§6.94.1ἅμα δὲ τῷ ἦρι εὐθὺς ἀρχομένῳ τοῦ ἐπιγιγνομένου θέρους οἱ ἐν τῇ Σικελίᾳ Ἀθηναῖοι ἄραντες ἐκ τῆς Κατάνης παρέπλευσαν ἐπὶ Μεγάρων τῶν ἐν τῇ Σικελίᾳ, οὓς ἐπὶ Γέλωνος τοῦ τυράννου, ὥσπερ καὶ πρότερόν μοι εἴρηται, ἀναστήσαντες Συρακόσιοι αὐτοὶ ἔχουσι τὴν γῆν.
이듬해 여름이 시작되는 봄의 초입에 바로 시켈리아의 아테나이인들은 카타네에서 출항하여 시켈리아의 메가라로 연안을 따라 항해했다. 이곳은 일찍이 내가 언급했듯이, 참주 겔론 시대에 시라쿠사이인들이 그 주민들을 추방하고 지금은 자신들이 그 땅을 차지하고 있는 곳이다.
§6.94.2ἀποβάντες δὲ ἐδῄωσαν τούς [τε] ἀγροὺς καὶ ἐλθόντες ἐπὶ ἔρυμά τι τῶν Συρακοσίων καὶ οὐχ ἑλόντες αὖθις καὶ πεζῇ καὶ ναυσὶ παρακομισθέντες ἐπὶ τὸν Τηρίαν ποταμὸν τό τε πεδίον ἀναβάντες ἐδῄουν καὶ τὸν σῖτον ἐνεπίμπρασαν, καὶ τῶν Συρακοσίων περιτυχόντες τισὶν οὐ πολλοῖς καὶ ἀποκτείναντές τέ τινας καὶ τροπαῖον στήσαντες ἀνεχώρησαν ἐπὶ τὰς ναῦς.
그들은 상륙하여 경작지를 황폐화하고, 시라쿠사이인들의 요새 하나를 공격했으나 함락시키지 못하자, 다시 육로와 해로로 테리아스강까지 이동하여 평원으로 올라가 들판을 황폐화하고 곡식을 불태웠다. 또한 소수의 시라쿠사이인들과 마주쳐 그중 일부를 죽이고 전승비를 세운 뒤 배로 퇴각했다.
§6.94.3καὶ ἀποπλεύσαντες ἐς Κατάνην, ἐκεῖθεν δὲ ἐπισιτισάμενοι, πάσῃ τῇ στρατιᾷ ἐχώρουν ἐπὶ Κεντόριπα, Σικελῶν πόλισμα, καὶ προσαγαγόμενοι ὁμολογίᾳ ἀπῇσαν, πιμπράντες ἅμα τὸν σῖτον τῶν τε Ἰνησσαίων καὶ τῶν Ὑβλαίων.
그리고 카타네로 회항하여 그곳에서 식량을 조달한 후, 전 군대를 이끌고 시켈리인의 소도시인 켄토리파로 진격하여 협정을 통해 이들을 귀순시키고, 이네사 백성들과 히블라 백성들의 곡식을 불태우며 철수했다.
§6.94.4καὶ ἀφικόμενοι ἐς Κατάνην καταλαμβάνουσι τούς τε ἱππέας ἥκοντας ἐκ τῶν Ἀθηνῶν πεντήκοντα καὶ διακοσίους ἄνευ τῶν ἵππων μετὰ σκευῆς, ὡς αὐτόθεν ἵππων πορισθησομένων, καὶ ἱπποτοξότας τριάκοντα καὶ τάλαντα ἀργυρίου τριακόσια.
카타네에 도착하여 그들은 아테나이로부터 온 기병 250명을 맞이했는데, 이들은 현지에서 말이 조달될 것이라는 가정하에 말 없이 장비만 갖추고 온 상태였다. 또한 기마 궁수 30명과 은 300탈란톤도 도착해 있었다。