§5.58.1Ἀργεῖοι δὲ προαισθόμενοι τό τε πρῶτον τὴν παρασκευὴν τῶν Λακεδαιμονίων καὶ ἐπειδὴ ἐς τὸν Φλειοῦντα βουλόμενοι τοῖς ἄλλοις προσμεῖξαι ἐχώρουν, τότε δὴ ἐξεστράτευσαν καὶ αὐτοί·
한편, 아르고스인들은 처음에 라케다이몬인들의 준비를 미리 감지하고, 그들이 다른 동맹군과 합류하고자 플리우스로 진군하자, 그때 비로소 자신들도 출진했다.
ἐβοήθησαν δ’ αὐτοῖς καὶ Μαντινῆς, ἔχοντες τοὺς σφετέρους ξυμμάχους, καὶ Ἠλείων τρισχίλιοι ὁπλῖται.
그리고 만티네이아인들이 자신들의 동맹군을 동반하고, 엘리스인 중장보병 삼천 명도 그들을 지원하러 왔다.
§5.58.2καὶ προϊόντες ἀπαντῶσι τοῖς Λακεδαιμονίοις ἐν Μεθυδρίῳ τῆς Ἀρκαδίας.
그들은 진군하여 아르카디아의 메튀드리온에서 라케다이몬인들과 조우했다.
καὶ καταλαμβάνουσιν ἑκάτεροι λόφον·
그리고 양측은 각각 언덕을 점령했다.
καὶ οἱ μὲν Ἀργεῖοι ὡς μεμονωμένοις τοῖς Λακεδαιμονίοις παρεσκευάζοντο μάχεσθαι, ὁ δὲ Ἆγις τῆς νυκτὸς ἀναστήσας τὸν στρατὸν καὶ λαθὼν ἐπορεύετο ἐς Φλειοῦντα παρὰ τοὺς ἄλλους ξυμμάχους.
아르고스인들은 라케다이몬인들이 고립되어 있는 동안 전투를 벌이려고 준비하고 있었으나, 아기스는 밤중에 군대를 움직여 발각되지 않고 다른 동맹군들이 있는 플리우스로 행군했다.
§5.58.3καὶ οἱ Ἀργεῖοι αἰσθόμενοι ἅμα ἕῳ ἐχώρουν, πρῶτον μὲν ἐς Ἄργος, ἔπειτα δὲ ᾗ προσεδέχοντο τοὺς Λακεδαιμονίους μετὰ τῶν ξυμμάχων καταβήσεσθαι, τὴν κατὰ Νεμέαν ὁδόν.
아르고스인들은 새벽녘에 이를 알아채고 행군했는데, 처음에는 아르고스로, 그다음에는 라케다이몬인들이 동맹군과 함께 내려올 것으로 예상되는 길인 네메아 방면의 길로 향했다.
§5.58.4Ἆγις δὲ ταύτην μὲν ἣν προσεδέχοντο οὐκ ἐτράπετο, παραγγείλας δὲ τοῖς Λακεδαιμονίοις καὶ Ἀρκάσι καὶ Ἐπιδαυρίοις ἄλλην ἐχώρησε χαλεπὴν καὶ κατέβη ἐς τὸ Ἀργείων πεδίον·
그러나 아기스는 그들이 예상했던 그 길로 가지 않고, 라케다이몬인, 아르카디아인, 에피다우로스인에게 명령하여 험난한 다른 길로 행군하여 아르고스 평원으로 내려왔다.
καὶ Κορίνθιοι καὶ Πελληνῆς καὶ Φλειάσιοι ὄρθιον ἑτέραν ἐπορεύοντο·
한편 코린토스인, 펠레네인, 플리우스인은 또 다른 가파른 오르막길로 행군했다.
τοῖς δὲ Βοιωτοῖς καὶ Μεγαρεῦσι καὶ Σικυωνίοις εἴρητο τὴν ἐπὶ Νεμέας ὁδὸν καταβαίνειν, ᾗ οἱ Ἀργεῖοι ἐκάθηντο, ὅπως, εἰ οἱ Ἀργεῖοι ἐπὶ σφᾶς ἰόντες ἐς τὸ πεδίον βοηθοῖεν, ἐφεπόμενοι τοῖς ἵπποις χρῷντο.
그리고 보이오티아인, 메가라인, 시큐온인에게는 아르고스인들이 진을 치고 있던 네메아로 가는 길로 내려가도록 명령이 내려져 있었는데, 이는 만약 아르고스인들이 평원을 지원하기 위해 자신들을 향해 올 경우, 그들의 뒤를 쫓으며 기병을 활용하기 위함이었다.
§5.58.5καὶ ὁ μὲν οὕτω διατάξας καὶ ἐσβαλὼν ἐς τὸ πεδίον ἐδῄου Σάμινθόν τε καὶ ἄλλα·
그는 이와 같이 병력을 배치하고 평원으로 침입하여 사민토스와 다른 곳들을 약탈했다.