§3.157.1οἳ δὲ Βαβυλώνιοι ὁρῶντες ἄνδρα τὸν ἐν Πέρσῃσι δοκιμώτατον ῥινός τε καὶ ὤτων ἐστερημένον, μάστιξί τε καὶ αἵματι ἀναπεφυρμένον, πάγχυ ἐλπίσαντες λέγειν μιν ἀληθέα καί σφι ἥκειν σύμμαχον, ἐπιτρέπεσθαι ἕτοιμοι ἦσαν τῶν ἐδέετο σφέων· ἐδέετο δὲ στρατιῆς.
而巴比伦人看到波斯人中最有声望的男子被割去了鼻子和耳朵、浑身伤痕累累且血迹斑斑，便完全相信他所说的是真话，而且是作为盟友来到他们身边的，于是准备随时把向他们所要求的一切都托付给他；而他所要求的，乃是军队。
§3.157.2ὁ δὲ ἐπείτε αὐτῶν τοῦτο παρέλαβε, ἐποίεε τά περ τῷ Δαρείῳ συνεθήκατο·
他从他们那里接管了这一权力之后，便着手实行他与大流士所约定的一切。
ἐξαγαγὼν γὰρ τῇ δεκάτῃ ἡμέρῃ τὴν στρατιὴν τῶν Βαβυλωνίων καὶ κυκλωσάμενος τοὺς χιλίους, τοὺς πρώτους ἐνετείλατο Δαρείῳ τάξαι, τούτους κατεφόνευσε.
在第十天，他率领巴比伦人的军队出击，包围了一千名士兵——即他曾指示大流士最先部署的那一千人——并将他们全部斩杀。
§3.157.3μαθόντες δέ μιν οἱ Βαβυλώνιοι τοῖσι ἔπεσι τὰ ἔργα παρεχόμενον ὅμοια, πάγχυ περιχαρέες ἐόντες πᾶν δὴ ἕτοιμοι ἦσαν ὑπηρετέειν.
巴比伦人得知他用行动证明了自己的话，感到无比欣喜，完全准备好听从他的一切吩咐。
ὁ δὲ διαλιπὼν ἡμέρας τὰς συγκειμένας, αὖτις ἐπιλεξάμενος τῶν Βαβυλωνίων ἐξήγαγε καὶ κατεφόνευσε τῶν Δαρείου στρατιωτέων τοὺς δισχιλίους.
他在间隔了约定好的天数后，再次选拔巴比伦人并率军出击，包围并斩杀了大流士的两千名士兵。
§3.157.4ἰδόντες δὲ καὶ τοῦτο τὸ ἔργον οἱ Βαβυλώνιοι πάντες Ζώπυρον εἶχον ἐν στόμασι αἰνέοντες.
看到这第二次的战果，所有的巴比伦人都口口声声赞美左皮罗斯。
ὁ δὲ αὖτις διαλιπὼν τὰς συγκειμένας ἡμέρας ἐξήγαγε ἐς τὸ προειρημένον, καὶ κυκλωσάμενος κατεφόνευσε τοὺς τετρακισχιλίους.
他再次间隔了约定的天数，将军队率领到预先指定的地点，将其包围并斩杀了四千人。
ὡς δὲ καὶ τοῦτο κατέργαστο, πάντα δὴ ἦν ἐν τοῖσι Βαβυλωνίοισι Ζώπυρος, καὶ στρατάρχης τε οὗτός σφι καὶ τειχοφύλαξ ἀπεδέδεκτο.
当这一战果也达成后，左皮罗斯在巴比伦人中便成了一切，他被他们任命为总司令兼城墙守卫长。