§3.52.1ὑπὸ δὲ τοὺς αὐτοὺς χρόνους τοῦ θέρους τούτου καὶ οἱ Πλαταιῆς οὐκέτι ἔχοντες σῖτον οὐδὲ δυνάμενοι πολιορκεῖσθαι ξυνέβησαν τοῖς Πελοποννησίοις τοιῷδε τρόπῳ.
같은 해 여름의 이 무렵, 플라타이아이인들 역시 더 이상 식량이 없고 포위를 견뎌낼 수 없게 되자 다음과 같은 방식으로 펠로폰네소스인들과 협정을 맺었다.
§3.52.2προσέβαλλον αὐτῶν τῷ τείχει, οἱ δὲ οὐκ ἐδύναντο ἀμύνεσθαι.
펠로폰네소스인들이 그들의 성벽을 공격했으나 플라타이아이인들은 방어할 힘이 없었다.
γνοὺς δὲ ὁ Λακεδαιμόνιος ἄρχων τὴν ἀσθένειαν αὐτῶν βίᾳ μὲν οὐκ ἐβούλετο ἑλεῖν (εἰρημένον γὰρ ἦν αὐτῷ ἐκ Λακεδαίμονος, ὅπως, εἰ σπονδαὶ γίγνοιντό ποτε πρὸς Ἀθηναίους καὶ ξυγχωροῖεν ὅσα πολέμῳ χωρία ἔχουσιν ἑκάτεροι ἀποδίδοσθαι, μὴ ἀνάδοτος εἴη ἡ Πλάταια ὡς αὐτῶν ἑκόντων προσχωρησάντων), προσπέμπει δὲ αὐτοῖς κήρυκα λέγοντα, εἰ βούλονται παραδοῦναι τὴν πόλιν ἑκόντες τοῖς Λακεδαιμονίοις καὶ δικασταῖς ἐκείνοις χρήσασθαι, τούς τε ἀδίκους κολάζειν, παρὰ δίκην δὲ οὐδένα.
스파르타인 사령관은 그들의 쇠약함을 알아챘으나, 무력으로 성을 함락시키기를 원치 않았다. 왜냐하면 스파르타로부터 그에게 다음과 같은 지시가 내려왔기 때문이다. 즉, 만약 훗날 아테나이인들과 평화 조약이 체결되어 양측이 전쟁으로 차지한 영토를 모두 반환하기로 합의하더라도, 플라타이아는 그들이 자발적으로 귀순한 것이기 때문에 반환 대상에서 제외되도록 하기 위함이었다. 이에 그는 전령을 보내 그들이 자발적으로 성읍을 스파르타인들에게 인도하고 그들을 재판관으로 받아들일 용의가 있는지 물으며, 불의한 자들만을 처벌하고 부당하게 처벌받는 사람은 아무도 없을 것이라고 전하게 했다.
§3.52.3τοσαῦτα μὲν ὁ κῆρυξ εἶπεν· οἱ δέ (ἦσαν γὰρ ἤδη ἐν τῷ ἀσθενεστάτῳ) παρέδοσαν τὴν πόλιν.
전령은 이만큼만 말했고, 플라타이아이인들은 이미 극도로 쇠약한 상태였기에 성읍을 인도했다.
καὶ τοὺς Πλαταιᾶς ἔτρεφον οἱ Πελοποννήσιοι ἡμέρας τινάς, ἐν ὅσῳ οἱ ἐκ τῆς Λακεδαίμονος δικασταὶ πέντε ἄνδρες ἀφίκοντο.
그리고 스파르타에서 파견된 다섯 명의 재판관이 도착하기까지 며칠 동안 펠로폰네소스인들은 플라타이아이인들에게 식량을 제공했다.
§3.52.4ἐλθόντων δὲ αὐτῶν κατηγορία μὲν οὐδεμία προυτέθη, ἠρώτων δὲ αὐτοὺς ἐπικαλεσάμενοι τοσοῦτον μόνον, εἴ τι Λακεδαιμονίους καὶ τοὺς ξυμμάχους ἐν τῷ πολέμῳ τῷ καθεστῶτι ἀγαθόν [τι] εἰργασμένοι εἰσίν.
그들이 도착하자 어떤 기소 사실도 제기되지 않았고, 다만 그들을 불러내어 현재의 전쟁에서 스파르타인들과 동맹국들을 위해 무슨 좋은 일이라도 한 적이 있는지 단지 그 한 가지만을 물었다.
§3.52.5οἱ δ’ ἔλεγον αἰτησάμενοι μακρότερα εἰπεῖν καὶ προτάξαντες σφῶν αὐτῶν Ἀστύμαχόν τε τὸν Ἀσωπολάου καὶ Λάκωνα τὸν Αἰειμνήστου πρόξενον ὄντα Λακεδαιμονίων·
그러자 플라타이아이인들은 더 길게 말할 수 있도록 허락해 줄 것을 요청하고, 자신들의 대표로 아소폴라오스의 아들 아스티마코스와 스파르타의 프록세노스인 아이임네스토스의 아들 라콘을 내세웠다.
καὶ ἐπελθόντες ἔλεγον τοιάδε.
그리고 그들은 앞으로 나아가 다음과 같이 말했다.