§1.29.1Κορίνθιοι δὲ οὐδὲν τούτων ὑπήκουον, ἀλλ’ ἐπειδὴ πλήρεις αὐτοῖς ἦσαν αἱ νῆες καὶ οἱ ξύμμαχοι παρῆσαν, προπέμψαντες κήρυκα πρότερον πόλεμον προεροῦντα Κερκυραίοις, ἄραντες ἑβδομήκοντα ναυσὶ καὶ πέντε δισχιλίοις τε ὁπλίταις ἔπλεον ἐπὶ τὴν Ἐπίδαμνον Κερκυραίοις ἐναντία πολεμήσοντες·
코린토스인들은 이러한 요구에 전혀 응하지 않았다. 하지만 그들의 배가 완전히 채워지고 동맹국들이 도착하자, 그들은 먼저 케르키라인들에게 전쟁을 선포할 전령을 파견한 뒤, 75척의 배와 2,000명의 중장보병을 이끌고 출항하여 케르키라인들과 맞서 싸우기 위해 에피담노스로 향했다.
§1.29.2ἐστρατήγει δὲ τῶν μὲν νεῶν Ἀριστεὺς ὁ Πελλίχου καὶ Καλλικράτης ὁ Καλλίου καὶ Τιμάνωρ ὁ Τιμάνθους, τοῦ δὲ πεζοῦ Ἀρχέτιμός τε ὁ Εὐρυτίμου καὶ Ἰσαρχίδας ὁ Ἰσάρχου.
함대의 지휘관은 펠리코스의 아들 아리스테우스, 칼리아스의 아들 칼리크라테스, 티만테스의 아들 티마노르였고, 육상 부대의 지휘관은 에우리티모스의 아들 아르케티모스와 이사르코스의 아들 이사르키다스였다.
§1.29.3ἐπειδὴ δ’ ἐγένοντο ἐν Ἀκτίῳ τῆς Ἀνακτορίας γῆς, οὗ τὸ ἱερὸν τοῦ Ἀπόλλωνός ἐστιν, ἐπὶ τῷ στόματι τοῦ Ἀμπρακικοῦ κόλπου, οἱ Κερκυραῖοι κήρυκά τε προύπεμψαν αὐτοῖς ἐν ἀκατίῳ ἀπεροῦντα μὴ πλεῖν ἐπὶ σφᾶς καὶ τὰς ναῦς ἅμα ἐπλήρουν, ζεύξαντές τε τὰς παλαιὰς ὥστε πλωίμους εἶναι καὶ τὰς ἄλλας ἐπισκευάσαντες.
그들이 아낙토리온 영토 내의 악티온, 즉 암브라키아 만의 입구에 있는 아폴론 신전이 있는 곳에 이르렀을 때, 케르키라인들은 소형 보트에 전령을 태워 그들에게 보내어 자신들을 향해 항해해 오지 말라고 경고하는 한편, 자신들의 배의 선원을 채웠다. 이때 그들은 오래된 배들을 보강하여 항해에 적합하게 만들고 다른 배들도 수리했다.
§1.29.4ὡς δὲ ὁ κῆρύξ τε ἀπήγγειλεν οὐδὲν εἰρηναῖον παρὰ τῶν Κορινθίων καὶ αἱ νῆες αὐτοῖς ἐπεπλήρωντο οὖσαι ὀγδοήκοντα (τεσσαράκοντα γὰρ Ἐπίδαμνον ἐπολιόρκουν), ἀνταναγαγόμενοι καὶ παραταξάμενοι ἐναυμάχησαν·
전령이 코린토스인들로부터 평화적인 답변이 전혀 없었다고 보고하고, 그들의 배가 80척으로 완전히 채워지자(40척은 에피담노스를 포위하고 있었기 때문이다), 그들은 맞서 출격하여 전열을 정비하고 해전을 벌였다.
§1.29.5καὶ ἐνίκησαν οἱ Κερκυραῖοι παρὰ πολὺ καὶ ναῦς πέντε καὶ δέκα διέφθειραν τῶν Κορινθίων.
케르키라인들은 압도적인 승리를 거두었으며, 코린토스인들의 배 중 15척을 파괴했다.
τῇ δὲ αὐτῇ ἡμέρᾳ αὐτοῖς ξυνέβη καὶ τοὺς τὴν Ἐπίδαμνον πολιορκοῦντας παραστήσασθαι ὁμολογίᾳ ὥστε τοὺς μὲν ἐπήλυδας ἀποδόσθαι, Κορινθίους δὲ δήσαντας ἔχειν ἕως ἂν ἄλλο τι δόξῃ.
또한 같은 날, 에피담노스를 포위하고 있던 자들이 이주민들은 노예로 팔고, 코린토스인들은 다른 결정이 내려질 때까지 포박해 두는 조건의 합의하에 그들을 항복시키는 일도 일어났다.