§6.32.1ἐπειδὴ δὲ αἱ νῆες πλήρεις ἦσαν καὶ ἐσέκειτο πάντα ἤδη ὅσα ἔχοντες ἔμελλον ἀνάξεσθαι, τῇ μὲν σάλπιγγι σιωπὴ ὑπεσημάνθη, εὐχὰς δὲ τὰς νομιζομένας πρὸ τῆς ἀναγωγῆς οὐ κατὰ ναῦν ἑκάστην, ξύμπαντες δὲ ὑπὸ κήρυκος ἐποιοῦντο, κρατῆράς τε κεράσαντες παρ’ ἅπαν τὸ στράτευμα καὶ ἐκπώμασι χρυσοῖς τε καὶ ἀργυροῖς οἵ τε ἐπιβάται καὶ οἱ ἄρχοντες σπένδοντες. §6.32.2ξυνεπηύχοντο δὲ καὶ ὁ ἄλλος ὅμιλος ὁ ἐκ τῆς γῆς τῶν τε πολιτῶν καὶ εἴ τις ἄλλος εὔνους παρῆν σφίσιν.
함선들이 가득 차고 항해를 위해 싣고 갈 모든 물자가 이미 배 안으로 선적되자, 나팔 소리로 침묵이 선포되었다. 그리고 그들은 출항 전에 행하는 관례적인 기도를 선박마다 따로 올리는 것이 아니라, 전원이 한 전령의 인도에 따라 한목소리로 올렸으며, 전군에 걸쳐 혼합기(크라테르)에 술을 섞고, 전투원들과 지휘관들이 금잔과 은잔으로 제주(스폰데)를 바쳤다. 육지에 있던 나머지 군중, 즉 시민들과 그곳에 있던 그들에게 우호적인 다른 이들도 함께 기도를 올렸다.
παιανίσαντες δὲ καὶ τελεώσαντες τὰς σπονδὰς ἀνήγοντο, καὶ ἐπὶ κέρως τὸ πρῶτον ἐκπλεύσαντες ἅμιλλαν ἤδη μέχρι Αἰγίνης ἐποιοῦντο.
이어서 페안(찬가)을 부르고 제주의 의식을 마치자 그들은 출항하였는데, 처음에는 일렬종대로 나아가다가 이내 아이기나까지 속도를 겨루는 경주를 벌였다.
καὶ οἱ μὲν ἐς τὴν Κέρκυραν, ἔνθαπερ καὶ τὸ ἄλλο στράτευμα τῶν ξυμμάχων ξυνελέγετο, ἠπείγοντο ἀφικέσθαι. §6.32.3ἐς δὲ τὰς Συρακούσας ἠγγέλλετο μὲν πολλαχόθεν τὰ περὶ τοῦ ἐπίπλου, οὐ μέντοι ἐπιστεύετο ἐπὶ πολὺν χρόνον οὐδέν, ἀλλὰ καὶ γενομένης ἐκκλησίας ἐλέχθησαν τοιοίδε λόγοι ἀπό τε ἄλλων, τῶν μὲν πιστευόντων τὰ περὶ τῆς στρατείας τῆς τῶν Ἀθηναίων, τῶν δὲ τὰ ἐναντία λεγόντων, καὶ Ἑρμοκράτης ὁ Ἕρμωνος παρελθὼν αὐτοῖς, ὡς σαφῶς οἰόμενος εἰδέναι τὰ περὶ αὐτῶν, ἔλεγε καὶ παρῄνει τοιάδε.
그리고 그들은 동맹군의 나머지 군대가 집결하고 있던 케르키라에 서둘러 도착하고자 향했다. 한편 시라쿠사에는 원정군의 내습에 관한 소식이 여러 곳으로부터 전해졌으나, 오랫동안 아무것도 신뢰받지 못했다. 그러나 민회가 열렸을 때에도 여러 사람들로부터 다음과 같은 연설이 행해졌으니, 어떤 이들은 아테네인들의 원정에 관한 소식을 믿었고, 다른 이들은 그 반대를 주장했다. 이때 헤르몬의 아들 헤르모크라테스가 그들 앞에 나아가, 자신이 그 일에 대해 확실히 알고 있다고 생각하는 사람으로서 다음과 같이 말하며 권고했다.