§3.81.1οἱ μὲν οὖν Πελοποννήσιοι τῆς νυκτὸς εὐθὺς κατὰ τάχος ἐκομίζοντο ἐπ’ οἴκου παρὰ τὴν γῆν·
그리하여 펠로폰네소스인들은 밤이 되자마자 서둘러 육지를 따라 본국으로 향했다.
καὶ ὑπερενεγκόντες τὸν Λευκαδίων ἰσθμὸν τὰς ναῦς, ὅπως μὴ περιπλέοντες ὀφθῶσιν, ἀποκομίζονται.
그리고 회항하는 모습을 들키지 않으려고 레우카스의 지협 위로 배를 육로로 넘겨 퇴각했다.
§3.81.2Κερκυραῖοι δὲ αἰσθόμενοι τάς τε Ἀττικὰς ναῦς προσπλεούσας τάς τε τῶν πολεμίων οἰχομένας, λαβόντες τούς τε Μεσσηνίους ἐς τὴν πόλιν ἤγαγον πρότερον ἔξω ὄντας, καὶ τὰς ναῦς περιπλεῦσαι κελεύσαντες ἃς ἐπλήρωσαν ἐς τὸν Ὑλλαϊκὸν λιμένα, ἐν ὅσῳ περιεκομίζοντο, τῶν ἐχθρῶν εἴ τινα λάβοιεν, ἀπέκτεινον·
한편 케르퀴라인들은 아티카의 함선들이 다가오고 적의 함선들이 떠났음을 알아차리고, 이전까지 성 밖에 있던 메세니아인들을 성 안으로 데려왔으며, 자신들이 인원을 배치했던 배들을 휠라이코스 항구로 회항시키도록 명령했다. 그리고 그 배들이 회항하는 동안 적들 중에서 붙잡힌 자가 있으면 누구든 죽였다.
καὶ ἐκ τῶν νεῶν ὅσους ἔπεισαν ἐσβῆναι ἐκβιβάζοντες ἀπεχρῶντο, ἐς τὸ Ἥραιόν τε ἐλθόντες τῶν ἱκετῶν ὡς πεντήκοντα ἄνδρας δίκην ὑποσχεῖν ἔπεισαν καὶ κατέγνωσαν πάντων θάνατον.
또한 배에 타도록 설득했던 자들을 배에서 내리게 하여 처형했고, 헤라 신전으로 가서 탄원자들 중 약 오십 명을 설득하여 재판을 받게 한 뒤 전원에게 사형을 선고했다.
§3.81.3οἱ δὲ πολλοὶ τῶν ἱκετῶν, ὅσοι οὐκ ἐπείσθησαν, ὡς ἑώρων τὰ γιγνόμενα, διέφθειρον αὐτοῦ ἐν τῷ ἱερῷ ἀλλήλους, καὶ ἐκ τῶν δένδρων τινὲς ἀπήγχοντο, οἱ δ’ ὡς ἕκαστοι ἐδύναντο ἀνηλοῦντο.
설득에 응하지 않았던 대다수의 탄원자들은 벌어지고 있는 일들을 보고 신전 경내에서 서로를 죽였으며, 일부는 나무에 목을 맸고, 나머지도 각자 할 수 있는 방법으로 스스로 목숨을 끊었다.
§3.81.4ἡμέρας τε ἑπτά, ἃς ἀφικόμενος ὁ Εὐρυμέδων ταῖς ἑξήκοντα ναυσὶ παρέμεινε, Κερκυραῖοι σφῶν αὐτῶν τοὺς ἐχθροὺς δοκοῦντας εἶναι ἐφόνευον, τὴν μὲν αἰτίαν ἐπιφέροντες τοῖς τὸν δῆμον καταλύουσιν, ἀπέθανον δέ τινες καὶ ἰδίας ἔχθρας ἕνεκα, καὶ ἄλλοι χρημάτων σφίσιν ὀφειλομένων ὑπὸ τῶν λαβόντων·
에우뤼메돈이 예순 척의 배를 이끌고 와서 머물렀던 이레 동안, 케르퀴라인들은 자신들의 적으로 여겨지는 자들을 계속해서 학살했다. 비록 민중 정치를 전복하려 했다는 혐의를 그들에게 씌웠으나, 어떤 이들은 사적인 원한 때문에 죽임을 당했고, 또 다른 이들은 빌려준 돈을 받지 못한 채 채무자들에 의해 돈 문제로 죽임을 당했다.
§3.81.5πᾶσά τε ἰδέα κατέστη θανάτου, καὶ οἷον φιλεῖ ἐν τῷ τοιούτῳ γίγνεσθαι, οὐδὲν ὅτι οὐ ξυνέβη καὶ ἔτι περαιτέρω.
온갖 형태의 죽음이 나타났으며, 이러한 상황에서 으레 일어나기 마련인 일들 중에서 일어나지 않은 일이란 없었고 오히려 그 이상이 벌어졌다.
καὶ γὰρ πατὴρ παῖδα ἀπέκτεινε καὶ ἀπὸ τῶν ἱερῶν ἀπεσπῶντο καὶ πρὸς αὐτοῖς ἐκτείνοντο, οἱ δέ τινες καὶ περιοικοδομηθέντες ἐν τοῦ Διονύσου τῷ ἱερῷ ἀπέθανον.
실제로 아버지가 자식을 죽였고, 신전에서 끌려 나와 그 바로 옆에서 살해당하는 이들도 있었으며, 어떤 이들은 디오니소스 신전 안에 갇힌 채 주위에 벽이 쌓여 죽어가기도 했다.