§1.26.1πάντων οὖν τούτων ἐγκλήματα ἔχοντες οἱ Κορίνθιοι ἔπεμπον ἐς τὴν Ἐπίδαμνον ἄσμενοι τὴν ὠφελίαν, οἰκήτορά τε τὸν βουλόμενον ἰέναι κελεύοντες καὶ Ἀμπρακιωτῶν καὶ Λευκαδίων καὶ ἑαυτῶν φρουρούς.
이처럼 코린토스인들은 이 모든 불만을 품고 있었기에 기꺼이 에피담노스에 원조를 보냈으며, 가고자 하는 사람은 누구든 이주민으로서 가라고 독려하고, 암브라키아인과 레우카스인 및 자신들의 수비대를 파견했다.
§1.26.2ἐπορεύθησαν δὲ πεζῇ ἐς Ἀπολλωνίαν, Κορινθίων οὖσαν ἀποικίαν, δέει τῶν Κερκυραίων μὴ κωλύωνται ὑπ’ αὐτῶν κατὰ θάλασσαν περαιούμενοι.
그들은 바다를 건너가다가 케르키라인들에게 저지당할까 두려워하여, 코린토스의 식민 도시인 아폴로니아까지 육로로 이동했다.
§1.26.3Κερκυραῖοι δὲ ἐπειδὴ ᾔσθοντο τούς τε οἰκήτορας καὶ φρουροὺς ἥκοντας ἐς τὴν Ἐπίδαμνον τήν τε ἀποικίαν Κορινθίοις δεδομένην, ἐχαλέπαινον·
그러나 케르키라인들은 이주민들과 수비대가 에피담노스에 도착했다는 것과 그 식민 도시가 코린토스인들에게 양도되었다는 것을 알게 되자 분개했다.
καὶ πλεύσαντες εὐθὺς πέντε καὶ εἴκοσι ναυσὶ καὶ ὕστερον ἑτέρῳ στόλῳ τούς τε φεύγοντας ἐκέλευον κατ’ ἐπήρειαν δέχεσθαι αὐτούς (ἦλθον γὰρ ἐς τὴν Κέρκυραν οἱ τῶν Ἐπιδαμνίων φυγάδες, τάφους τε ἀποδεικνύντες καὶ ξυγγένειαν, ἣν προϊσχόμενοι ἐδέοντο σφᾶς κατάγειν) τούς τε φρουροὺς οὓς Κορίνθιοι ἔπεμψαν καὶ τοὺς οἰκήτορας ἀποπέμπειν.
그리하여 그들은 즉시 25척의 배를 타고, 나중에는 다른 함대를 이끌고 출항하여, 시비를 걸며 망명객들을 받아들이라고 그들에게 요구했다 (에피담노스의 망명객들이 케르키라로 와서 무덤들과 친족 관계를 내세우며 자신들을 복귀시켜 달라고 간청했기 때문이다). 또한 코린토스인들이 보낸 수비대와 이주민들을 돌려보내라고 요구했다.
§1.26.4οἱ δὲ Ἐπιδάμνιοι οὐδὲν αὐτῶν ὑπήκουσαν, ἀλλὰ στρατεύουσιν ἐπ’ αὐτοὺς οἱ Κερκυραῖοι τεσσαράκοντα ναυσὶ μετὰ τῶν φυγάδων ὡς κατάξοντες, καὶ τοὺς Ἰλλυριοὺς προσλαβόντες.
하지만 에피담노스인들은 그들의 요구에 전혀 귀를 기울이지 않았다. 그러자 케르키라인들은 망명객들을 복귀시키기 위해 그들과 함께 40척의 배를 이끌고 원정에 나섰으며, 일리리아인들까지 동맹으로 끌어들였다.
§1.26.5προσκαθεζόμενοι δὲ τὴν πόλιν προεῖπον Ἐπιδαμνίων τε τὸν βουλόμενον καὶ τοὺς ξένους ἀπαθεῖς ἀπιέναι· εἰ δὲ μή, ὡς πολεμίοις χρήσεσθαι.
그들은 도시를 포위하고서, 에피담노스인 중 원하는 이들과 외국인들은 다치지 않고 떠나도 좋으며, 그렇지 않으면 적으로 간주하겠다고 선포했다.
ὡς δ’ οὐκ ἐπείθοντο, οἱ μὲν Κερκυραῖοι (ἔστι δ’ ἰσθμὸς τὸ χωρίον) ἐπολιόρκουν τὴν πόλιν,
그러나 그들이 복종하지 않자, 케르키라인들은 (그 지형은 지협이었다) 도시를 본격적으로 포위 공격했다.