§5.34.1καὶ τοῦ αὐτοῦ θέρους ἤδη ἡκόντων αὐτοῖς τῶν ἀπὸ Θρᾴκης μετὰ Βρασίδου ἐξελθόντων στρατιωτῶν, οὓς ὁ Κλεαρίδας μετὰ τὰς σπονδὰς ἐκόμισεν, οἱ Λακεδαιμόνιοι ἐψηφίσαντο τοὺς μὲν μετὰ Βρασίδου Εἵλωτας μαχεσαμένους ἐλευθέρους εἶναι καὶ οἰκεῖν ὅπου ἂν βούλωνται, καὶ ὕστερον οὐ πολλῷ αὐτοὺς μετὰ τῶν νεοδαμωδῶν ἐς Λέπρεον κατέστησαν, κείμενον ἐπὶ τῆς Λακωνικῆς καὶ τῆς Ἠλείας, ὄντες ἤδη διάφοροι Ἠλείοις·
또한 같은 여름에, 브라시다스와 함께 트라키아로 원정을 떠났던 군사들이 이미 돌아왔는데, 이들은 평화 조약이 체결된 후 클레아리다스가 데려온 자들이었다. 라케다이몬인들은 브라시다스와 함께 싸운 헤일로테스들을 자유의 몸으로 만들고 그들이 원하는 곳은 어디든 거주할 수 있도록 의결했다. 그리고 얼마 지나지 않아, 엘레이아인들과는 이미 불화가 생긴 상태였기에, 그들을 '네오다모데이스(신시민)'들과 함께 라코니아와 엘리스의 경계에 위치한 레프레온에 정착시켰다.
§5.34.2τοὺς δ’ ἐκ τῆς νήσου ληφθέντας σφῶν καὶ τὰ ὅπλα παραδόντας, δείσαντες μή τι διὰ τὴν ξυμφορὰν νομίσαντες ἐλασσωθήσεσθαι καὶ ὄντες ἐπίτιμοι νεωτερίσωσιν, ἤδη καὶ ἀρχάς τινας ἔχοντας ἀτίμους ἐποίησαν, ἀτιμίαν δὲ τοιάνδε ὥστε μήτε ἄρχειν μήτε πριαμένους τι ἢ πωλοῦντας κυρίους εἶναι.
반면, 그 섬에서 사로잡혀 무기를 넘겨주었던 자신들의 군사들에 대해서는, 그들이 그 재난 때문에 자신들이 불이익을 당하리라 생각하고 시민권을 유지한 채 반란을 도모하지 않을까 우려하여, 이미 어떤 관직들을 맡고 있던 자들까지도 시민권을 박탈(아티미아)했다. 이 시민권 박탈의 규정은 다음과 같았다. 즉, 관직을 맡을 수도 없고, 물건을 사거나 팔 때 법적 권리를 가질 수도 없다는 것이었다.
ὕστερον δὲ αὖθις χρόνῳ ἐπίτιμοι ἐγένοντο.
그러나 나중에 시간이 흐르면서 그들은 다시 시민권을 회복했다.