[ALFENUS libro sexto digestorum. ] §5.1.76.prProponebatur ex his iudicibus, qui in eandem rem dati essent, nonnullos causa audita excusatos esse inque eorum locum alios esse sumptos, et quaerebatur, singulorum iudicum mutatio eandem rem an aliud iudicium fecisset.
[阿尔芬努斯，《学说汇纂》第六卷] 设有一案：在为同一案件指定的若干法官中，有数人在对其（免职）原因进行审理后获得免除，并由他人替代其位置；当时有人提出疑问，个别法官的变更是否仍使该案维持同一案件，还是使其成为另一个审判。
respondi, non modo si unus aut alter, sed et si omnes iudices mutati essent, tamen et rem eandem et iudicium idem quod antea fuisset permanere: neque in hoc solum euenire, ut partibus commutatis eadem res esse existimaretur, sed et in multis ceteris rebus: nam et legionem eandem haberi, ex qua multi decessissent, quorum in locum alii subiecti essent: et populum eundem hoc tempore putari qui abhinc centum annis fuissent, cum ex illis nemo nunc uiueret: itemque nauem, si adeo saepe refecta esset, ut nulla tabula eadem permaneret quae non noua fuisset, nihilo minus eandem nauem esse existimari.
我回答说，不仅是一两个，即使所有的法官都被更换了，原先存在的同一案件和同一审判依然存续：而且，不仅在此事中发生“部分变更而仍被视为同一物”的情况，在许多其他事物中也是如此：因为，一个虽有许多人离去而由他人顶替的军团，仍被视为同一军团；而此时的民众，也被认为与一百年前存在的民众是同一的，尽管那时的人如今已无一存活；同样，一艘船如果因经常修理，以至于没有一块旧木板保留下来而全部换新，它仍同样被视为同一艘船。
quod si quis putaret partibus commutatis aliam rem fieri, fore ut ex eius ratione nos ipsi non idem essemus qui abhinc anno fuissemus, propterea quod, ut philosophi dicerent, ex quibus particulis minimis constiteremus, hae cottidie ex nostro corpore decederent aliaeque extrinsecus in earum locum accederent.
但是，如果有人认为部分变更就会使该物变成另一物，那么按照他的道理，我们自己也将与一年前的自己不再是同一个人，因为正如哲学家所说，构成我们身体的那些极其微小的粒子，每日都在从我们身体中流失，而来自外部的其他粒子则会进入它们的位置。
quapropter cuius rei species eadem consisteret, rem quoque eandem esse existimari.
因此，凡其外观保持一致的事物，该事物本身也同样被视为是同一的。