§3.13.1‘τοιαύτας ἔχοντες προφάσεις καὶ αἰτίας, ὦ Λακεδαιμόνιοι καὶ ξύμμαχοι, ἀπέστημεν, σαφεῖς μὲν τοῖς ἀκούουσι γνῶναι ὡς εἰκότως ἐδράσαμεν, ἱκανὰς δὲ ἡμᾶς ἐκφοβῆσαι καὶ πρὸς ἀσφάλειάν τινα τρέψαι, βουλομένους μὲν καὶ πάλαι, ὅτε ἔτι ἐν τῇ εἰρήνῃ ἐπέμψαμεν ὡς ὑμᾶς περὶ ἀποστάσεως, ὑμῶν δὲ οὐ προσδεξαμένων κωλυθέντας·
“스파르타인들과 동맹국 여러분, 우리는 이러한 명분과 이유를 가지고 이탈했습니다. 이는 듣는 이들에게 우리가 당연한 일을 했다는 점을 확실히 알리기에 충분하며, 우리에게는 충분히 두려움을 느껴 어떤 안전책으로 향하게 하기에 족한 것이었습니다. 우리는 예전부터, 아직 평화가 유지되던 시기에 여러분에게 이탈에 관해 사절을 보냈을 때부터 이를 바랐으나, 여러분이 우리를 받아들이지 않아 가로막혔던 것입니다.
νῦν δὲ ἐπειδὴ Βοιωτοὶ προυκαλέσαντο εὐθὺς ὑπηκούσαμεν, καὶ ἐνομίζομεν ἀποστήσεσθαι διπλῆν ἀπόστασιν, ἀπό τε τῶν Ἑλλήνων μὴ ξὺν κακῶς ποιεῖν αὐτοὺς μετ’ Ἀθηναίων ἀλλὰ ξυνελευθεροῦν, ἀπό τε Ἀθηναίων μὴ αὐτοὶ διαφθαρῆναι ὑπ’ ἐκείνων ἐν ὑστέρῳ ἀλλὰ προποιῆσαι.
하지만 이제 보이오티아인들이 제의해 오자 우리는 즉각 이에 따랐으며, 이중의 이탈을 이루게 될 것이라 생각했습니다. 즉, 그리스인들로부터의 이탈로서는 아테네인들과 함께 그들을 해치지 않고 함께 해방시키는 것이며, 아테네인들로부터의 이탈로서는 나중에 그들에 의해 우리가 파멸하지 않고 선수를 쳐서 행동하는 것입니다.
§3.13.2ἡ μέντοι ἀπόστασις ἡμῶν θᾶσσον γεγένηται καὶ ἀπαράσκευος·
그러나 우리의 이탈은 너무 갑작스럽고 준비 없이 이루어졌습니다.
ᾗ καὶ μᾶλλον χρὴ ξυμμάχους δεξαμένους ἡμᾶς διὰ ταχέων βοήθειαν ἀποστέλλειν, ἵνα φαίνησθε ἀμύνοντές τε οἷς δεῖ καὶ ἐν τῷ αὐτῷ τοὺς πολεμίους βλάπτοντες.
그렇기에 더욱 여러분은 우리를 동맹국으로 받아들이고 신속하게 원군을 보내야 마땅합니다. 그리하여 여러분이 마땅히 보호해야 할 자들을 보호하는 한편, 동시에 적들에게 타격을 주는 모습을 보여주어야 합니다.
§3.13.3καιρὸς δὲ ὡς οὔπω πρότερον.
기회는 그 어느 때보다도 지금입니다.
νόσῳ τε γὰρ ἐφθάραται Ἀθηναῖοι καὶ χρημάτων δαπάνῃ, νῆές τε αὐτοῖς αἱ μὲν περὶ τὴν ὑμετέραν εἰσίν, αἱ δ’ ἐφ’ ἡμῖν τετάχαται.
아테네인들은 전염병과 전비 지출로 황폐해졌으며, 그들의 배들은 일부는 여러분의 영토 주변에 있고, 다른 일부는 우리를 상대로 배치되어 있습니다.
§3.13.4ὥστε οὐκ εἰκὸς αὐτοὺς περιουσίαν νεῶν ἔχειν, ἢν ὑμεῖς ἐν τῷ θέρει τῷδε ναυσί τε καὶ πεζῷ ἅμα ἐπεσβάλητε τὸ δεύτερον, ἀλλ’ ἢ ὑμᾶς οὐκ ἀμυνοῦνται ἐπιπλέοντας ἢ ἀπ᾽ ἀμφοτέρων ἀποχωρήσονται.
그러므로 여러분이 이번 여름에 해군과 육군으로 동시에 두 번째 침공을 감행한다면, 그들에게 선박의 여력이 있을 리 없습니다. 그들은 침공해 오는 여러분을 막아내지 못하거나, 아니면 양쪽 전선 모두에서 퇴각할 것입니다.
§3.13.5νομίσῃ τε μηδεὶς ἀλλοτρίας γῆς πέρι οἰκεῖον κίνδυνον ἕξειν.
그리고 남의 땅을 위해 자신의 위험을 감수하는 것이라 생각하는 사람이 아무도 없게 하십시오.
ᾧ γὰρ δοκεῖ μακρὰν ἀπεῖναι ἡ Λέσβος, τὴν ὠφελίαν αὐτῷ ἐγγύθεν παρέξει.
레스보스가 멀리 떨어져 있는 것처럼 보이는 사람에게도, 그 혜택은 가까운 곳에서 전해질 것입니다.
οὐ γὰρ ἐν τῇ Ἀττικῇ ἔσται ὁ πόλεμος, ὥς τις οἴεται, ἀλλὰ δι’ ἣν ἡ Ἀττικὴ ὠφελεῖται.
전쟁은 누군가 생각하듯 아티카에서 일어나는 것이 아니라, 아티카가 그것을 통해 이익을 얻는 바로 그 땅에서 일어날 것이기 때문입니다.
§3.13.6ἔστι δὲ τῶν χρημάτων ἀπὸ τῶν ξυμμάχων ἡ πρόσοδος, καὶ ἔτι μείζων ἔσται, εἰ ἡμᾶς καταστρέψονται·
그리고 그 자금 수입은 동맹국들로부터 나오는데, 만약 그들이 우리를 굴복시킨다면 그 수입은 한층 더 커질 것입니다.
οὔτε γὰρ ἀποστήσεται ἄλλος τά τε ἡμέτερα προσγενήσεται, πάθοιμέν τ’ ἂν δεινότερα ἢ οἱ πρὶν δουλεύοντες.
다른 이들이 아무도 이탈하지 않게 될 뿐만 아니라 우리의 재산이 그들에게 더해질 것이며, 우리는 이전에 이미 노예가 된 자들보다 더 끔찍한 일을 당할 것이기 때문입니다.
§3.13.7βοηθησάντων δὲ ὑμῶν προθύμως πόλιν τε προσλήψεσθε ναυτικὸν ἔχουσαν μέγα, οὗπερ ὑμῖν μάλιστα προσδεῖ, καὶ Ἀθηναίους ῥᾷον καθαιρήσετε ὑφαιροῦντες αὐτῶν τοὺς ξυμμάχους (θρασύτερον γὰρ πᾶς τις προσχωρήσεται), τήν τε αἰτίαν ἀποφεύξεσθε ἣν εἴχετε μὴ βοηθεῖν τοῖς ἀφισταμένοις.
그러나 여러분이 열심히 돕는다면, 여러분에게 가장 절실히 필요한 대규모 해군을 보유한 도시를 얻게 될 것이며, 아테네인들로부터 그 동맹국들을 빼앗음으로써 그들을 더 쉽게 타도하게 될 것입니다 (누구나 더 대담하게 여러분 편으로 가담할 것이기 때문입니다). 또한 이탈하는 자들을 돕지 않는다는 평판에서도 벗어나게 될 것입니다.
ἢν δ’ ἐλευθεροῦντες φαίνησθε, τὸ κράτος τοῦ πολέμου βεβαιότερον ἕξετε.
만약 여러분이 해방자로 나타난다면, 전쟁의 주도권을 더욱 확실하게 쥐게 될 것입니다.”