§20.55.1ὁ δʼ Ἀγαθοκλῆς, ὁρῶν αὐτοὺς ἀπαθῶς ὡρμηκότας πρὸς τὸν κίνδυνον, περιστήσας πανταχόθεν τὴν δύναμιν καὶ κατά τινα τόπον φαύλως ᾠκοδομημένον βιασάμενος εἰσέπεσεν εἰς τὴν πόλιν.
阿加托克利斯见他们毫不动摇地迎向危险，便在四周部署了军队，并强行攻破了一处建造得十分简陋的地方，闯入了城内。
§20.55.2τῶν δʼ Ἰτυκαίων τῶν μὲν εἰς τὰς οἰκίας, τῶν δʼ εἰς ἱερὰ καταφευγόντων διʼ ὀργῆς αὐτοὺς ἔχων φόνου τὴν πόλιν ἐπλήρωσε.
在尤提卡人有的逃往民宅，有的逃往神庙之际，对他们怀有怒火的阿加托克利斯在城内展开了血腥屠杀。
τοὺς μὲν γὰρ ἐν χειρῶν νόμῳ διέφθειρε, τοὺς δʼ ἁλόντας ἐκρέμασε, τοὺς δʼ ἐπὶ θεῶν ἱερὰ καὶ βωμοὺς καταφυγόντας διαψευσθῆναι τῆς ἐλπίδος ἐποίησεν.
他有的是在白兵战中将其杀害，有的是将捕获的人吊死，而对于那些逃往神明神庙和祭坛的人，他则使他们的希望落空。
§20.55.3διαφορήσας δὲ τὰς κτήσεις καὶ φυλακὴν ἀπολιπὼν ἐπὶ τῆς πόλεως ἐστρατοπέδευσεν ἐπὶ τὴν Ἵππου καλουμένην ἄκραν, ὠχυρωμένην φυσικῶς τῇ παρακειμένῃ λίμνῃ.
他在掠夺了财产并留守军驻守该城后，便进军至被称为希波·阿克拉的地方，该地因邻近的湖泊而形成天然要塞。
πολιορκήσας δὲ αὐτὴν ἐνεργῶς καὶ τῶν ἐγχωρίων ναυμαχίᾳ περιγενόμενος κατὰ κράτος εἷλε.
在对该地进行猛烈围攻并在海战中击败当地居民后，他以武力攻占了该城。
τούτῳ δὲ τῷ τρόπῳ τὰς πόλεις χειρωσάμενος τῶν τε ἐπὶ θαλάττῃ τόπων τῶν πλείστων ἐκυρίευσεν καὶ τῶν τὴν μεσόγειον οἰκούντων πλὴν τῶν Νομάδων· ὧν τινὲς μὲν φιλίαν πρὸς αὐτὸν ἐποιήσαντο, τινὲς δʼ ἐκαραδόκουν τὴν τῶν ὅλων κρίσιν.
通过这种方式制服了这两座城市后，他控制了大部分沿海地区以及除游牧民之外的内陆居民；在这些游牧民中，有的人与他建立了友谊，有的人则在静观全局的决战。
§20.55.4τέτταρα γὰρ τὴν Λιβύην διείληφε γένη, Φοίνικες μὲν οἱ τὴν Καρχηδόνα τότε κατοικοῦντες, Λιβυφοίνικες δὲ πολλὰς ἔχοντες πόλεις ἐπιθαλαττίους καὶ κοινωνοῦντες τοῖς Καρχηδονίοις ἐπιγαμίας, οἷς ἀπὸ τῆς συμπεπλεγμένης συγγενείας συνέβη τυχεῖν ταύτης τῆς προσηγορίας· ὁ δὲ πολὺς λαὸς τῶν ἐγχωρίων, ἀρχαιότατος ὤν, Λίβυς ὠνομάζετο, μισῶν διαφερόντως τοὺς Καρχηδονίους διὰ τὸ βάρος τῆς ἐπιστασίας· οἱ δὲ τελευταῖοι Νομάδες ὑπῆρχον, πολλὴν τῆς Λιβύης νεμόμενοι μέχρι τῆς ἐρήμου.
因为利比亚被分为四个民族：第一是当时居住在迦太基的腓尼基人；第二是拥有许多沿海城市并与迦太基人通婚的利比里亚腓尼基人，由于这种交错的血缘关系，他们碰巧获得了这一名称；第三是当地居民的绝大多数，他们最为古老，被称为利比亚人，由于迦太基人统治的沉重而对其无比痛恨；最后则是游牧民，他们占据了利比亚直到沙漠的广大地区。
§20.55.5Ἀγαθοκλῆς δὲ τοῖς μὲν κατὰ Λιβύην συμμάχοις καὶ ταῖς δυνάμεσιν ὑπερέχων τῶν Καρχηδονίων, περὶ δὲ τῶν ἐν Σικελίᾳ πραγμάτων ἀγωνιῶν ἄφρακτα καὶ πεντηκοντόρους ναυπηγησάμενος ἐνεβίβασε στρατιώτας δισχιλίους.
阿加托克利斯在利比亚的盟友和自身军事力量上虽然优于迦太基人，但由于对西西里岛的局势深感忧虑，他建造了无甲板船和五十桨船，并让两千名士兵登船。
καταλιπὼν δὲ τῶν ἐν τῇ Λιβύῃ πραγμάτων στρατηγὸν Ἀγάθαρχον τὸν υἱὸν ἀνήχθη ταῖς ναυσίν, ἐπὶ Σικελίαν τὸν πλοῦν ποιούμενος.
在留下他的儿子阿加塔尔科斯作为利比亚事务的将军后，他率领船队出海，驶向西西里岛。