§2.101.1ὁ δὲ Σιτάλκης πρός τε τὸν Περδίκκαν λόγους ἐποιεῖτο ὧν ἕνεκα ἐστράτευσε, καὶ ἐπειδὴ οἱ Ἀθηναῖοι οὐ παρῆσαν ταῖς ναυσίν, ἀπιστοῦντες αὐτὸν μὴ ἥξειν, δῶρα δὲ καὶ πρέσβεις ἔπεμψαν αὐτῷ, ἔς τε τοὺς Χαλκιδέας καὶ Βοττιαίους μέρος τι τοῦ στρατοῦ πέμπει, καὶ τειχήρεις ποιήσας ἐδῄου τὴν γῆν.
시탈케스는 한편으로 자신이 원정한 이유에 대해 페르디카스와 협상을 벌이고 있었는데, 아테네인들이 그가 오지 않을 것이라 의심하여 함선을 이끌고 오지 않고 대신 그에게 선물과 사절단을 보냈기 때문에, 칼키디아인들과 보티아이아인들을 향해 군대의 일부를 파견하여 그들을 성벽 안에 가두고 그 땅을 약탈했다.
§2.101.2καθημένου δ’ αὐτοῦ περὶ τοὺς χώρους τούτους οἱ πρὸς νότον οἰκοῦντες Θεσσαλοὶ καὶ Μάγνητες καὶ οἱ ἄλλοι ὑπήκοοι Θεσσαλῶν καὶ οἱ μέχρι Θερμοπυλῶν Ἕλληνες ἐφοβήθησαν μὴ καὶ ἐπὶ σφᾶς ὁ στρατὸς χωρήσῃ, καὶ ἐν παρασκευῇ ἦσαν.
그가 이 지역들에 머무르고 있는 동안, 남쪽에 거주하는 테살리아인들과 마그네스인들, 그리고 테살리아인들의 다른 속민들과 테르모필레에 이르는 그리스인들은 그 군세가 자신들에게도 밀려오지 않을까 두려워하며 대비 태세를 갖추고 있었다.
§2.101.3ἐφοβήθησαν δὲ καὶ οἱ πέραν Στρυμόνος πρὸς βορέαν Θρᾷκες, ὅσοι πεδία εἶχον, Παναῖοι καὶ Ὀδόμαντοι καὶ Δρῶοι καὶ Δερσαῖοι·
또한 스트리몬강 너머 북쪽에 거주하는 트라키아인들 중 평야를 차지하고 있던 자들, 즉 파나이오이인, 오도만토이인, 드로오이인, 데르사이오이인 등도 두려워했다.
αὐτόνομοι δ’ εἰσὶ πάντες.
이들은 모두 자치권을 가진 독립된 부족들이다.
§2.101.4παρέσχε δὲ λόγον καὶ ἐπὶ τοὺς τῶν Ἀθηναίων πολεμίους Ἕλληνας, μὴ ὑπ’ αὐτῶν ἀγόμενοι κατὰ τὸ ξυμμαχικὸν καὶ ἐπὶ σφᾶς χωρήσωσιν.
또한 이 일은 아테네인의 적대적인 그리스인들 사이에서도, 그들이 아테네인들에게 이끌려 동맹 관계에 따라 자신들에게도 진격해 오지 않을까 하는 우려를 불러일으켰다.
§2.101.5ὁ δὲ τήν τε Χαλκιδικὴν καὶ Βοττικὴν καὶ Μακεδονίαν ἅμα ἐπέχων ἔφθειρε, καὶ ἐπειδὴ αὐτῷ οὐδὲν ἐπράσσετο ὧν ἕνεκα ἐσέβαλε καὶ ἡ στρατιὰ σῖτόν τε οὐκ εἶχεν αὐτῷ καὶ ὑπὸ χειμῶνος ἐταλαιπώρει, ἀναπείθεται ὑπὸ Σεύθου τοῦ Σπαραδόκου, ἀδελφιδοῦ ὄντος καὶ μέγιστον μεθ’ ἑαυτὸν δυναμένου, ὥστ’ ἐν τάχει ἀπελθεῖν.
한편 시탈케스는 칼키디케, 보티케, 마케도니아를 동시에 장악하고 황폐화시키고 있었으나, 침공한 목적 중 그 어느 것도 달성되지 않았고, 군대에는 식량이 부족한 데다 겨울의 추위로 고통을 겪고 있었기 때문에, 자신의 조카이자 자신 다음으로 가장 큰 권력을 가진 자인 스파라도코스의 아들 세우테스에게 설득당해 신속히 퇴각하기로 했다.
τὸν δὲ Σεύθην κρύφα Περδίκκας ὑποσχόμενος ἀδελφὴν ἑαυτοῦ δώσειν καὶ χρήματα ἐπ’ αὐτῇ προσποιεῖται.
그런데 페르디카스는 은밀히 세우테스에게 자신의 누이를 아내로 주고 지참금으로 돈을 주겠다고 약속하여 그를 포섭했던 것이다.
§2.101.6καὶ ὁ μὲν πεισθεὶς καὶ μείνας τριάκοντα τὰς πάσας ἡμέρας, τούτων δὲ ὀκτὼ ἐν Χαλκιδεῦσιν, ἀνεχώρησε τῷ στρατῷ κατὰ τάχος ἐπ’ οἴκου·
그리하여 시탈케스는 설득을 받아들여 총 30일 동안(그중 8일은 칼키디아인들의 땅에서 보냈다) 머문 뒤, 군대를 이끌고 서둘러 귀국 길에 올랐다.
Περδίκκας δὲ ὕστερον Στρατονίκην τὴν ἑαυτοῦ ἀδελφὴν δίδωσι Σεύθῃ, ὥσπερ ὑπέσχετο.
그리고 페르디카스는 나중에 약속대로 자신의 누이 스트라토니케를 세우테스에게 아내로 주았다.
τὰ μὲν οὖν κατὰ τὴν Σιτάλκου στρατείαν οὕτως ἐγένετο.
시탈케스의 원정에 관한 일들은 이와 같이 끝났다.