§11.1χειροτονηθεὶς δὲ στρατηγὸς αὐτοκράτωρ ἐπὶ τὴν μάχην, καὶ τῶν Ἀθηναίων ὀκτακισχιλίους ὁπλίτας ἀναλαβών, ἧκεν εἰς Πλαταιάς.
[아리스티데스는] 이번 전투를 위해 전권을 위임받은 장군으로 선출되어, 아테나이인의 중장보병 팔천 명을 거느리고 플라타이아이로 왔다.
ἐκεῖ δὲ καὶ Παυσανίας ὁ τοῦ σύμπαντος ἡγούμενος Ἑλληνικοῦ συνέμιξεν ἔχων τοὺς Σπαρτιάτας, καὶ τῶν ἄλλων Ἑλλήνων ἐπέρρει τὸ πλῆθος.
그곳에는 그리스 전군을 통솔하는 파우사니아스도 스파르타인들을 이끌고 합류했으며, 다른 그리스인들의 대군도 끊임없이 밀려들었다.
§11.2τῶν δὲ βαρβάρων τὸ μὲν ὅλον τῆς στρατοπεδείας παρὰ τὸν Ἀσωπὸν ποταμὸν παρεκτεταμένης οὐδεὶς ἦν ὄρος διὰ τὸ μέγεθος, περὶ δὲ τὰς ἀποσκευὰς καὶ τὰ κυριώτατα τεῖχος περιεφράξαντο τετράγωνον, οὗ τῶν πλευρῶν ἑκάστη μῆκος ἦν δέκα σταδίων.
야만인들의 경우, 아소포스강을 따라 펼쳐진 진영 전체의 규모가 너무나 거대하여 경계가 보이지 않을 정도였으나, 그들은 가치 있는 물품들과 가장 중요한 것들 주변에 사각형의 방벽을 둘러쳤는데, 그 각 변의 길이는 십 스타디온이었다.
Παυσανίᾳ μὲν οὖν καὶ τοῖς Ἕλλησι κοινῇ Τισαμενὸς ὁ Ἠλεῖος ἐμαντεύσατο, καὶ προεῖπε νίκην ἀμυνομένοις καὶ μὴ προεπιχειροῦσιν·
한편 파우사니아스와 그리스인들을 위해 엘리스 출신의 티사메노스가 공동으로 신탁을 점쳤는데, 그는 스스로 먼저 공격하지 않고 방어에 집중한다면 승리할 것이라고 예언했다.
§11.3Ἀριστείδου δὲ πέμψαντος εἰς Δελφοὺς ἀνεῖλεν ὁ θεὸς Ἀθηναίους καθυπερτέρους ἔσεσθαι τῶν ἐναντίων εὐχομένους τῷ Διῒ καὶ τῇ Ἥρα τῇ Κιθαιρωνίᾳ καὶ Πανὶ καὶ νύμφαις Σφραγίτισι, καὶ θύοντας ἥρωσιν Ἀνδροκράτει, Λεύκωνι, Πεισάνδρῳ, Δαμοκράτει, Ὑψίωνι, Ἀκταίωνι, Πολϋΐδῳ, καὶ τὸν κίνδυνον ἐν γᾷ ἰδίᾳ ποιουμένους ἐν τῷ πεδίῳ τᾶς Δάματρος τᾶς Ἐλευσινίας καὶ τᾶς Κόρας.
아리스티데스가 델포이로 사자를 보내자, 신은 아테나이인들이 제우스, 키타이론의 헤라, 판, 그리고 스프라기티스 요정들에게 기도하고, 영웅들인 안드로크라테스, 레우콘, 페이산드로스, 다모크라테스, 훞시온, 악타이온, 폴뤼이도스에게 희생제물을 바치며, 엘레우시스의 데메테르와 코레의 평원에서 자신들의 땅 위에서 전투를 치른다면 적들을 압도할 것이라고 응답했다.
§11.4οὗτος ὁ χρησμὸς ἀνενεχθεὶς ἀπορίαν τῷ Ἀριστείδῃ παρεῖχεν.
이 신탁이 전해지자 아리스티데스는 깊은 곤경에 빠졌다.
οἱ μὲν γὰρ ἥρωες, οἷς ἐκέλευε θύειν, ἀρχηγέται Πλαταιέων ἦσαν, καὶ τὸ τῶν Σφραγιτίδων νυμφῶν ἄντρον ἐν μιᾷ κορυφῇ τοῦ Κιθαιρῶνός ἐστιν, εἰς δυσμὰς ἡλίου θερινὰς τετραμμένον, ἐν ᾧ καὶ μαντεῖον ἦν πρότερον, ὥς φασι, καὶ πολλοὶ κατείχοντο τῶν ἐπιχωρίων, οὓς νυμφολήπτους προσηγόρευον.
희생제물을 바치라고 명해진 영웅들은 플라타이아이의 시조들이었고, 스프라기티스 요정들의 동굴은 여름철 일몰 방향을 향한 키타이론산의 봉우리 중 하나에 있었는데, 전하는 바에 따르면 예전에는 그곳에도 신탁소가 있어 많은 현지 주민들이 접신 상태가 되곤 했으며 이들을 가리켜 ‘요정에게 붙들린 자들’이라 불렀기 때문이다.
§11.5τὸ δὲ τῆς Ἐλευσινίας Δήμητρος πεδίον, καὶ τὸ τὴν μάχην ἐν ἰδίᾳ χώρᾳ ποιουμένοις τοῖς Ἀθηναίοις νίκην δίδοσθαι, πάλιν εἰς τὴν Ἀττικὴν ἀνεκαλεῖτο καὶ μεθίστη τὸν πόλεμον.
그러나 엘레우시스의 데메테르 평원이라는 점과, 아테나이인들이 자신들의 영토 안에서 싸워야 승리가 주어진다는 조건은 그들의 관심을 다시 아티카로 돌려놓았고 전쟁의 장소를 옮기려 하고 있었다.
ἔνθα τῶν Πλαταιέων ὁ στρατηγὸς Ἀρίμνηστος ἔδοξε κατὰ τοὺς ὕπνους ὑπὸ τοῦ Διὸς τοῦ Σωτῆρος ἐπερωτώμενον αὑτόν, ὅ τι δὴ πράττειν δέδοκται τοῖς Ἕλλησιν, εἰπεῖν,
αὔριον εἰς Ἐλευσῖνα τὴν στρατιὰν ἀπάξομεν, ὦ δέσποτα, καὶ διαμαχούμεθα τοῖς βαρβάροις ἐκεῖ κατὰ τὸ πυθόχρηστον.
그때 플라타이아이의 장군 아림네스토스는 꿈속에서 구원자 제우스가 그리스인들이 도대체 무엇을 하기로 결의했는지 묻자 다음과 같이 대답하는 꿈을 꾸었다.
§11.6τὸν οὖν θεὸν φάναι διαμαρτάνειν αὐτοὺς τοῦ παντός·
“주신이시여, 내일 우리는 군대를 엘레우시스로 물려 그곳에서 신탁에 따라 야만인들과 끝까지 싸울 것입니다.” 그러자 신은 그들이 완전히 헛다리를 짚고 있다고 말했다.
αὐτόθι γὰρ εἶναι περὶ τὴν Πλαταϊκὴν τὰ πυθόχρηστα καὶ ζητοῦντας ἀνευρήσειν.
신탁이 지시한 장소는 바로 이곳 플라타이아이 영토 안에 있으며, 찾으려고 노력하면 발견할 것이라는 뜻이었다.
τούτων ἐναργῶς τῷ Ἀριμνήστῳ φανέντων ἐξεγρόμενος τάχιστα μετεπέμψατο τοὺς ἐμπειροτάτους καὶ πρεσβυτάτους τῶν πολιτῶν, μεθʼ ὧν διαλεγόμενος καὶ συνδιαπορῶν εὗρεν, ὅτι τῶν Ὑσιῶν πλησίον ὑπὸ τὸν Κιθαιρῶνα ναός ἐστιν ἀρχαῖος πάνυ Δήμητρος Ἐλευσινίας καὶ Κόρης προσαγορευόμενος.
이 일이 아림네스토스에게 명백하게 보이자, 그는 잠에서 깨어나 즉시 시민들 중 가장 경험 많고 연로한 이들을 불러 모았고, 그들과 대화하고 고민한 끝에, 휘시아이 근처 키타이론산 기슭에 엘레우시스의 데메테르와 코레의 신전이라 불리는 매우 오래된 신전이 있음을 발견했다.
§11.7εὐθὺς οὖν παραλαβὼν τὸν Ἀριστείδην ἦγεν ἐπὶ τὸν τόπον, εὐφυέστατον ὄντα παρατάξαι φάλαγγα πεζικὴν ἱπποκρατουμένοις, διὰ τὰς ὑπωρείας τοῦ Κιθαιρῶνος ἄφιππα ποιούσας τὰ καταλήγοντα καὶ συγκυροῦντα τοῦ πεδίου πρὸς τὸ ἱερόν.
그는 즉시 아리스티데스를 동반하고 그 장소로 안내했다. 그곳은 기병이 우세한 적을 상대하여 보병 팔랑크스를 배치하기에 가장 적합한 지형이었는데, 키타이론산의 기슭이 신전과 맞닿아 끝나는 평원의 가장자리를 기병이 통행할 수 없게 만들고 있었기 때문이다.
αὐτοῦ δʼ ἦν καὶ τὸ τοῦ Ἀνδροκράτους ἡρῷον ἐγγύς, ἄλσει πυκνῶν καὶ συσκίων δένδρων περιεχόμενον.
또한 그곳 가까이에는 울창하고 그늘진 나무들이 둘러싸고 있는 안드로크라테스의 영웅묘도 있었다.
§11.8ὅπως δὲ μηδὲν ἐλλιπὲς ἔχῃ πρὸς τὴν ἐλπίδα τῆς νίκης ὁ χρησμός, ἔδοξε τοῖς Πλαταιεῦσιν, Ἀριμνήστου γνώμην εἰπόντος, ἀνελεῖν τὰ πρὸς τὴν Ἀττικὴν ὅρια τῆς Πλαταιΐδος καὶ τὴν χώραν ἐπιδοῦναι τοῖς Ἀθηναίοις ὑπὲρ τῆς Ἑλλάδος ἐν οἰκείᾳ κατὰ τὸν χρησμὸν ἐναγωνίσασθαι.
그리고 신탁이 승리에 대한 희망에 있어 아무런 부족함도 남기지 않도록, 아림네스토스가 의견을 제시함에 따라 플라타이아이인들은 아티카와 접경한 플라타이아이의 국경을 없애고, 아테나이인들이 신탁에 따라 자신들의 영토 안에서 그리스를 위해 싸울 수 있도록 그 땅을 아테나이에 양도하기로 결의했다.
§11.9ταύτην μὲν οὖν τὴν φιλοτιμίαν τῶν Πλαταιέων οὕτω συνέβη περιβόητον γενέσθαι, ὥστε καὶ Ἀλέξανδρον ἤδη βασιλεύοντα τῆς Ἀσίας ὕστερον πολλοῖς ἔτεσι τειχίζοντα τὰς Πλαταιὰς ἀνειπεῖν Ὀλυμπιάσιν ὑπὸ κήρυκος, ὅτι ταύτην ὁ βασιλεὺς ἀποδίδωσι Πλαταιεῦσι τῆς ἀνδραγαθίας καὶ τῆς μεγαλοψυχίας χάριν, ἐπειδὴ τοῖς Ἕλλησιν ἐν τῷ Μηδικῷ πολέμῳ τὴν χώραν ἐπέδωκαν καὶ παρέσχον αὑτοὺς προθυμοτάτους.
플라타이아이인들의 이러한 명예로운 행동은 널리 알려지게 되어, 한참 세월이 흐른 뒤 이미 아시아를 지배하고 있던 알렉산드로스가 플라타이아이의 성벽을 재건할 때 올림피아 제전에서 전령을 통해 다음과 같이 선포하게 할 정도였다. “왕은 플라타이아이인들의 용맹과 고결한 기개에 감사하는 뜻으로 이 도시를 반환한다. 그들이 페르시아 전쟁 당시 그리스인들에게 영토를 양도하고 스스로 가장 열성적으로 임했기 때문이다.”