§6.94.1ἅμα δὲ τῷ ἦρι εὐθὺς ἀρχομένῳ τοῦ ἐπιγιγνομένου θέρους οἱ ἐν τῇ Σικελίᾳ Ἀθηναῖοι ἄραντες ἐκ τῆς Κατάνης παρέπλευσαν ἐπὶ Μεγάρων τῶν ἐν τῇ Σικελίᾳ, οὓς ἐπὶ Γέλωνος τοῦ τυράννου, ὥσπερ καὶ πρότερόν μοι εἴρηται, ἀναστήσαντες Συρακόσιοι αὐτοὶ ἔχουσι τὴν γῆν.
在接下来的夏天刚刚开始的春季之初，西西里的雅典人便从卡塔奈启航，沿着海岸航行到西西里的麦加拉；正如我此前所说，在僭主盖隆的时代，叙拉古人将这里的居民驱逐，如今自己占有着这片土地。
§6.94.2ἀποβάντες δὲ ἐδῄωσαν τούς [τε] ἀγροὺς καὶ ἐλθόντες ἐπὶ ἔρυμά τι τῶν Συρακοσίων καὶ οὐχ ἑλόντες αὖθις καὶ πεζῇ καὶ ναυσὶ παρακομισθέντες ἐπὶ τὸν Τηρίαν ποταμὸν τό τε πεδίον ἀναβάντες ἐδῄουν καὶ τὸν σῖτον ἐνεπίμπρασαν, καὶ τῶν Συρακοσίων περιτυχόντες τισὶν οὐ πολλοῖς καὶ ἀποκτείναντές τέ τινας καὶ τροπαῖον στήσαντες ἀνεχώρησαν ἐπὶ τὰς ναῦς.
他们登陆后蹂躏了田野，并进攻叙拉古人的一处堡垒，但未能攻克；于是他们再次通过陆路和海路移师至特里阿斯河，并深入平原，蹂躏田野，烧毁庄稼；在遭遇了少数叙拉古人并击杀其中一部分人、立起战功纪念碑之后，他们退回到船上。
§6.94.3καὶ ἀποπλεύσαντες ἐς Κατάνην, ἐκεῖθεν δὲ ἐπισιτισάμενοι, πάσῃ τῇ στρατιᾷ ἐχώρουν ἐπὶ Κεντόριπα, Σικελῶν πόλισμα, καὶ προσαγαγόμενοι ὁμολογίᾳ ἀπῇσαν, πιμπράντες ἅμα τὸν σῖτον τῶν τε Ἰνησσαίων καὶ τῶν Ὑβλαίων.
他们航行返回卡塔奈，在当地补充了给养后，便以全军向锡凯尔人的小镇肯托里帕进军，通过协议使其归顺后便行撤离，途中顺便烧毁了伊内萨人和许布拉人的庄稼。
§6.94.4καὶ ἀφικόμενοι ἐς Κατάνην καταλαμβάνουσι τούς τε ἱππέας ἥκοντας ἐκ τῶν Ἀθηνῶν πεντήκοντα καὶ διακοσίους ἄνευ τῶν ἵππων μετὰ σκευῆς, ὡς αὐτόθεν ἵππων πορισθησομένων, καὶ ἱπποτοξότας τριάκοντα καὶ τάλαντα ἀργυρίου τριακόσια.
回到卡塔奈后，他们发现从雅典送来的二百五十名骑兵已经抵达，他们没有带马，只带了装备，因为他们指望在当地筹集马匹；此外还有三十名骑马弓兵和三百塔兰同的白银。