§6.4.1κατὰ δὲ τὸν αὐτὸν χρόνον καὶ Λάμις ἐκ Μεγάρων ἀποικίαν ἄγων ἐς Σικελίαν ἀφίκετο, καὶ ὑπὲρ Παντακύου τε ποταμοῦ Τρώτιλόν τι ὄνομα χωρίον οἰκίσας, καὶ ὕστερον αὐτόθεν τοῖς Χαλκιδεῦσιν ἐς Λεοντίνους ὀλίγον χρόνον ξυμπολιτεύσας καὶ ὑπὸ αὐτῶν ἐκπεσὼν καὶ Θάψον οἰκίσας αὐτὸς μὲν ἀποθνῄσκει, οἱ δ’ ἄλλοι ἐκ τῆς Θάψου ἀναστάντες Ὕβλωνος βασιλέως Σικελοῦ προδόντος τὴν χώραν καὶ καθηγησαμένου Μεγαρέας ᾤκισαν τοὺς Ὑβλαίους κληθέντας.
같은 시기에 라미스도 메가라에서 이주민을 이끌고 시켈리아에 도착했다. 그는 판타퀴아스 강 상류에 트로틸로스라는 곳을 건설했고, 그 뒤 그곳을 떠나 레온티노이의 칼키스인들과 짧은 기간 동안 공동의 시민 생활을 영위했으나, 그들에게 추방당하여 탑소스를 건설한 뒤 그 자신은 사망했다. 그러나 나머지 사람들은 탑소스에서 이주하여, 시켈로이인의 왕 휘블론이 땅을 넘겨주고 그들을 인도해 준 덕분에 휘블라의 메가라인이라고 불리는 메가라를 건립했다.
§6.4.2καὶ ἔτη οἰκήσαντες πέντε καὶ τεσσαράκοντα καὶ διακόσια ὑπὸ Γέλωνος τυράννου Συρακοσίων ἀνέστησαν ἐκ τῆς πόλεως καὶ χώρας.
그들은 그곳에서 이백사십오 년 동안 거주한 뒤, 쉬라쿠사이의 참주 겔론에 의해 도시와 영토에서 쫓겨났다.
πρὶν δὲ ἀναστῆναι, ἔτεσιν ὕστερον ἑκατὸν ἢ αὐτοὺς οἰκίσαι, Πάμιλλον πέμψαντες Σελινοῦντα κτίζουσι, καὶ ἐκ Μεγάρων τῆς μητροπόλεως οὔσης αὐτοῖς ἐπελθὼν ξυγκατῴκισεν.
그러나 쫓겨나기 전, 자신들이 건립한 지 백 년 후에 그들은 파밀로스를 보내 셀리누스를 건설했는데, 그들의 모도시인 메가라에서 파밀로스가 건너와 공동으로 그곳을 건립했다.
§6.4.3Γέλαν δὲ Ἀντίφημος ἐκ Ῥόδου καὶ Ἔντιμος ἐκ Κρήτης ἐποίκους ἀγαγόντες κοινῇ ἔκτισαν, ἔτει πέμπτῳ καὶ τεσσαρακοστῷ μετὰ Συρακουσῶν οἴκισιν.
겔라는 로도스 출신의 안티페모스와 크레타 출신의 엔티모스가 이주민들을 이끌고 공동으로 건립했는데, 쉬라쿠사이가 건립된 지 마흔다섯 해째 되는 해의 일이었다.
καὶ τῇ μὲν πόλει ἀπὸ τοῦ Γέλα ποταμοῦ τοὔνομα ἐγένετο, τὸ δὲ χωρίον οὗ νῦν ἡ πόλις ἐστὶ καὶ ὃ πρῶτον ἐτειχίσθη Λίνδιοι καλεῖται·
도시는 겔라스 강에서 이름을 따왔으며, 현재 도시가 있고 처음에 성벽이 구축된 곳은 린디오이라고 불린다.
νόμιμα δὲ Δωρικὰ ἐτέθη αὐτοῖς.
그리고 도리스식 법률이 그들에게 제정되었다.
§6.4.4ἔτεσι δὲ ἐγγύτατα ὀκτὼ καὶ ἑκατὸν μετὰ τὴν σφετέραν οἴκισιν Γελῷοι Ἀκράγαντα ᾤκισαν, τὴν μὲν πόλιν ἀπὸ τοῦ Ἀκράγαντος ποταμοῦ ὀνομάσαντες, οἰκιστὰς δὲ ποιήσαντες Ἀριστόνουν καὶ Πυστίλον, νόμιμα δὲ τὰ Γελῴων δόντες.
자신들이 건립한 지 거의 백여덟 해 뒤에 겔라인들은 아크라가스를 건립했는데, 도시는 아크라가스 강에서 이름을 따왔고, 창건자로는 아리스토누오스와 피스티로스를 삼았으며, 겔라의 법률을 주었다.
§6.4.5Ζάγκλη δὲ τὴν μὲν ἀρχὴν ἀπὸ Κύμης τῆς ἐν Ὀπικίᾳ Χαλκιδικῆς πόλεως λῃστῶν ἀφικομένων ᾠκίσθη, ὕστερον δὲ καὶ ἀπὸ Χαλκίδος καὶ τῆς ἄλλης Εὐβοίας πλῆθος ἐλθὸν ξυγκατενείμαντο τὴν γῆν·
잔클레는 처음에 오피키아에 있는 칼키스인들의 도시 퀴메에서 해적들이 와서 건립했으나, 나중에는 칼키스와 에우보이아의 다른 지역에서도 많은 무리가 건너와 땅을 분배하고 공동으로 이주했다.
καὶ οἰκισταὶ Περιήρης καὶ Κραταιμένης ἐγένοντο αὐτῆς, ὁ μὲν ἀπὸ Κύμης, ὁ δὲ ἀπὸ Χαλκίδος.
그리고 그곳의 창건자는 페리에레스와 크라타이메네스가 되었는데, 한 사람은 퀴메 출신이고 다른 한 사람은 칼키스 출신이었다.
ὄνομα δὲ τὸ μὲν πρῶτον Ζάγκλη ἦν ὑπὸ τῶν Σικελῶν κληθεῖσα, ὅτι δρεπανοειδὲς τὴν ἰδέαν τὸ χωρίον ἐστί (τὸ δὲ δρέπανον οἱ Σικελοὶ ζάγκλον καλοῦσιν), ὕστερον δ’ αὐτοὶ μὲν ὑπὸ Σαμίων καὶ ἄλλων Ἰώνων ἐκπίπτουσιν, οἳ Μήδους φεύγοντες προσέβαλον Σικελίᾳ,
첫 이름은 시켈로이인들에 의해 잔클레라고 불렸는데, 그곳의 생김새가 낫 모양이었기 때문이다(시켈로이인들은 낫을 잔클론이라고 부른다). 나중에 그들 자신은 메디아인들을 피해 시켈리아로 밀려온 사모스인들과 다른 이오니아인들에 의해 쫓겨났다.
§6.4.6τοὺς δὲ Σαμίους Ἀναξίλας Ῥηγίνων τύραννος οὐ πολλῷ ὕστερον ἐκβαλὼν καὶ τὴν πόλιν αὐτὸς ξυμμείκτων ἀνθρώπων οἰκίσας Μεσσήνην ἀπὸ τῆς ἑαυτοῦ τὸ ἀρχαῖον πατρίδος ἀντωνόμασεν.
그러나 얼마 뒤 레기온의 참주 아낙실라스가 사모스인들을 쫓아내고, 그 자신이 혼성 인구로 그 도시를 건립하여 자신의 옛 조국의 이름을 따서 메시네로 개칭했다.