§1.6.1τὰ δὲ ἐς Ἄτταλον καὶ Πτολεμαῖον ἡλικίᾳ τε ἦν ἀρχαιότερα, ὡς μὴ μένειν ἔτι τὴν φήμην αὐτῶν, καὶ οἱ συγγενόμενοι τοῖς βασιλεῦσιν ἐπὶ συγγραφῇ τῶν ἔργων καὶ πρότερον ἔτι ἠμελήθησαν·
关于阿塔罗斯和托勒密的事情在时间上较早，以至于他们的名声已不再流传，而那些为了记录他们的功绩而追随君王的人在更早之前就被遗忘了。
τούτων ἕνεκά μοι καὶ τὰ τῶνδε ἐπῆλθε δηλῶσαι ἔργα τε ὁποῖα ἔπραξαν καὶ ὡς ἐς τοὺς πατέρας αὐτῶν περιεχώρησεν Αἰγύπτου καὶ ἡ Μυσῶν καὶ τῶν προσοίκων ἀρχή.
由于这些缘故，我便想阐明他们曾建立了怎样的功业，以及埃及、米西亚及其邻近地区的统治权是如何传到他们父亲手中的。
§1.6.2Πτολεμαῖον Μακεδόνες Φιλίππου παῖδα εἶναι τοῦ Ἀμύντου, λόγῳ δὲ Λάγου νομίζουσι·
马其顿人认为托勒密是阿敏塔斯之子腓力之子，但在名义上被视为拉古斯之子。
τὴν γάρ οἱ μητέρα ἔχουσαν ἐν γαστρὶ δοθῆναι γυναῖκα ὑπὸ Φιλίππου Λάγῳ.
因为他们说，他的母亲在怀有身孕时，被腓力赏赐给拉古斯为妻。
Πτολεμαῖον δὲ λέγουσιν ἄλλα τε ἐν τῇ Ἀσίᾳ λαμπρὰ ἀποδείξασθαι καὶ Ἀλεξάνδρῳ κινδύνου ξυμβάντος ἐν Ὀξυδράκαις μάλιστά οἱ τῶν ἑταίρων ἀμῦναι.
人们还说，托勒密在亚洲展现了其他辉煌的功绩，并且当亚历山大在奥克西德拉卡伊遭遇危险时，他在同伴中对亚历山大的救助最为力。
τελευτήσαντος δὲ Ἀλεξάνδρου τοῖς ἐς Ἀριδαῖον τὸν Φιλίππου τὴν πᾶσαν ἄγουσιν ἀρχὴν ἀντιστὰς αὐτὸς μάλιστα ἐγένετο ἐς τὰς βασιλείας αἴτιος τὰ ἔθνη νεμηθῆναι.
亚历山大去世后，他挺身反对那些试图将全部统治权交给腓力之子阿里代乌斯的人，从而成为各地区被分割为诸王国的最主要原因。
§1.6.3αὐτὸς δὲ ἐς Αἴγυπτον διαβὰς Κλεομένην τε ἀπέκτεινεν, ὃν σατραπεύειν Αἰγύπτου κατέστησεν Ἀλέξανδρος, Περδίκκᾳ νομίζων εὔνουν καὶ διʼ αὐτὸ οὐ πιστὸν αὑτῷ, καὶ Μακεδόνων τοὺς ταχθέντας τὸν Ἀλεξάνδρου νεκρὸν ἐς Αἰγὰς κομίζειν ἀνέπεισεν αὑτῷ παραδοῦναι·
他亲自渡海前往埃及，杀死了亚历山大曾任命为埃及总督的克里奥米尼斯，因为他认为此人对佩尔狄卡斯友善，因而对自己不忠。 他还说服了受命将亚历山大遗体运往埃盖的马其顿人，让他们将遗体交给自己。
καὶ τὸν μὲν νόμῳ τῷ Μακεδόνων ἔθαπτεν ἐν Μέμφει, οἷα δὲ ἐπιστάμενος πολεμήσοντα Περδίκκαν Αἴγυπτον εἶχεν ἐν φυλακῇ.
他按照马其顿人的法律将其安葬在孟菲斯，并且由于深知佩尔狄卡斯将会发动战争，便加强了埃及的防备。
Περδίκκας δὲ ἐς μὲν τὸ εὐπρεπὲς τῆς στρατείας ἐπήγετο Ἀριδαῖον τὸν Φιλίππου καὶ παῖδα Ἀλέξανδρον ἐκ Ῥωξάνης τῆς Ὀξυάρτου γεγονότα καὶ Ἀλεξάνδρου, τῷ δὲ ἔργῳ Πτολεμαῖον ἐπεβούλευεν ἀφελέσθαι τὴν ἐν Αἰγύπτῳ βασιλείαν·
佩尔狄卡斯为了使这次出征显得名正言顺，随行带上了腓力之子阿里代乌斯，以及奥克修阿尔特斯之女罗克珊妮与亚历山大所生的孩子亚历山大，但实际上他密谋夺取普托迈奥斯在埃及的王位。
ἐξωσθεὶς δὲ Αἰγύπτου καὶ τὰ ἐς πόλεμον ἔτι οὐχ ὁμοίως θαυμαζόμενος, διαβεβλημένος δὲ καὶ ἄλλως ἐς τοὺς Μακεδόνας, ἀπέθανεν ὑπὸ τῶν σωματοφυλάκων.
然而，他被逐出埃及，在军事才能上也不再像以前那样受到景仰，并且在其他方面也受到马其顿人的怨恨，最终死于自己侍卫的手中。
§1.6.4Πτολεμαῖον δὲ αὐτίκα ἐς τὰ πράγματα ὁ Περδίκκου θάνατος ἐπέστησε·
佩尔狄卡斯之死立即让托勒密掌握了局势的主导权。
καὶ τοῦτο μὲν Σύρους καὶ Φοινίκην εἷλε, τοῦτο δὲ ἐκπεσόντα ὑπὸ Ἀντιγόνου καὶ φεύγοντα ὑπεδέξατο Σέλευκον τὸν Ἀντιόχου, καὶ αὐτὸς παρεσκευάζετο ὡς ἀμυνούμενος Ἀντίγονον.
这一方面使他夺取了叙利亚和腓尼基，另一方面，他接纳了被安提柯驱逐并正在逃亡的安条克之子塞琉古，而他自己也准备迎击安提柯。
καὶ Κάσσανδρον τὸν Ἀντιπάτρου καὶ Λυσίμαχον βασιλεύοντα ἐν Θρᾴκῃ μετασχεῖν ἔπεισε τοῦ πολέμου, φυγὴν λέγων τὴν Σελεύκου καὶ τὸν Ἀντίγονον φοβερόν σφισιν εἶναι πᾶσιν αὐξηθέντα.
他劝说安提帕特之子卡山德和在色雷斯为王的文件西马库斯加入战争，并以塞琉古的逃亡为例，说明安提柯一旦壮大，对他们所有人都是可怕的威胁。
§1.6.5Ἀντίγονος δὲ τέως μὲν ἦν ἐν παρασκευῇ πολέμου καὶ τὸν κίνδυνον οὐ παντάπασιν ἐθάρρει·
安提柯在一段时间内一直在做战争准备，并未完全敢于冒险。
ἐπεὶ δὲ ἐς Λιβύην ἐπύθετο στρατεύειν Πτολεμαῖον ἀφεστηκότων Κυρηναίων, αὐτίκα Σύρους καὶ Φοίνικας εἷλεν ἐξ ἐπιδρομῆς, παραδοὺς δὲ Δημητρίῳ τῷ παιδί, ἡλικίαν μὲν νέῳ φρονεῖν δὲ ἤδη δοκοῦντι, καταβαίνει ἐπὶ τὸν Ἑλλήσποντον.
然而，当他得知由于昔兰尼人起兵反叛、托勒密已出兵利比亚时，他立即通过突袭夺取了叙利亚和腓尼基，并将其交给了虽然年轻、但已被认为深具谋略的儿子德米特里，然后下到赫勒斯滂。
πρὶν δὲ ἢ διαβῆναι πάλιν ἦγεν ὀπίσω τὴν στρατιάν, Δημήτριον ἀκούων ὑπὸ Πτολεμαίου μάχῃ κεκρατῆσθαι·
但在渡海之前，他听闻德米特里在战斗中被托勒密击败，便又率军折返。
Δημήτριος δὲ οὔτε παντάπασιν ἐξειστήκει Πτολεμαίῳ τῆς χώρας καί τινας τῶν Αἰγυπτίων λοχήσας διέφθειρεν οὐ πολλούς.
德米特里并未对托勒密完全放弃该地区，他还埋伏并消灭了少数埃及人。
τότε δὲ ἥκοντα Ἀντίγονον οὐχ ὑπομείνας Πτολεμαῖος ἀνεχώρησεν ἐς Αἴγυπτον.
此时，托勒密并未等待安提柯的到来，便退回了埃及。
§1.6.6διελθόντος δὲ τοῦ χειμῶνος Δημήτριος πλεύσας ἐς Κύπρον Μενέλαον σατράπην Πτολεμαίου ναυμαχίᾳ καὶ αὖθις αὐτὸν Πτολεμαῖον ἐπιδιαβάντα ἐνίκησε·
冬季过后，德米特里航行至塞浦路斯，在海战中击败了托勒密的总督梅内劳斯，接着又击败了随后亲自渡海而来的托勒密。
φυγόντα δὲ αὐτὸν ἐς Αἴγυπτον Ἀντίγονός τε κατὰ γῆν καὶ ναυσὶν ἅμα ἐπολιόρκει Δημήτριος.
在托勒密逃往埃及后，安提柯从陆路，德米特里同时用船只对其进行包围。
Πτολεμαῖος δὲ ἐς πᾶν ἀφικόμενος κινδύνου διέσωσεν ὅμως τὴν ἀρχὴν στρατιᾷ τε ἀντικαθήμενος ἐπὶ Πηλουσίῳ καὶ τριήρεσιν ἀμυνόμενος ἅμα ἐκ τοῦ ποταμοῦ.
托勒密虽然陷入了极度的危险中，但仍通过在培琉喜阿姆对峙陆军、并同时在河上用三列桨战船进行防守，保全了自己的统治。
Ἀντίγονος δὲ Αἴγυπτον μὲν αἱρήσειν ἐκ τῶν παρόντων οὐδεμίαν ἔτι εἶχεν ἐλπίδα, Δημήτριον δὲ ἐπὶ Ῥοδίους στρατιᾷ πολλῇ καὶ ναυσὶν ἔστειλεν, ὡς εἴ οἱ προσγένοιτο ἡ νῆσος ὁρμητηρίῳ χρήσεσθαι πρὸς τοὺς Αἰγυπτίους ἐλπίζων·
安提柯在这种情况下已不再抱有攻占埃及的希望，便派德米特里率领大军和船只前往攻打罗得岛人，希望若能夺得该岛，便可将其作为对付埃及人的基地。
ἀλλὰ αὐτοί τε οἱ Ῥόδιοι τολμήματα καὶ ἐπιτεχνήσεις παρέσχοντο ἐς τοὺς πολιορκοῦντας καὶ Πτολεμαῖός σφισιν ἐς ὅσον δυνάμεως ἧκε συνήρατο ἐς τὸν πόλεμον.
然而，罗得岛人自己对包围者展现出了非凡的勇气和智谋，托勒密也尽其所能地在战争中协助他们。
§1.6.7Ἀντίγονος δὲ Ῥόδου τε ἁμαρτὼν καὶ Αἰγύπτου πρότερον, οὐ πολλῷ τούτων ὕστερον ἀντιτάξασθαι Λυσιμάχῳ τολμήσας καὶ Κασσάνδρῳ τε καὶ τῇ Σελεύκου στρατιᾷ, τῆς δυνάμεως ἀπώλεσε τὸ πολὺ καὶ αὐτὸς ἀπέθανε ταλαιπωρήσας μάλιστα τῷ μήκει τοῦ πρὸς Εὐμένη πολέμου.
安提柯既在罗得岛失利，此前又在埃及受挫，在此后不久，竟敢于与利西马科斯、卡山德以及塞琉古的军队对抗，结果损失了大部分兵力，他自己也战死了，此前他因与欧墨尼斯长期作战而精疲力竭。
τῶν δὲ βασιλέων τῶν καθελόντων Ἀντίγονον ἀνοσιώτατον κρίνω γενέσθαι Κάσσανδρον, ὃς διʼ Ἀντιγόνου τὴν Μακεδόνων ἀρχὴν ἀνασωσάμενος πολεμήσων ἦλθεν ἐπʼ ἄνδρα εὐεργέτην.
在推翻安提柯的诸王中，我认为最不义的是卡山德，因为他正是通过安提柯才夺回了马其顿的统治权，却前来攻打这位恩人。
§1.6.8ἀποθανόντος δὲ Ἀντιγόνου Πτολεμαῖος Σύρους τε αὖθις καὶ Κύπρον εἷλε, κατήγαγε δὲ καὶ Πύρρον ἐς τὴν Θεσπρωτίδα ἤπειρον·
安提柯死后，托勒密再次夺取了叙利亚和塞浦路斯，并将皮洛斯送回了塞斯普罗蒂亚大陆。
Κυρήνης δὲ ἀποστάσης Μάγας Βερενίκης υἱὸς Πτολεμαίῳ τότε συνοικούσης ἔτει πέμπτῳ μετὰ τὴν ἀπόστασιν εἷλε Κυρήνην.
当昔兰尼反叛时，当时与托勒密同居的贝勒尼基之子马加斯，在反叛后的第五年夺回了昔兰尼。
—εἰ δὲ ὁ Πτολεμαῖος οὗτος ἀληθεῖ λόγῳ Φιλίππου τοῦ Ἀμύντου παῖς ἦν, ἴστω τὸ ἐπιμανὲς ἐς τὰς γυναῖκας κατὰ τὸν πατέρα κεκτημένος, ὃς Εὐρυδίκῃ τῇ Ἀντιπάτρου συνοικῶν ὄντων οἱ παίδων Βερενίκης ἐς ἔρωτα ἦλθεν, ἣν Ἀντίπατρος Εὐρυδίκῃ συνέπεμψεν ἐς Αἴγυπτον.
——如果这位托勒密在真实的说法中确是阿敏塔斯之子腓力之子，那么须知，他从父亲那里继承了对女性的狂热。 因为腓力虽然与安提帕特之女欧律狄刻同居并与她育有子女，却爱上了贝勒尼基，她是安提帕特随欧律狄刻一同派往埃及的。
ταύτης τῆς γυναικὸς ἐρασθεὶς παῖδας ἐξ αὐτῆς ἐποιήσατο, καὶ ὡς ἦν οἱ πλησίον ἡ τελευτή, Πτολεμαῖον ἀπέλιπεν Αἰγύπτου βασιλεύειν, ἀφʼ οὗ καὶ Ἀθηναίοις ἐστὶν ἡ φυλή, γεγονότα ἐκ Βερενίκης ἀλλʼ οὐκ ἐκ τῆς Ἀντιπάτρου θυγατρός.
在爱上这个女人之后，他与她生下了孩子，当他临终时，留下了托勒密统治埃及（雅典人的部落便是以此人命名的），此人是由贝勒尼基所生，而非由安提帕特之女所生。