§4.100.1καὶ οἱ Βοιωτοὶ εὐθὺς μεταπεμψάμενοι ἔκ τε τοῦ Μηλιῶς κόλπου ἀκοντιστὰς καὶ σφενδονήτας, καὶ βεβοηθηκότων αὐτοῖς μετὰ τὴν μάχην Κορινθίων τε δισχιλίων ὁπλιτῶν καὶ τῶν ἐκ Νισαίας ἐξεληλυθότων Πελοποννησίων φρουρῶν καὶ Μεγαρέων ἅμα, ἐστράτευσαν ἐπὶ τὸ Δήλιον καὶ προσέβαλον τῷ τειχίσματι, ἄλλῳ τε τρόπῳ πειράσαντες καὶ μηχανὴν προσήγαγον, ἥπερ εἷλεν αὐτό, τοιάνδε.
보이오티아인들은 즉시 말리아만으로부터 투창병과 투석병을 불러오는 한편, 전투 후에 코린토스인 중장보병 이천 명과 니사야에서 퇴거한 펠로폰네소스인 수비대, 그리고 메가라인들이 동시에 그들을 도우러 왔으므로, 델리온으로 출정하여 요새를 공격했다. 그리고 다른 여러 방법으로 시도해 본 끝에, 결국 그것을 함락시키게 된 다음과 같은 병기를 끌고 왔다.
§4.100.2κεραίαν μεγάλην δίχα πρίσαντες ἐκοίλαναν ἅπασαν καὶ ξυνήρμοσαν πάλιν ἀκριβῶς ὥσπερ αὐλόν, καὶ ἐπ’ ἄκραν λέβητά τε ἤρτησαν ἁλύσεσι καὶ ἀκροφύσιον ἀπὸ τῆς κεραίας σιδηροῦν ἐς αὐτὸν νεῦον καθεῖτο, καὶ ἐσεσιδήρωτο ἐπὶ μέγα καὶ τοῦ ἄλλου ξύλου.
그들은 커다란 들보를 반으로 쪼개어 그 안을 온통 파내고, 다시 피리처럼 정밀하게 맞추어 놓았다. 그리고 그 끝에 사슬로 가마솥을 매달았으며, 들보로부터 뻗어 나온 철제 송풍관이 가마솥 안으로 향하도록 아래로 늘어뜨려져 있었고, 들보의 나머지 나무 부분도 대부분 철로 덮여 있었다.
§4.100.3προσῆγον δὲ ἐκ πολλοῦ ἁμάξαις τῷ τείχει, ᾗ μάλιστα τῇ ἀμπέλῳ καὶ τοῖς ξύλοις ᾠκοδόμητο·
그들은 이것을 멀리서부터 수레에 실어 장벽으로 끌고 가, 특히 포도나무와 목재로 쌓여 있는 곳에 접근시켰다.
καὶ ὁπότε εἴη ἐγγύς, φύσας μεγάλας ἐσθέντες ἐς τὸ πρὸς ἑαυτῶν ἄκρον τῆς κεραίας ἐφύσων.
그리고 그것이 가까이 이르면, 자신들 쪽에 있는 들보 끝에 커다란 풀무를 끼워 넣고 바람을 불어넣었다.
§4.100.4ἡ δὲ πνοὴ ἰοῦσα στεγανῶς ἐς τὸν λέβητα, ἔχοντα ἄνθρακάς τε ἡμμένους καὶ θεῖον καὶ πίσσαν, φλόγα ἐποίει μεγάλην καὶ ἧψε τοῦ τείχους, ὥστε μηδένα ἔτι ἐπ’ αὐτοῦ μεῖναι, ἀλλὰ ἀπολιπόντας ἐς φυγὴν καταστῆναι καὶ τὸ τείχισμα τούτῳ τῷ τρόπῳ ἁλῶναι.
그 바람이 밀폐된 상태로 타오르는 숯과 유황, 역청이 들어 있는 가마솥으로 들어가 큰 불길을 일으키며 장벽에 불을 붙였으므로, 더 이상 장벽 위에 남아 있는 사람이 없게 되었고, 모두 장벽을 버리고 도망치기 시작하여 요새는 이런 방식으로 함락되었다.
§4.100.5τῶν δὲ φρουρῶν οἱ μὲν ἀπέθανον, διακόσιοι δὲ ἐλήφθησαν· τῶν δὲ ἄλλων τὸ πλῆθος ἐς τὰς ναῦς ἐσβὰν ἀπεκομίσθη ἐπ’ οἴκου.
수비대원들 중 일부는 죽고 이백 명은 포로가 되었으며, 나머지 사람들 대다수는 배에 올라타 집으로 철수했다.