§1.128.1ἀντεκέλευον δὲ καὶ οἱ Ἀθηναῖοι τοὺς Λακεδαιμονίους τὸ ἀπὸ Ταινάρου ἄγος ἐλαύνειν·
아테네인들도 이에 맞서 라케다이몬인들에게 타이나론의 부정을 추방하라고 요구했다.
οἱ γὰρ Λακεδαιμόνιοι ἀναστήσαντές ποτε ἐκ τοῦ ἱεροῦ τοῦ Ποσειδῶνος [ἀπὸ Ταινάρου] τῶν Εἱλώτων ἱκέτας ἀπαγαγόντες διέφθειραν, δι’ ὃ δὴ καὶ σφίσιν αὐτοῖς νομίζουσι τὸν μέγαν σεισμὸν γενέσθαι ἐν Σπάρτῃ.
왜냐하면 라케다이몬인들은 옛날 포세이돈 신전에서 탄원자였던 헤일로타이들을 떼어내어 끌고 가 죽였고, 바로 이 때문에 자신들에게 스파르타의 대지진이 일어났다고 믿고 있었기 때문이다.
§1.128.2ἐκέλευον δὲ καὶ τὸ τῆς Χαλκιοίκου ἄγος ἐλαύνειν αὐτούς·
그들은 또한 '청동 집의 여신'의 부정을 추방할 것도 요구했다.
ἐγένετο δὲ τοιόνδε.
그것은 다음과 같은 경위로 일어났다.
§1.128.3ἐπειδὴ Παυσανίας ὁ Λακεδαιμόνιος τὸ πρῶτον μεταπεμφθεὶς ὑπὸ Σπαρτιατῶν ἀπὸ τῆς ἀρχῆς τῆς ἐν Ἑλλησπόντῳ καὶ κριθεὶς ὑπ’ αὐτῶν ἀπελύθη μὴ ἀδικεῖν, δημοσίᾳ μὲν οὐκέτι ἐξεπέμφθη, ἰδίᾳ δὲ αὐτὸς τριήρη λαβὼν Ἑρμιονίδα ἄνευ Λακεδαιμονίων ἀφικνεῖται ἐς Ἑλλήσποντον, τῷ μὲν λόγῳ ἐπὶ τὸν Ἑλληνικὸν πόλεμον, τῷ δὲ ἔργῳ τὰ πρὸς βασιλέα πράγματα πράσσειν, ὥσπερ καὶ τὸ πρῶτον ἐπεχείρησεν, ἐφιέμενος τῆς Ἑλληνικῆς ἀρχῆς.
라케다이몬인 파우사니아스가 스파르타인들에 의해 헬레스폰토스의 지휘권으로부터 처음 소환되어 그들의 재판을 받고 무죄로 석방되었을 때, 공적으로는 더 이상 파견되지 않았으나, 사적으로 스스로 헤르미오네의 삼열조선 한 척을 얻어 라케다이몬인들 몰래 헬레스폰토스에 도착했다. 명목상으로는 그리스의 전쟁을 위한 것이었으나, 실제로는 처음에 시도했던 것처럼 그리스의 지배를 열망하며 왕과 교섭을 벌이기 위함이었다.
§1.128.4εὐεργεσίαν δὲ ἀπὸ τοῦδε πρῶτον ἐς βασιλέα κατέθετο καὶ τοῦ παντὸς πράγματος ἀρχὴν ἐποιήσατο·
그는 왕에게 먼저 다음과 같은 은혜를 베풀어 전체 계획의 시작으로 삼았다.
§1.128.5Βυζάντιον γὰρ ἑλὼν τῇ προτέρᾳ παρουσίᾳ μετὰ τὴν ἐκ Κύπρου ἀναχώρησιν (εἶχον δὲ Μῆδοι αὐτὸ καὶ βασιλέως προσήκοντές τινες καὶ ξυγγενεῖς οἳ ἑάλωσαν ἐν αὐτῷ) τότε τούτους οὓς ἔλαβεν ἀποπέμπει βασιλεῖ κρύφα τῶν ἄλλων ξυμμάχων, τῷ δὲ λόγῳ ἀπέδρασαν αὐτόν.
즉, 그가 이전의 원정에서(키프로스로부터 철수한 후) 비잔티온을 함락시켰을 때(그곳은 메디아인들이 지배하고 있었고 그곳에서 포획된 왕의 친족들과 친척들이 있었는데), 그때 자신이 사로잡았던 이들을 다른 동맹국들 모르게 은밀히 왕에게 돌려보내면서, 명목상으로는 그들이 자신에게서 도망친 것으로 꾸몄던 것이다.
§1.128.6ἔπρασσε δὲ ταῦτα μετὰ Γογγύλου τοῦ Ἐρετριῶς, ᾧπερ ἐπέτρεψε τό τε Βυζάντιον καὶ τοὺς αἰχμαλώτους.
그는 이 일을 에레트리아인 공길로스와 공모하여 진행했는데, 그에게 비잔티온과 포로들의 관리를 위임해 두었었다.
ἔπεμψε δὲ καὶ ἐπιστολὴν τὸν Γόγγυλον φέροντα αὐτῷ·
그는 또한 공길로스에게 왕에게 전할 서한을 들려 보냈다.
ἐνεγέγραπτο δὲ τάδε ἐν αὐτῇ, ὡς ὕστερον ἀνηυρέθη·
그 서한에는 나중에 밝혀진 바에 따르면 다음과 같이 적혀 있었다.
§1.128.7‘Παυσανίας ὁ ἡγεμὼν τῆς Σπάρτης τούσδε τέ σοι χαρίζεσθαι βουλόμενος ἀποπέμπει δορὶ ἑλών,καὶ γνώμην ποιοῦμαι, εἰ καὶ σοὶ δοκεῖ, θυγατέρα τε τὴν σὴν γῆμαι καί σοι Σπάρτην τε καὶ τὴν ἄλλην Ἑλλάδα ὑποχείριον ποιῆσαι.
"스파르타의 지휘관 파우사니아스는 당신에게 은혜를 베풀고자, 전쟁에서 사로잡은 이들을 돌려보냅니다. 그리고 만약 당신도 원하신다면, 당신의 딸과 혼인하여 스파르타와 나머지 그리스를 당신에게 예속시키고자 제안합니다.
δυνατὸς δὲ δοκῶ εἶναι ταῦτα πρᾶξαι μετὰ σοῦ βουλευόμενος.
당신과 의논해 가며 일한다면 나는 이를 이룰 수 있을 것이라 생각합니다.
εἰ οὖν τί σε τούτων ἀρέσκει, πέμπε ἄνδρα πιστὸν ἐπὶ θάλασσαν δι’ οὗ τὸ λοιπὸν τοὺς λόγους ποιησόμεθα. ’
그러니 이 중에 마음에 드는 것이 있다면, 신뢰할 만한 인물을 바닷가로 보내주십시오. 그를 통해 앞으로 의견을 나눕시다."