§3.23.1οἱ δ’ ὑπερβαίνοντες τῶν Πλαταιῶν ἐν τούτῳ, ὡς οἱ πρῶτοι αὐτῶν ἀνεβεβήκεσαν καὶ τοῦ πύργου ἑκατέρου τοὺς φύλακας διαφθείραντες ἐκεκρατήκεσαν, τάς τε διόδους τῶν πύργων ἐνστάντες αὐτοὶ ἐφύλασσον μηδένα δι’ αὐτῶν ἐπιβοηθεῖν, καὶ κλίμακας προσθέντες ἀπὸ τοῦ τείχους τοῖς πύργοις καὶ ἐπαναβιβάσαντες ἄνδρας πλείους, οἱ μὲν ἀπὸ τῶν πύργων τοὺς ἐπιβοηθοῦντας καὶ κάτωθεν καὶ ἄνωθεν εἶργον βάλλοντες, οἱ δ’ ἐν τούτῳ οἱ πλείους πολλὰς προσθέντες κλίμακας ἅμα καὶ τὰς ἐπάλξεις ἀπώσαντες διὰ τοῦ μεταπυργίου ὑπερέβαινον.
한편, 탈출하던 플라타이아이인들은 이 사이에 선발대가 올라가 양쪽 탑의 파수꾼들을 죽이고 그곳을 제압하자, 스스로 탑의 통로를 가로막고 서서 그곳을 통해 아무도 지원하러 오지 못하도록 감시했다. 그리고 성벽에서 탑으로 사다리를 걸쳐 더 많은 인원을 올라가게 한 뒤, 일부는 탑 위에서 위아래로 지원해 오는 자들을 투척으로 저지했고, 그 사이에 대다수를 차지한 나머지 이들은 많은 사다리를 걸침과 동시에 흉벽을 밀어 무너뜨리고 탑 사이의 성벽을 통해 넘어갔다.
§3.23.2ὁ δὲ διακομιζόμενος αἰεὶ ἵστατο ἐπὶ τοῦ χείλους τῆς τάφρου καὶ ἐντεῦθεν ἐτόξευόν τε καὶ ἠκόντιζον, εἴ τις παραβοηθῶν παρὰ τὸ τεῖχος κωλυτὴς γίγνοιτο τῆς διαβάσεως.
건너간 자들은 그때마다 참호 가장자리에 섰고, 만약 성벽을 따라 지원하러 오며 건너는 것을 방해하려는 자가 있으면 그곳에서 활과 투창으로 겨누어 쏘았다.
§3.23.3ἐπεὶ δὲ πάντες διεπεπεραίωντο, οἱ ἀπὸ τῶν πύργων χαλεπῶς οἱ τελευταῖοι καταβαίνοντες ἐχώρουν ἐπὶ τὴν τάφρον, καὶ ἐν τούτῳ οἱ τριακόσιοι αὐτοῖς ἐπεφέροντο λαμπάδας ἔχοντες.
모두가 건너자, 탑에 있던 마지막 인원도 어렵사리 내려와 참호로 향했다. 이때 저 삼백 명의 적들이 횃불을 들고 그들에게 달려들었다.
§3.23.4οἱ μὲν οὖν Πλαταιῆς ἐκείνους ἑώρων μᾶλλον ἐκ τοῦ σκότους ἑστῶτες ἐπὶ τοῦ χείλους τῆς τάφρου, καὶ ἐτόξευόν τε καὶ ἐσηκόντιζον ἐς τὰ γυμνά, αὐτοὶ δὲ ἐν τῷ ἀφανεῖ ὄντες ἧσσον διὰ τὰς λαμπάδας καθεωρῶντο, ὥστε φθάνουσι τῶν Πλαταιῶν καὶ οἱ ὕστατοι διαβάντες τὴν τάφρον, χαλεπῶς δὲ καὶ βιαίως·
그러나 플라타이아이인들은 참호 가장자리에 서서 어둠 속에서 그들을 더 잘 볼 수 있었기에 그들의 무방비한 부분을 겨냥해 활과 투창을 쏘았다. 반면에 자신들은 어둠 속에 있었기에 적들의 횃불 덕분에 오히려 덜 보였다. 그리하여 플라타이아이인들의 마지막 건너는 이들까지도 어렵고 힘들게나마 적보다 한발 앞서 참호를 건넜다.
§3.23.5κρύσταλλός τε γὰρ ἐπεπήγει οὐ βέβαιος ἐν αὐτῇ ὥστ’ ἐπελθεῖν, ἀλλ’ οἷος ἀπηλιώτου [ἢ βορέου] ὑδατώδης μᾶλλον, καὶ ἡ νὺξ τοιούτῳ ἀνέμῳ ὑπονειφομένη πολὺ τὸ ὕδωρ ἐν αὐτῇ ἐπεποιήκει, ὃ μόλις ὑπερέχοντες ἐπεραιώθησαν.
참호에는 걸어갈 수 있을 만큼 단단하지 않고, 동풍(혹은 북풍)이 불 때처럼 다소 물기가 많은 얼음이 얼어 있었던 데다, 그런 바람과 함께 밤새 눈이 흩날려 참호의 물이 크게 불어났기 때문에, 그들은 겨우 머리를 물 밖으로 내민 채 건너야 했기 때문이다.
ἐγένετο δὲ καὶ ἡ διάφευξις αὐτοῖς μᾶλλον διὰ τοῦ χειμῶνος τὸ μέγεθος.
그들이 탈출에 성공할 수 있었던 것도 대체로 이 폭풍우가 매우 거셌던 덕분이었다.