§8.75.1οἱ δὲ ἀκούοντες ἐπὶ τοὺς τὴν ὀλιγαρχίαν μάλιστα ποιήσαντας καὶ ἔτι τῶν ἄλλων τοὺς μετασχόντας τὸ μὲν πρῶτον ὥρμησαν βάλλειν, ἔπειτα μέντοι ὑπὸ τῶν διὰ μέσου κωλυθέντες καὶ διδαχθέντες μὴ τῶν πολεμίων ἀντιπρῴρων ἐγγὺς ἐφορμούντων ἀπολέσωσι τὰ πράγματα, ἐπαύσαντο. §8.75.2μετὰ δὲ τοῦτο λαμπρῶς ἤδη ἐς δημοκρατίαν βουλόμενοι μεταστῆσαι τὰ ἐν τῇ Σάμῳ ὅ τε Θρασύβουλος ὁ τοῦ Λύκου καὶ Θράσυλος (οὗτοι γὰρ μάλιστα προειστήκεσαν τῆς μεταβολῆς) ὥρκωσαν πάντας τοὺς στρατιώτας τοὺς μεγίστους ὅρκους, καὶ αὐτοὺς τοὺς ἐκ τῆς ὀλιγαρχίας μάλιστα, ἦ μὴν δημοκρατήσεσθαί τε καὶ ὁμονοήσειν καὶ τὸν πρὸς Πελοποννησίους πόλεμον προθύμως διοίσειν καὶ τοῖς τετρακοσίοις πολέμιοί τε ἔσεσθαι καὶ οὐδὲν ἐπικηρυκεύσεσθαι. §8.75.3ξυνώμνυσαν δὲ καὶ Σαμίων πάντες τὸν αὐτὸν ὅρκον οἱ ἐν τῇ ἡλικίᾳ, καὶ τὰ πράγματα πάντα καὶ τὰ ἀποβησόμενα ἐκ τῶν κινδύνων ξυνεκοινώσαντο οἱ στρατιῶται τοῖς Σαμίοις, νομίζοντες οὔτε ἐκείνοις ἀποστροφὴν σωτηρίας οὔτε σφίσιν εἶναι, ἀλλ᾽, ἐάν τε οἱ τετρακόσιοι κρατήσωσιν ἐάν τε οἱ ἐκ Μιλήτου πολέμιοι, διαφθαρήσεσθαι.
이 말을 들은 병사들은 처음에는 과두정을 가장 앞장서서 수립한 자들과 그 밖의 가담자들에게 돌을 던지려고 달려들었으나, 이윽고 중립적인 자들에게 저지당하고, 적이 바로 코앞에 기수를 마주하고 정박해 있는 이때에 자신들의 사태를 망쳐서는 안 된다는 훈계를 듣고서 그만두었다. 이 일이 있은 후, 사모스의 정세를 이제 분명하게 민주정으로 전환시키고자 한 리코스의 아들 트라시불로스와 트라실로스(이 두 사람이 정변의 가장 주된 지도자들이었기 때문이다)는 모든 병사들과 특히 과두파에 속했던 자들 자신에게 가장 무거운 맹세를 하게 했다. 즉, 반드시 민주정을 유지하고 화합을 이루며, 펠로폰네소스인들과의 전쟁을 적극적으로 수행하고, 사백인 정권의 적이 되어 어떠한 교섭도 하지 않겠다는 맹세였다. 또한 사모스인들 중 군 복무 연령의 모든 이들도 같은 맹세를 함께 했다. 그리고 병사들은 사모스인들과 모든 정세 및 위험에서 비롯될 결과들을 공유했는데, 이는 그들에게나 자신들에게나 다른 구원의 퇴로가 없으며, 사백인 정권이 승리하든 밀레토스의 적이 승리하든 자신들이 파멸할 수밖에 없다고 생각했기 때문이다.