§2.79.1τοῦ δ’ αὐτοῦ θέρους καὶ ἅμα τῇ τῶν Πλαταιῶν ἐπιστρατείᾳ Ἀθηναῖοι δισχιλίοις ὁπλίταις ἑαυτῶν καὶ ἱππεῦσι διακοσίοις ἐπεστράτευσαν ἐπὶ Χαλκιδέας τοὺς ἐπὶ Θρᾴκης καὶ Βοττιαίους ἀκμάζοντος τοῦ σίτου·
在同一年夏天，且正当对普拉提亚远征之时，雅典人趁着庄稼成熟的季节，率领己方的两千名重装步兵和两百名骑兵，对色雷斯沿海地区的卡尔基迪亚人以及波提亚人发动了远征。
ἐστρατήγει δὲ Ξενοφῶν ὁ Εὐριπίδου τρίτος αὐτός.
将领是欧里庇得斯之子色诺芬，他是三位指挥官之一。
§2.79.2ἐλθόντες δὲ ὑπὸ Σπάρτωλον τὴν Βοττικὴν τὸν σῖτον διέφθειραν.
他们抵达波提亚的斯帕尔托洛斯城下，并毁坏了庄稼。
ἐδόκει δὲ καὶ προσχωρήσειν ἡ πόλις ὑπό τινων ἔνδοθεν πρασσόντων.
由于城内有人暗中串通，该城似乎行将投降。
προσπεμψάντων δὲ ἐς Ὄλυνθον τῶν οὐ ταὐτὰ βουλομένων ὁπλῖταί τε ἦλθον καὶ στρατιὰ ἐς φυλακήν·
但由于反对投降的人派人前往奥林索斯，于是一支重装步兵和军队赶来防守。
ἧς ἐπεξελθούσης ἐκ τῆς Σπαρτώλου ἐς μάχην καθίστανται οἱ Ἀθηναῖοι ὑπ’ αὐτῇ τῇ πόλει.
当这支守军从斯帕尔托洛斯出城迎击时，雅典人便在城墙下与他们展开了交战。
§2.79.3καὶ οἱ μὲν ὁπλῖται τῶν Χαλκιδέων καὶ ἐπίκουροί τινες μετ’ αὐτῶν νικῶνται ὑπὸ τῶν Ἀθηναίων καὶ ἀναχωροῦσιν ἐς τὴν Σπάρτωλον, οἱ δὲ ἱππῆς τῶν Χαλκιδέων καὶ ψιλοὶ νικῶσι τοὺς τῶν Ἀθηναίων ἱππέας καὶ ψιλούς·
卡尔基迪亚人的重装步兵以及与之协同作战的一些辅助部队被雅典人击败，退回斯帕尔托洛斯城内；但卡尔基迪亚人的骑兵和轻装步兵却击败了雅典人的骑兵和轻装步兵。
§2.79.4εἶχον δέ τινας οὐ πολλοὺς πελταστὰς ἐκ τῆς Κρουσίδος γῆς καλουμένης.
他们拥有一些来自所谓克鲁西斯地区的轻盾兵，人数并不多。
ἄρτι δὲ τῆς μάχης γεγενημένης ἐπιβοηθοῦσιν ἄλλοι πελτασταὶ ἐκ τῆς Ὀλύνθου.
就在战斗刚刚结束时，又有其他的轻盾兵从奥林索斯赶来增援。
§2.79.5καὶ οἱ ἐκ τῆς Σπαρτώλου ψιλοὶ ὡς εἶδον, θαρσήσαντες τοῖς τε προσγιγνομένοις καὶ ὅτι πρότερον οὐχ ἥσσηντο, ἐπιτίθενται αὖθις μετὰ τῶν Χαλκιδέων ἱππέων καὶ τῶν προσβοηθησάντων τοῖς Ἀθηναίοις· καὶ ἀναχωροῦσι πρὸς τὰς δύο τάξεις ἃς κατέλιπον παρὰ τοῖς σκευοφόροις.
斯帕尔托洛斯的轻装兵见此情景，因增援力量的到达以及之前并未战败而勇气大增，便与卡尔基迪亚人的骑兵及增援部队一起，再次向雅典人发起进攻；雅典人被迫向他们留在行李车队旁守卫的两支部队退却。
§2.79.6καὶ ὁπότε μὲν ἐπίοιεν οἱ Ἀθηναῖοι, ἐνεδίδοσαν, ἀναχωροῦσι δ’ ἐνέκειντο καὶ ἐσηκόντιζον.
每当雅典人发起冲锋，他们便往后退让；而当雅典人退却时，他们便紧逼上去，投掷标枪。
οἵ τε ἱππῆς τῶν Χαλκιδέων προσιππεύοντες ᾗ δοκοίη προσέβαλλον, καὶ οὐχ ἥκιστα φοβήσαντες ἔτρεψαν τοὺς Ἀθηναίους καὶ ἐπεδίωξαν ἐπὶ πολύ.
卡尔基迪亚人的骑兵也乘马逼近，在他们认为合适的地方发起冲击，给雅典人造成了极大的恐慌，使其溃败，并追击了很远。
§2.79.7καὶ οἱ μὲν Ἀθηναῖοι ἐς τὴν Ποτείδαιαν καταφεύγουσι, καὶ ὕστερον τοὺς νεκροὺς ὑποσπόνδους κομισάμενοι ἐς τὰς Ἀθήνας ἀναχωροῦσι τῷ περιόντι τοῦ στρατοῦ·
雅典人逃往波提狄亚，随后在休战协定下收回了尸体，带着残部返回了雅典。
ἀπέθανον δὲ αὐτῶν τριάκοντα καὶ τετρακόσιοι καὶ οἱ στρατηγοὶ πάντες.
他们损失了四百三十人，且将领全部阵亡。
οἱ δὲ Χαλκιδῆς καὶ Βοττιαῖοι τροπαῖόν τε ἔστησαν καὶ τοὺς νεκροὺς τοὺς αὑτῶν ἀνελόμενοι διελύθησαν κατὰ πόλεις.
卡尔基迪亚人和波提亚人则树立了胜利纪念碑，收回了自己一方的尸体，并各自返回了自己的城邦。