§2.25.1οἱ δ’ ἐν ταῖς ἑκατὸν ναυσὶ περὶ Πελοπόννησον Ἀθηναῖοι καὶ Κερκυραῖοι μετ’ αὐτῶν πεντήκοντα ναυσὶ προσβεβοηθηκότες καὶ ἄλλοι τινὲς τῶν ἐκεῖ ξυμμάχων ἄλλα τε ἐκάκουν περιπλέοντες καὶ ἐς Μεθώνην τῆς Λακωνικῆς ἀποβάντες τῷ τείχει προσέβαλον ὄντι ἀσθενεῖ καὶ ἀνθρώπων οὐκ ἐνόντων.
한편 백 척의 배를 타고 펠로폰네소스 주변에 있던 아테나이인들과, 그들을 지원하기 위해 쉰 척의 배로 합류한 케르키라인들, 그리고 그 지역의 다른 동맹국들의 일부는 주변을 항해하면서 여러 곳을 유린하였고, 라코니카의 메토네에 상륙하여 취약하고 방어하는 사람이 없던 성벽을 공격했다.
§2.25.2ἔτυχε δὲ περὶ τοὺς χώρους τούτους Βρασίδας ὁ Τέλλιδος ἀνὴρ Σπαρτιάτης φρουρὰν ἔχων, καὶ αἰσθόμενος ἐβοήθει τοῖς ἐν τῷ χωρίῳ μετὰ ὁπλιτῶν ἑκατόν.
마침 텔리스의 아들인 스파르타인 브라시다스가 수비대를 이끌고 이 지역에 머물고 있었는데, 그는 이를 알아차리고 백 명의 중장보병과 함께 그곳의 사람들을 구원하러 나섰다.
διαδραμὼν δὲ τὸ τῶν Ἀθηναίων στρατόπεδον ἐσκεδασμένον κατὰ τὴν χώραν καὶ πρὸς τὸ τεῖχος τετραμμένον ἐσπίπτει ἐς τὴν Μεθώνην καὶ ὀλίγους τινὰς ἐν τῇ ἐσδρομῇ ἀπολέσας τῶν μεθ’ αὑτοῦ τήν τε πόλιν περιεποίησε καὶ ἀπὸ τούτου τοῦ τολμήματος πρῶτος τῶν κατὰ τὸν πόλεμον ἐπῃνέθη ἐν Σπάρτῃ.
그는 사방으로 흩어져 성벽을 향해 가고 있던 아테나이인들의 군대 사이를 뚫고 달려가 메토네 성 안으로 진입했다. 진입하는 과정에서 부하 몇 명을 잃기는 했으나, 그는 도시를 구상해 냈고, 이 대담한 수훈으로 인해 이번 전쟁 중 스파르타에서 최초로 찬사를 받은 인물이 되었다.
§2.25.3οἱ δὲ Ἀθηναῖοι ἄραντες παρέπλεον, καὶ σχόντες τῆς Ἠλείας ἐς Φειὰν ἐδῄουν τὴν γῆν ἐπὶ δύο ἡμέρας καὶ προσβοηθήσαντας τῶν ἐκ τῆς κοίλης Ἤλιδος τριακοσίους λογάδας καὶ τῶν αὐτόθεν ἐκ τῆς περιοικίδος Ἠλείων μάχῃ ἐκράτησαν.
아테나이인들은 배를 띄워 연안을 따라 항해하다가 엘리스 영토의 페이아에 닻을 내리고 이틀 동안 그 땅을 황폐화했으며, 원군으로 온 '분지 엘리스'의 정예병 삼백 명과 그곳 변두리 지역의 엘리스인들을 전투에서 격파했다.
§2.25.4ἀνέμου δὲ κατιόντος μεγάλου χειμαζόμενοι ἐν ἀλιμένῳ χωρίῳ, οἱ μὲν πολλοὶ ἐπέβησαν ἐπὶ τὰς ναῦς καὶ περιέπλεον τὸν Ἰχθῦν καλούμενον τὴν ἄκραν ἐς τὸν ἐν τῇ Φειᾷ λιμένα, οἱ δὲ Μεσσήνιοι ἐν τούτῳ καὶ ἄλλοι τινὲς οἱ οὐ δυνάμενοι ἐπιβῆναι κατὰ γῆν χωρήσαντες τὴν Φειὰν αἱροῦσιν.
그러나 거센 바람이 불어닥쳐 항구가 없는 곳에서 폭풍우를 만나자, 대다수의 사람들은 배에 올라타 '이크티스'라 불리는 곶을 돌아 페이아의 항구로 우회하여 갔고, 그동안 배에 타지 못했던 메세니아인들과 그 밖의 몇몇 사람들은 육로로 행군하여 페이아를 함락시켰다.
§2.25.5καὶ ὕστερον αἵ τε νῆες περιπλεύσασαι ἀναλαμβάνουσιν αὐτοὺς καὶ ἐξανάγονται ἐκλιπόντες Φειάν, καὶ τῶν Ἠλείων ἡ πολλὴ ἤδη στρατιὰ προσεβεβοηθήκει.
이후 우회해 온 배들이 이들을 태우고 페이아를 비운 채 바다로 나아갔는데, 이때 이미 엘리스인들의 대군이 구원하러 당도해 있었다.
παραπλεύσαντες δὲ οἱ Ἀθηναῖοι ἐπὶ ἄλλα χωρία ἐδῄουν.
아테나이인들은 연안을 따라 더 항해하며 다른 지역들을 유린했다.