§1.58.1Ποτειδεᾶται δὲ πέμψαντες μὲν καὶ παρ’ Ἀθηναίους πρέσβεις, εἴ πως πείσειαν μὴ σφῶν πέρι νεωτερίζειν μηδέν, ἐλθόντες δὲ καὶ ἐς τὴν Λακεδαίμονα μετὰ Κορινθίων, [ἔπρασσον] ὅπως ἑτοιμάσαιντο τιμωρίαν, ἢν δέῃ, ἐπειδὴ ἔκ τε Ἀθηνῶν ἐκ πολλοῦ πράσσοντες οὐδὲν ηὕροντο ἐπιτήδειον, ἀλλ’ αἱ νῆες αἱ ἐπὶ Μακεδονίαν καὶ ἐπὶ σφᾶς ὁμοίως ἔπλεον, καὶ τὰ τέλη τῶν Λακεδαιμονίων ὑπέσχετο αὐτοῖς, ἢν ἐπὶ Ποτείδαιαν ἴωσιν Ἀθηναῖοι, ἐς τὴν Ἀττικὴν ἐσβαλεῖν, τότε δὴ κατὰ τὸν καιρὸν τοῦτον ἀφίστανται μετὰ Χαλκιδέων καὶ Βοττιαίων κοινῇ ξυνομόσαντες.
포테이다이아인들은 한편으로는 아테네인들에게도 사절을 보내어 자신들에 대해 어떠한 강경한 조치도 취하지 않도록 어떻게든 설득하려 시도했고, 다른 한편으로는 코린토스인들과 함께 라케다이몬으로 가서 필요할 때 지원을 확보할 수 있도록 교섭했다. 그러나 오랫동안 교섭했음에도 아테네인들로부터는 아무런 유리한 결과를 얻지 못했고, 오히려 마케도니아와 자신들을 향해 똑같이 전선들이 출항한 반면, 라케다이몬의 당국자들은 아테네인들이 포테이다이아로 진격할 경우 아티카를 침공하겠다고 약속하자, 바로 이 시점에 그들은 칼키디우스인 및 보티아이오스인들과 공동으로 맹세를 맺고 반란을 일으켰다.
§1.58.2καὶ Περδίκκας πείθει Χαλκιδέας τὰς ἐπὶ θαλάσσῃ πόλεις ἐκλιπόντας καὶ καταβαλόντας ἀνοικίσασθαι ἐς Ὄλυνθον μίαν τε πόλιν ταύτην ἰσχυρὰν ποιήσασθαι·
그리고 페르디카스는 칼키디우스인들에게 해안가에 있는 도시들을 버리고 허물어뜨린 뒤, 내륙의 올린토스로 이주하여 이 하나의 도시를 강력하게 만들라고 설득했다.
τοῖς τ’ ἐκλιποῦσι τούτοις τῆς ἑαυτοῦ γῆς τῆς Μυγδονίας περὶ τὴν Βόλβην λίμνην ἔδωκε νέμεσθαι, ἕως ἂν ὁ πρὸς Ἀθηναίους πόλεμος ᾖ.
또한 그는 도시를 버리고 떠난 이들에게 아테네인들과의 전쟁이 계속되는 동안 볼베 호수 주변에 있는 자신의 영토 미그도니아의 일부를 경작지로 나누어 주었다.
καὶ οἱ μὲν ἀνῳκίζοντό τε καθαιροῦντες τὰς πόλεις καὶ ἐς πόλεμον παρεσκευάζοντο·
그리하여 그들은 도시를 허물고 내륙으로 이주하며 전쟁 준비를 시작했다.