§1.30.1μετὰ δὲ τὴν ναυμαχίαν οἱ Κερκυραῖοι τροπαῖον στήσαντες ἐπὶ τῇ Λευκίμμῃ τῆς Κερκυραίας ἀκρωτηρίῳ τοὺς μὲν ἄλλους οὓς ἔλαβον αἰχμαλώτους ἀπέκτειναν, Κορινθίους δὲ δήσαντες εἶχον.
해전이 끝난 후, 케르키라인들은 케르키라 영토의 곶인 레우키메에 전승 기념비를 세우고, 포로로 잡은 다른 이들은 처형했으나 코린토스인들은 계속 묶어두었다.
§1.30.2ὕστερον δέ, ἐπειδὴ οἱ Κορίνθιοι καὶ οἱ ξύμμαχοι ἡσσημένοι ταῖς ναυσὶν ἀνεχώρησαν ἐπ᾽ οἴκου, τῆς θαλάσσης ἁπάσης ἐκράτουν τῆς κατ’ ἐκεῖνα τὰ χωρία οἱ Κερκυραῖοι, καὶ πλεύσαντες ἐς Λευκάδα τὴν Κορινθίων ἀποικίαν τῆς γῆς ἔτεμον καὶ Κυλλήνην τὸ Ἠλείων ἐπίνειον ἐνέπρησαν, ὅτι ναῦς καὶ χρήματα παρέσχον Κορινθίοις.
그 뒤, 코린토스인들과 그 동맹국들이 해전에서 패하여 본국으로 철수하자, 케르키라인들은 그 지역 일대의 모든 바다를 지배하게 되었으며, 코린토스의 식민지인 레우카스로 항해하여 그 토지를 황폐화하고, 엘리스인들의 군항인 킬레네를 불태웠다. 그들이 코린토스인들에게 배와 자금을 제공했기 때문이다.
§1.30.3τοῦ τε χρόνου τὸν πλεῖστον μετὰ τὴν ναυμαχίαν ἐπεκράτουν τῆς θαλάσσης καὶ τοὺς τῶν Κορινθίων ξυμμάχους ἐπιπλέοντες ἔφθειρον, μέχρι οὗ Κορίνθιοι περιιόντι τῷ θέρει πέμψαντες ναῦς καὶ στρατιάν, ἐπεὶ σφῶν οἱ ξύμμαχοι ἐπόνουν, ἐστρατοπεδεύοντο ἐπὶ Ἀκτίῳ καὶ περὶ τὸ Χειμέριον τῆς Θεσπρωτίδος φυλακῆς ἕνεκα τῆς τε Λευκάδος καὶ τῶν ἄλλων πόλεων ὅσαι σφίσι φίλιαι ἦσαν.
그들은 해전 후 대부분의 기간 동안 바다를 지배하며 코린토스인들의 동맹국들을 습격하여 피해를 입혔는데, 마침내 코린토스인들이 여름이 저물어 갈 무렵, 자신들의 동맹국들이 곤경에 처하자 배와 군대를 파견하여 레우카스와 자신들에게 우호적인 다른 모든 도시들을 방어하기 위해 악티온과 테스프로티스 지방의 케이메리온 부근에 진을 쳤다.
§1.30.4ἀντεστρατοπεδεύοντο δὲ καὶ οἱ Κερκυραῖοι ἐπὶ τῇ Λευκίμμῃ ναυσί τε καὶ πεζῷ.
케르키라인들도 레우키메에 배와 육상 부대를 배치하여 이에 맞서 진을 쳤다.
ἐπέπλεον δὲ οὐδέτεροι ἀλλήλοις, ἀλλὰ τὸ θέρος τοῦτο ἀντικαθεζόμενοι χειμῶνος ἤδη ἀνεχώρησαν ἐπ᾽ οἴκου ἑκάτεροι.
양측 모두 상대방을 먼저 공격하지 않았고, 이번 여름 동안 서로 대치 상태를 유지하다가, 겨울이 되자 각각 본국으로 철수했다.