§4.108.1ἐχομένης δὲ τῆς Ἀμφιπόλεως οἱ Ἀθηναῖοι ἐς μέγα δέος κατέστησαν, ἄλλως τε καὶ ὅτι ἡ πόλις αὐτοῖς ἦν ὠφέλιμος ξύλων τε ναυπηγησίμων πομπῇ καὶ χρημάτων προσόδῳ, καὶ ὅτι μέχρι μὲν τοῦ Στρυμόνος ἦν πάροδος Θεσσαλῶν διαγόντων ἐπὶ τοὺς ξυμμάχους σφῶν τοῖς Λακεδαιμονίοις, τῆς δὲ γεφύρας μὴ κρατούντων, ἄνωθεν μὲν μεγάλης οὔσης ἐπὶ πολὺ λίμνης τοῦ ποταμοῦ, τὰ δὲ πρὸς Ἠιόνα τριήρεσι τηρουμένων, οὐκ ἂν δύνασθαι προελθεῖν· τότε δὲ ῥᾴδια ἤδη [ἐνόμιζεν] γεγενῆσθαι.
암피폴리스가 점령되자 아테네인들은 큰 공포에 빠졌다. 특히 그 도시가 조선용 목재의 반출과 세입 면에서 자신들에게 유용했기 때문이었고, 또한 스트리몬강까지는 테살리아인들이 라케다이몬인들을 인도하여 그들의 동맹국들로 통행하게 해 주었으나, 그들이 다리를 장악하지 못하는 한, 상류 쪽은 강이 넓은 호수가 되어 길게 뻗어 있었고 에이온 쪽은 삼단노선들로 경계되고 있었기에 더 이상 전진할 수 없었을 터인데, 이제는 그것이 이미 쉬워졌다고 그가 생각했기 때문이었다.
καὶ τοὺς ξυμμάχους ἐφοβοῦντο μὴ ἀποστῶσιν.
그리고 그들은 동맹국들이 이탈하지 않을까 두려워했다.
§4.108.2ὁ γὰρ Βρασίδας ἔν τε τοῖς ἄλλοις μέτριον ἑαυτὸν παρεῖχε, καὶ ἐν τοῖς λόγοις πανταχοῦ ἐδήλου ὡς ἐλευθερώσων τὴν Ἑλλάδα ἐκπεμφθείη.
왜냐하면 브라시다스는 다른 면에서도 자신을 온건하게 대했고, 언사에서도 자신이 그리스를 해방하기 위해 파견되었다는 것을 도처에서 분명히 했기 때문이다.
§4.108.3καὶ αἱ πόλεις πυνθανόμεναι αἱ τῶν Ἀθηναίων ὑπήκοοι τῆς τε Ἀμφιπόλεως τὴν ἅλωσιν καὶ ἃ παρέχεται, τήν τε ἐκείνου πραότητα, μάλιστα δὴ ἐπήρθησαν ἐς τὸ νεωτερίζειν, καὶ ἐπεκηρυκεύοντο πρὸς αὐτὸν κρύφα, ἐπιπαριέναι τε κελεύοντες καὶ βουλόμενοι αὐτοὶ ἕκαστοι πρῶτοι ἀποστῆναι.
그리고 아테네의 지배를 받던 도시들은 암피폴리스의 함락과 그가 제시한 조건, 그리고 그의 온화함을 전해 듣고, 특히 반란을 일으키고자 크게 고무되어 그에게 은밀히 사절을 보냈으며, 자신들의 지역으로 진군해 오라고 촉구하는 한편 저마다 가장 먼저 이탈하기를 원했다.
§4.108.4καὶ γὰρ καὶ ἄδεια ἐφαίνετο αὐτοῖς, ἐψευσμένοις μὲν τῆς Ἀθηναίων δυνάμεως ἐπὶ τοσοῦτον ὅση ὕστερον διεφάνη, τὸ δὲ πλέον βουλήσει κρίνοντες ἀσαφεῖ ἢ προνοίᾳ ἀσφαλεῖ, εἰωθότες οἱ ἄνθρωποι οὗ μὲν ἐπιθυμοῦσιν ἐλπίδι ἀπερισκέπτῳ διδόναι, ὃ δὲ μὴ προσίενται λογισμῷ αὐτοκράτορι διωθεῖσθαι.
왜냐하면 그들에게는 위험이 없는 것처럼 보였기 때문인데, 그들은 아테네의 힘을 나중에 밝혀진 것만큼 크지 않다고 그토록 크게 오판했기도 했지만, 그보다는 확실한 예견이 아니라 불확실한 바람에 따라 판단했기 때문이다. 인간이란 자신이 갈망하는 것에는 무경각한 희망을 품고 내맡기는 반면, 받아들이고 싶지 않은 것은 독단적인 이성으로 밀쳐내기 마련이기 때문이다.
§4.108.5ἅμα δὲ τῶν Ἀθηναίων ἐν τοῖς Βοιωτοῖς νεωστὶ πεπληγμένων καὶ τοῦ Βρασίδου ἐφολκὰ καὶ οὐ τὰ ὄντα λέγοντος, ὡς αὐτῷ ἐπὶ Νίσαιαν τῇ ἑαυτοῦ μόνῃ στρατιᾷ οὐκ ἠθέλησαν οἱ Ἀθηναῖοι ξυμβαλεῖν, ἐθάρσουν καὶ ἐπίστευον μηδένα ἂν ἐπὶ σφᾶς βοηθῆσαι.
동시에 아테네인들이 최근 보이오티아인들에게 패배를 당한 직후였고, 브라시다스가 니사아에서 아테네인들이 자신의 독자적인 군대하고만 싸우는 것을 꺼렸다는 등, 사실이 아닌 매력적인 거짓을 말하고 있었기에, 그들은 용기를 얻어 자신들에게는 아무런 토벌군도 오지 않을 것이라고 믿었다.
§4.108.6τὸ δὲ μέγιστον, διὰ τὸ ἡδονὴν ἔχον ἐν τῷ αὐτίκα καὶ ὅτι τὸ πρῶτον Λακεδαιμονίων ὀργώντων ἔμελλον πειράσεσθαι, κινδυνεύειν παντὶ τρόπῳ ἑτοῖμοι ἦσαν.
그리고 무엇보다도 당장의 기쁨이 주는 매력 때문에, 또한 의기충천한 라케다이몬인들을 처음으로 시험해 보려 했기에, 그들은 모든 방법으로 위험을 감수할 준비가 되어 있었다.
ὧν αἰσθανόμενοι οἱ μὲν Ἀθηναῖοι φυλακάς, ὡς ἐξ ὀλίγου καὶ ἐν χειμῶνι, διέπεμπον ἐς τὰς πόλεις, ὁ δὲ ἐς τὴν Λακεδαίμονα ἐφιέμενος στρατιάν τε προσαποστέλλειν ἐκέλευε καὶ αὐτὸς ἐν τῷ Στρυμόνι ναυπηγίαν τριήρων παρεσκευάζετο.
이를 알아차린 아테네인들은 비록 촉박한 시간과 겨울철이었음에도 여러 도시로 수비대를 파견했고, 브라시다스는 라케다이몬에 군대를 추가로 파견해 줄 것을 청하는 한편 자신도 스트리몬강에서 삼단노선 건조 준비를 하고 있었다.
§4.108.7οἱ δὲ Λακεδαιμόνιοι τὰ μὲν καὶ φθόνῳ ἀπὸ τῶν πρώτων ἀνδρῶν οὐχ ὑπηρέτησαν αὐτῷ, τὰ δὲ καὶ βουλόμενοι μᾶλλον τούς τε ἄνδρας τοὺς ἐκ τῆς νήσου κομίσασθαι καὶ τὸν πόλεμον καταλῦσαι.
하지만 라케다이몬인들은 한편으로는 지도층 인사들의 시기심 때문에 그의 요청을 들어주지 않았고, 다른 한편으로는 섬에서 포로가 된 이들을 되찾고 전쟁을 끝내기를 더 원했기 때문이기도 했다.