§1.6#2πως ἢ τῶν ἐναντίων κωλυτικὰ διὰ ταῦτα λέγεσθαι καὶ τρόπον ἄλλον.
或者以某种方式阻止其相反面，因为这些而被说出，且以另一种方式。
δῆλον οὖν ὅτι διττῶς λέγοιτʼ ἂν τἀγαθά, καὶ τὰ μὲν καθʼ αὑτά, θάτερα δὲ διὰ ταῦτα.
显然，善事物是以双重方式被说出的，一类是因其自身，另一类则是由于这些。
χωρίσαντες οὖν ἀπὸ τῶν ὠφελίμων τὰ καθʼ αὑτὰ σκεψώμεθα εἰ λέγεται κατὰ μίαν ἰδέαν.
因此，让我们把因其自身而存在的善与有用的善区别开来，考察它们是否按照一个单一的理念而被说出。
καθʼ αὑτὰ δὲ ποῖα θείη τις ἄν;
那么，人们会将哪些事物置于因其自身而存在的善之中呢？
ἢ ὅσα καὶ μονούμενα διώκεται, οἷον τὸ φρονεῖν καὶ ὁρᾶν καὶ ἡδοναί τινες καὶ τιμαί;
难道是那些即使被孤立也依然被追求的一切，例如思考、看见、某些快乐和荣誉？
ταῦτα γὰρ εἰ καὶ διʼ ἄλλο τι διώκομεν, ὅμως τῶν καθʼ αὑτὰ ἀγαθῶν θείη τις ἄν.
因为即使我们为了别的事物而追求这些，人们仍然会把它们置于因其自身而存在的善之中。
ἢ οὐδʼ ἄλλο οὐδὲν πλὴν τῆς ἰδέας;
或者，除了理念本身之外，再没有别的了？
ὥστε μάταιον ἔσται τὸ εἶδος.
如果是这样，那么型将是虚无徒劳的。
εἰ δὲ καὶ ταῦτʼ ἐστὶ τῶν καθʼ αὑτά, τὸν τἀγαθοῦ λόγον ἐν ἅπασιν αὐτοῖς τὸν αὐτὸν ἐμφαίνεσθαι δεήσει, καθάπερ ἐν χιόνι καὶ ψιμυθίῳ τὸν τῆς λευκότητος.
但如果这些也属于因其自身而存在的善，那么在所有这些事物中，善的定义就必须表现为同一个，正如在雪和白铅中白色的定义相同一样。
τιμῆς δὲ καὶ φρονήσεως καὶ ἡδονῆς ἕτεροι καὶ διαφέροντες οἱ λόγοι ταύτῃ ᾗ ἀγαθά.
然而，荣誉、智慧和快乐的定义在它们作为善的这一点上，是不同且有差异的。
οὐκ ἔστιν ἄρα τὸ ἀγαθὸν κοινόν τι κατὰ μίαν ἰδέαν.
因此，善并不是按照一个单一理念而存在的某种共同事物。
ἀλλὰ πῶς δὴ λέγεται;
那么，它究竟是如何被说出的呢？
οὐ γὰρ ἔοικε τοῖς γε ἀπὸ τύχης ὁμωνύμοις.
因为这至少不像那些因偶然产生的同名异义事物。
ἀλλʼ ἆρά γε τῷ ἀφʼ ἑνὸς εἶναι ἢ πρὸς ἓν ἅπαντα συντελεῖν, ἢ μᾶλλον κατʼ ἀναλογίαν;
莫非是因为它们源于同一个东西，或者是因为它们全部都指向同一个东西，再或者，更确切地说是通过类比？
ὡς γὰρ ἐν σώματι ὄψις, ἐν ψυχῇ νοῦς, καὶ ἄλλο δὴ ἐν ἄλλῳ.
因为正如视觉在身体中，理智在灵魂中，其他事物在其他事物中也是如此。
ἀλλʼ ἴσως ταῦτα μὲν ἀφετέον τὸ νῦν· ἐξακριβοῦν γὰρ ὑπὲρ αὐτῶν ἄλλης ἂν εἴη φιλοσοφίας οἰκειότερον.
但或许目前应该搁置这些讨论；因为对它们进行精确的探讨更适合另一门哲学。
ὁμοίως δὲ καὶ περὶ τῆς ἰδέας· εἰ γὰρ καὶ ἔστιν ἕν τι τὸ κοινῇ κατηγορούμενον ἀγαθὸν ἢ χωριστὸν αὐτό τι καθʼ αὑτό, δῆλον ὡς οὐκ ἂν εἴη πρακτὸν οὐδὲ κτητὸν ἀνθρώπῳ·
关于理念，情况也是如此；因为，即使存在某种被共同陈述的单一的善，或者某种因其自身而独立存在的善，它显然也是人类无法付诸实践，也无法获得的。
νῦν δὲ τοιοῦτόν τι ζητεῖται.
而现在，我们所寻找的正是在此意义上的某种东西。
τάχα δέ τῳ δόξειεν ἂν βέλτιον εἶναι γνωρίζειν αὐτὸ πρὸς τὰ κτητὰ καὶ πρακτὰ τῶν ἀγαθῶν· οἷον γὰρ παράδειγμα τοῦτʼ ἔχοντες μᾶλλον εἰσόμεθα καὶ τὰ ἡμῖν ἀγαθά, κἂν εἰδῶμεν, ἐπιτευξόμεθα αὐτῶν.
但或许有人会认为，为了获得并践行那些可达到的善，认识它是更好的；因为把这当作样板，我们将能更好地看清对我们而言什么是善的，而且一旦看清，我们就能获得它们。
πιθανότητα μὲν οὖν τινα ἔχει ὁ λόγος, ἔοικε δὲ ταῖς ἐπιστήμαις διαφωνεῖν· πᾶσαι γὰρ ἀγαθοῦ τινὸς ἐφιέμεναι καὶ τὸ ἐνδεὲς ἐπιζητοῦσαι παραλείπουσι τὴν γνῶσιν αὐτοῦ.
诚然，这种说法具有某种说服力，但它似乎与诸门科学的实际情况相冲突；因为所有的科学虽然都在追求某种善，并试图填补欠缺，却忽略了对该善自身的认识。
καίτοι βοήθημα τηλικοῦτον τοὺς τεχνίτας ἅπαντας ἀγνοεῖν καὶ μηδʼ ἐπιζητεῖν οὐκ εὔλογον.
然而，所有手艺人居然都不知道如此重大的帮助，甚至根本不去寻找，这是不合情理的。
ἄπορον δὲ καὶ τί ὠφεληθήσεται ὑφάντης ἢ τέκτων πρὸς τὴν αὑτοῦ τέχνην εἰδὼς τὸ αὐτὸ τοῦτο ἀγαθόν, ἢ πῶς ἰατρικώτερος ἢ στρατηγικώτερος ἔσται ὁ τὴν ἰδέαν αὐτὴν τεθεαμένος.
同样令人费解的是，织工或木匠在知道了这个“善自身”之后，对他们自己的手艺会有什么帮助，或者一个观照过理念本身的人，又如何能成为一个更好的医生或将领。
φαίνεται μὲν γὰρ οὐδὲ τὴν ὑγίειαν οὕτως ἐπισκοπεῖν ὁ ἰατρός, ἀλλὰ τὴν ἀνθρώπου, μᾶλλον δʼ ἴσως τὴν τοῦδε· καθʼ ἕκαστον γὰρ ἰατρεύει.
因为医生似乎甚至不是以这种方式考察“健康”，而是考察“人的健康”，或者说，或许更确切地说是考察“这个人的健康”；因为他是针对个别的人进行治疗的。
καὶ περὶ μὲν τούτων ἐπὶ τοσοῦτον εἰρήσθω.
关于这些，就说到这里为止。