§7.37.1τοιαῦτα οἱ Συρακόσιοι πρὸς τὴν ἑαυτῶν ἐπιστήμην τε καὶ δύναμιν ἐπινοήσαντες καὶ ἅμα τεθαρσηκότες μᾶλλον ἤδη ἀπὸ τῆς προτέρας ναυμαχίας, ἐπεχείρουν τῷ τε πεζῷ ἅμα καὶ ταῖς ναυσίν.
시라쿠사이인들은 자신들의 기술과 능력에 맞추어 이와 같은 계획을 세우고, 동시에 지난 해전으로부터 이미 더 큰 자신감을 얻었기에, 육상군과 배를 모두 동원하여 동시에 공격을 개시했다.
§7.37.2καὶ τὸν μὲν πεζὸν ὀλίγῳ πρότερον τὸν ἐκ τῆς πόλεως Γύλιππος προεξαγαγὼν προσῆγε τῷ τείχει τῶν Ἀθηναίων, καθ’ ὅσον πρὸς τὴν πόλιν αὐτοῦ ἑώρα·
그리하여 한편으로는, 길리포스가 조금 전에 시내로부터 육상군을 미리 이끌고 나와 아테나이인들의 성벽 중 도시 쪽을 향하고 있는 부분으로 진격시켰다.
καὶ οἱ ἀπὸ τοῦ Ὀλυμπιείου, οἵ τε ὁπλῖται ὅσοι ἐκεῖ ἦσαν καὶ οἱ ἱππῆς καὶ ἡ γυμνητεία τῶν Συρακοσίων ἐκ τοῦ ἐπὶ θάτερα προσῄει τῷ τείχει·
또한 올림피에이온으로부터의 군사들, 즉 그곳에 있던 중장보병 전원과 시라쿠사이인의 기병 및 경장보병들이 반대편으로부터 성벽에 다가갔다.
αἱ δὲ νῆες μετὰ τοῦτο εὐθὺς ἐπεξέπλεον τῶν Συρακοσίων καὶ ξυμμάχων.
다른 한편으로, 시라쿠사이인과 동맹군들의 배들은 이 직후에 즉시 출격했다.
§7.37.3καὶ οἱ Ἀθηναῖοι τὸ πρῶτον αὐτοὺς οἰόμενοι τῷ πεζῷ μόνῳ πειράσειν, ὁρῶντες δὲ καὶ τὰς ναῦς ἐπιφερομένας ἄφνω, ἐθορυβοῦντο, καὶ οἱ μὲν ἐπὶ τὰ τείχη καὶ πρὸ τῶν τειχῶν τοῖς προσιοῦσιν ἀντιπαρετάσσοντο, οἱ δὲ πρὸς τοὺς ἀπὸ τοῦ Ὀλυμπιείου καὶ τῶν ἔξω κατὰ τάχος χωροῦντας ἱππέας τε πολλοὺς καὶ ἀκοντιστὰς ἀντεπεξῇσαν, ἄλλοι δὲ τὰς ναῦς ἐπλήρουν καὶ ἅμα ἐπὶ τὸν αἰγιαλὸν παρεβοήθουν, καὶ ἐπειδὴ πλήρεις ἦσαν, ἀντανῆγον πέντε καὶ ἑβδομήκοντα ναῦς·
아테나이인들은 처음에는 그들이 육상군으로만 공격해 올 것이라 생각했으나, 배들까지도 갑자기 엄습해 오는 것을 보고 혼란에 빠졌다. 그리하여 일부는 성벽 위와 성벽 앞에서 다가오는 적들을 맞아 전열을 정비했고, 다른 일부는 올림피에이온으로부터의 군사들과 외곽에서 신속하게 전진해 오는 수많은 기병 및 투창병들에 맞서 출격했으며, 또 다른 이들은 배에 올라탐과 동시에 해안으로 구원을 가기 위해 달려갔다. 그리고 배들이 가득 차자, 일흔다섯 척의 배를 띄워 맞섰다.
καὶ τῶν Συρακοσίων ἦσαν ὀγδοήκοντα μάλιστα.
한편 시라쿠사이인의 배는 약 여든 척이었다.