἄντικρυς ἀπειλῶν τε τοῖς πονηροῖς ἀπὸ τοῦ βήματος καὶ κεκραγὼς μεγάλου καθαρμοῦ χρῄζειν τὴν πόλιν, ἠξίου τοὺς πολλοὺς, εἰ σωφρονοῦσι, μὴ τὸν ἥδιστον, ἀλλὰ τὸν σφοδρότατον αἱρεῖσθαι τῶν ἰατρῶν τοῦτον δὲ αὐτὸν εἶναι καὶ τῶν πατρικίων ἕνα Φλάκκον Οὐαλλέριον·
이와는 반대로 카토는 어떠한 관용도 보이지 않고, 오히려 연단에서 악한 자들을 정면으로 위협하며 국가가 대대적인 정화를 필요로 한다고 외치면서, 민중을 향해 만일 제정신이라면 가장 달콤한 의사가 아니라 가장 격렬한 치료를 행하는 의사를 선택해야 한다고 요구했다. 그리고 그 의사가 바로 자신과 귀족 중 한 사람인 발레리우스 플라쿠스라고 말했다.
μετʼ ἐκείνου γὰρ οἴεσθαι μόνου τὴν τρυφὴν καὶ τὴν μαλακίαν ὥσπερ ὕδραν τέμνων καὶ ἀποκαίων προὔργου τι ποιήσειν, τῶν δʼ ἄλλων ὁρᾶν ἕκαστον ἄρξαι κακῶς βιαζόμενον, ὅτι τοὺς καλῶς ἄρξοντας δέδοικεν.
플라쿠스 외의 다른 이들과 함께해서는 사치와 나태라는 히드라를 자르고 불태우며 실효성 있는 성과를 낼 수 없으며, 다른 후보들은 하나같이 올바르게 통치할 사람들을 두려워하기에 악하게 통치하려고 애쓰는 것뿐이라고 보았기 때문이다.
§16.6οὕτω δʼ ἄρα μέγας ἦν ὡς ἀληθῶς καὶ μεγάλων ἄξιος δημαγωγῶν ὁ Ῥωμαίων δῆμος, ὥστε μὴ φοβηθῆναι τὴν ἀνάτασιν καὶ τὸν ὄγκον τοῦ ἀνδρός, ἀλλὰ τοὺς ἡδεῖς ἐκείνους καὶ πρὸς χάριν ἅπαντα ποιήσειν δοκοῦντας ἀπορρίψας ἑλέσθαι μετὰ τοῦ Κάτωνος τὸν Φλάκκον, ὥσπερ οὐκ αἰτοῦντος ἀρχήν, ἀλλʼ ἄρχοντος ἤδη καὶ προστάττοντος ἀκροώμενος.
당시 로마의 민중은 참으로 위대했고 위대한 지도자를 맞이할 자격이 있었기에, 이 남자의 위협과 위압감에 굴하지 않고, 환심을 사기 위해 무슨 일이든 할 것처럼 보였던 저 감미로운 후보들을 물리치고 카토와 함께 플라쿠스를 선택했다. 그것은 마치 그가 관직을 간청하는 것이 아니라, 이미 지배자로서 명령하고 지시하는 것에 귀를 기울이는 것과 같았다.