§6.103.1Ἀθηναῖοι δὲ ὡς ἐπύθοντο ταῦτα, ἐβοήθεον καὶ αὐτοὶ ἐς τὸν Μαραθῶνα.
雅典人一听闻此事，他们自己也赶往马拉松增援。
ἦγον δὲ σφέας στρατηγοὶ δέκα, τῶν ὁ δέκατος ἦν Μιλτιάδης·
率领他们的是十位将军，其中第十位是米太亚德。
τοῦ τὸν πατέρα Κίμωνα τὸν Στησαγόρεω κατέλαβε φυγεῖν ἐξ Ἀθηνέων Πεισίστρατον τὸν Ἱπποκράτεος.
他的父亲，斯特萨哥拉斯之子西蒙，曾因希波克拉底之子庇西特拉图而被迫流亡雅典境外。
§6.103.2καὶ αὐτῷ φεύγοντι Ὀλυμπιάδα ἀνελέσθαι τεθρίππῳ συνέβη, καὶ ταύτην μὲν τὴν νίκην ἀνελόμενόν μιν τὠυτὸ ἐξενείκασθαι τῷ ὁμομητρίῳ ἀδελφεῷ Μιλτιάδῃ·
在他流亡期间，他恰好在四马战车比赛中赢得了奥林匹亚的胜利；通过赢得这次胜利，他获得了与同母异父兄弟米太亚德相同的荣誉。
μετὰ δὲ τῇ ὑστέρῃ Ὀλυμπιάδι τῇσι αὐτῇσι ἵπποισι νικῶν παραδιδοῖ Πεισιστράτῳ ἀνακηρυχθῆναι, καὶ τὴν νίκην παρεὶς τούτῳ κατῆλθε ἐπὶ τὰ ἑωυτοῦ ὑπόσπονδος.
在下一届奥林匹亚竞技会上，他用同样的马匹再次获胜，他将胜利让予庇西特拉图，使后者得以被宣布为获胜者，在将胜利让给他之后，西蒙通过协约回到了自己的家园。
§6.103.3καί μιν ἀνελόμενον τῇσι αὐτῇσι ἵπποισι ἄλλην Ὀλυμπιάδα κατέλαβε ἀποθανεῖν ὑπὸ τῶν Πεισιστράτου παίδων, οὐκέτι περιεόντος αὐτοῦ Πεισιστράτου· κτείνουσι δὲ οὗτοί μιν κατὰ τὸ πρυτανήιον νυκτὸς ὑπείσαντες ἄνδρας.
当他用同样的马匹赢得又一次奥林匹亚胜利时，他却遭遇了死于庇西特拉图儿子们之手的命运，当时庇西特拉图本人已不在人世；他们派人在夜间埋伏，在市政厅附近杀害了他。
τέθαπται δὲ Κίμων πρὸ τοῦ ἄστεος, πέρην τῆς διὰ Κοίλης καλεομένης ὁδοῦ· καταντίον δʼ αὐτοῦ αἱ ἵπποι τεθάφαται αὗται αἱ τρεῖς Ὀλυμπιάδας ἀνελόμεναι.
西蒙被安葬在城前，在被称为“穿过高勒”的道路对过；在他墓地的对面，安葬着那三匹曾赢得三次奥林匹亚胜利的马。
§6.103.4ἐποίησαν δὲ καὶ ἄλλαι ἵπποι ἤδη τὠυτὸ τοῦτο Εὐαγόρεω Λάκωνος, πλέω δὲ τουτέων οὐδαμαί.
拉哥尼亚人埃瓦哥拉斯的其他马匹此前也曾做到过完全相同的事情，但没有任何马匹能超过这个次数。
ὁ μὲν δὴ πρεσβύτερος τῶν παίδων τῷ Κίμωνι Στησαγόρης ἦν τηνικαῦτα παρὰ τῷ πάτρῳ Μιλτιάδῃ τρεφόμενος ἐν τῇ Χερσονήσῳ, ὁ δὲ νεώτερος παρʼ αὐτῷ Κίμωνι ἐν Ἀθήνῃσι, οὔνομα ἔχων ἀπὸ τοῦ οἰκιστέω τῆς Χερσονήσου Μιλτιάδεω Μιλτιάδης.
当时，在西蒙的儿子中，长子斯特萨哥拉斯在赫索尼苏斯由其叔父米太亚德抚养，而次子则与西蒙本人一起在雅典，因继承了赫索尼苏斯建立者米太亚德的名字而被称为米太亚德。