§4.125.1καὶ ἐν τούτῳ διαφερομένων αὐτῶν ἠγγέλθη ὅτι οἱ Ἰλλυριοὶ μετ’ Ἀρραβαίου προδόντες Περδίκκαν γεγένηνται·
이처럼 그들이 대립하고 있는 사이에, 일뤼리아인들이 페르디카스를 배반하고 아라바이오스의 편에 섰다는 소식이 전해졌다.
ὥστε ἤδη ἀμφοτέροις μὲν δοκοῦν ἀναχωρεῖν διὰ τὸ δέος αὐτῶν ὄντων ἀνθρώπων μαχίμων, κυρωθὲν δὲ οὐδὲν ἐκ τῆς διαφορᾶς ὁπηνίκα χρὴ ὁρμᾶσθαι, νυκτός τε ἐπιγενομένης, οἱ μὲν Μακεδόνες καὶ τὸ πλῆθος τῶν βαρβάρων εὐθὺς φοβηθέντες, ὅπερ φιλεῖ μεγάλα στρατόπεδα ἀσαφῶς ἐκπλήγνυσθαι, καὶ νομίσαντες πολλαπλασίους μὲν ἢ ἦλθον ἐπιέναι, ὅσον δὲ οὔπω παρεῖναι, καταστάντες ἐς αἰφνίδιον φυγὴν ἐχώρουν ἐπ’ οἴκου, καὶ τὸν Περδίκκαν τὸ πρῶτον οὐκ αἰσθανόμενον, ὡς ἔγνω, ἠνάγκασαν πρὶν τὸν Βρασίδαν ἰδεῖν (ἄπωθεν γὰρ πολὺ ἀλλήλων ἐστρατοπεδεύοντο) προαπελθεῖν.
이 때문에, 그들이 호전적인 민족이라는 것에 대한 두려움으로 이미 양측 모두 퇴각하는 것이 좋겠다고 생각했으나, 그 대립으로 인해 언제 출발해야 할지 아무것도 결정되지 않은 채 밤이 찾아왔다. 그리하여 마케도니아인들과 이민족의 무리는, 대군이 으레 뚜렷한 이유 없이 공황에 빠지듯, 즉시 공포에 사로잡혔다. 그리고 실제 온 자들보다 몇 배나 많은 적이 들이닥치고 있으며 거의 도달하기 직전이라고 생각하여, 갑작스러운 패주 상태에 빠져 집을 향해 나아갔다. 처음에 이를 알아차리지 못했던 페르디카스도, 사태를 깨달았을 때에는 브라시다스를 만나기도 전에(그들은 서로 멀리 떨어져 진을 치고 있었기 때문이다) 먼저 퇴각할 수밖에 없었다.
§4.125.2Βρασίδας δὲ ἅμα τῇ ἕῳ ὡς εἶδε τοὺς Μακεδόνας προκεχωρηκότας τούς τε Ἰλλυριοὺς καὶ τὸν Ἀρραβαῖον μέλλοντας ἐπιέναι, ξυναγαγὼν καὶ αὐτὸς ἐς τετράγωνον τάξιν τοὺς ὁπλίτας καὶ τὸν ψιλὸν ὅμιλον ἐς μέσον λαβὼν διενοεῖτο ἀναχωρεῖν.
한편 브라시다스는 동이 틀 무렵, 마케도니아인들이 이미 퇴각해 버린 것과 일뤼리아인들과 아라바이오스가 공격해 오려는 것을 보고, 자신도 중장보병들을 사각 대형으로 집결시키고 경장병 무리를 중앙에 둔 채 퇴각할 작정을 했다.
§4.125.3ἐκδρόμους δέ, εἴ πῃ προσβάλλοιεν αὐτοῖς, ἔταξε τοὺς νεωτάτους, καὶ αὐτὸς λογάδας ἔχων τριακοσίους τελευταῖος γνώμην εἶχεν ὑποχωρῶν τοῖς τῶν ἐναντίων πρώτοις προσκεισομένοις ἀνθιστάμενος ἀμύνεσθαι.
그리고 만약 어디선가 적이 공격해 올 경우에 대비하여 가장 젊은 이들을 유격병으로 배치했고, 자신은 엄선된 삼백 명을 거느리고 가장 뒤에서 퇴각하며 가장 먼저 들이닥치는 적의 선두에 맞서 방어할 생각이었다.
§4.125.4καὶ πρὶν τοὺς πολεμίους ἐγγὺς εἶναι, ὡς διὰ ταχέων παρεκελεύσατο τοῖς στρατιώταις τοιάδε.
그리하여 적이 가까이 오기 전에, 그는 군사들에게 다급히 다음과 같이 격려했다.